പണ്ട് കാലങ്ങളിൽ കൊച്ചുകുട്ടികൾക്ക് നല്ല വൃത്തിയുള്ള വെള്ള തുണികൊണ്ടുള്ള നാപ്കിൻ ആണ് ഉപയോഗിച്ചിരുന്നത് ..എന്നാൽ ഇപ്പോൾ ആരും ഇത്തരം തുണികൾ ഉപയോഗിക്കാറിള്ള. കഴുകി ഉണക്കി സൂക്ഷിക്കാനുള്ള ബുദ്ധിമുട്ടും സ്ഥലപരിമിതിയും തന്നെയാണ് ഇതിനു കാരണം ..എന്നാൽ ഇന്നത്തെ അണുകുടുംബത്തിൽ അതിനൊന്നും ആർക്കും സമയമില്ല. മാത്രമല്ല നഗരത്തിലെ ഫ്ലാറ്റുകളിൽ അതിനൊന്നുമുള്ള സൗകര്യങ്ങളും കുറവാണ്

അതുകൊണ്ടുതന്നെ ഇപ്പോൾ മിക്ക അമ്മമാരും വെള്ളത്തുണികൾക്ക് പകരം ഉപയോഗിക്കുന്നത് ഡയപ്പറുകളാണ് . കഴുകാനുള്ള ബുദ്ധിമുട്ടില്ലെങ്കിലും ഡയപ്പർ ഉപയോഗിക്കുന്നവർ നേരിടുന്ന പ്രശ്നം മൂത്രം വീണ് നിറയുന്ന ഡയപ്പർ കളയാൻ ഒരു ഇടമില്ലാത്തതാണ് , ആ തലവേദനക്കുള്ള പ്രതിവിധിയാണ് ഇവിടെ പറയുന്നത്

മൂത്രം നിറഞ്ഞ ഡയപ്പർ വെള്ളം നിറഞ്ഞ ഒരു ബക്കറ്റിൽ ഇടുക. കുറച്ച് നേരം കഴിയുമ്പോൾ ഇതിലെ ജെൽ വെള്ളം വലിച്ച് വീർക്കുന്നു. പിന്നീട് ഇതിന് പുറമേയുളള കവർ കീറിയ ശേഷം ലഭിക്കുന്ന ജെല്ലിന് പുറത്ത് മൂന്ന് സ്പൂൺ ഉപ്പ് വിതറി ഇളക്കുക. കുറച്ചു കഴിയുമ്പോൾ ഇവ അലിഞ്ഞ് വെള്ളംപോലെയാകും. ഇങ്ങനെ ലഭിക്കുന്ന വെള്ളം ബാത്ത് റൂമിലെ ക്ലോസറ്റിലൊഴിച്ച് ഫ്ലഷ് ചെയ്യാം

ഡയപ്പർ സ്ഥിരമായി ഉപയോഗിക്കുന്നത് നല്ലതാണെന്നു പറയാൻ കഴിയില്ല. കുഞ്ഞിന്റെ തൊലിക്കും ശരീരത്തിനും സുഖകരം പണ്ടേ പോലെയുള്ള പഴയ തുണികൊണ്ടുള്ള നാപ്കിൻ തന്നെയാണ്. അവ നനയുമ്പോൾ ഉടനെത്തന്നെ അമ്മമാർ അറിയും എന്നത് തന്നെയാണ് ഏറ്റവും പ്രധാന ഗുണം..പിന്നെ മൃദുവായ കോട്ടൺ ആയതിനാൽ സുഖകരമാണ്. അലർജിയും ഉണ്ടാവില്ല. അതുകൊണ്ട് വീട്ടിൽ, പ്രത്യേകിച്ചു പകൽ സമയങ്ങളിൽ വൃത്തിയുള്ള കോട്ടൺ തുണി ഉപയോഗിക്കുന്നത് തന്നെ ആണ് നല്ലത്

മൂത്രം നനഞ്ഞ ഡയപ്പര്‍ അധികനേരമിട്ടാല്‍ ചര്‍മരോഗങ്ങള്‍ വരാനുള്ള സാദ്ധ്യതകൾ ഏറെയാണ് . മൂത്രത്തിലെ യൂറിയ ചില കുട്ടികളുടെ തുടകള്‍ക്കിടയില്‍ കുരുക്കളുണ്ടാക്കുന്നതായും കണ്ടിട്ടുണ്ട് . ഏറ്റവും കുറഞ്ഞത് നാലു മണിക്കൂര്‍ ഇടവിട്ടെങ്കിലും ഡയപ്പർ മാറ്റാന്‍ മറക്കരുത് ..മ​ണി​ക്കൂ​റു​ക​ളോ​ളം ഒ​രേ ഡ​യ​പ്പ​ർ​ ത​ന്നെ ഉ​പ​യോ​ഗി​ക്കു​ന്പോ​ൾ ഇ​വ​യി​ൽ കെ​ട്ടി​ക്കി​ട​ക്കു​ന്ന മ​ല​വും മൂ​ത്ര​വും കു​ഞ്ഞി​ന്‍റെ ച​ർ​മ​ത്തി​ന് ദോ​ഷ​ക​ര​മാ​യി ബാ​ധി​ക്കു​മെ​ന്ന കാ​ര്യ​ത്തി​ൽ സം​ശ​യ​ലേ​ശ​മി​ല്ല.

ദീ​ർ​ഘ​നേ​രം മൂ​ത്രം കു​ഞ്ഞി​ന്‍റെ ച​ർ​മ​വു​മാ​യി സമ്പർക്ക​ത്തി​ലാ​യി​രി​ക്കു​ന്പോ​ൾ അ​ത് ച​ർ​മ​ത്തി​ന്‍റെ സ്വാ​ഭാ​വി​ക​ത​ ന​ശി​പ്പി​ക്കു​ന്നു. കൂ​ടാ​തെ മ​ല​ത്തി​ലെ വി​വി​ധ​ങ്ങ​ളാ​യ ബാ​ക്ടീ​രി​യ​ക​ൾ മൂ​ത്ര​ത്തി​ലെ യൂ​റി​യ​യെ അ​മോ​ണി​യ​യാ​ക്കി മാ​റ്റു​ന്നു. ഇ​ത് ച​ർ​മ​ത്തി​ന് ദോ​ഷ​ക​ര​മാ​ണ്. ചെ​റു​കു​ട​ലി​ൽ​നി​ന്നും പാ​ൻ​ക്രി​യാ​സി​ൽ​നി​ന്നും ഉ​ത്പാ​ദി​പ്പി​ക്കു​ന്ന എ​ൻ​സൈ​മു​ക​ൾ മ​ല​ത്തി​ൽ ക​ല​രു​ന്നു​ണ്ട്. ഇ​തും ച​ർ​മ​ത്തി​ന് ദോ​ഷ​ക​ര​മാ​ണ്.

ഡയപ്പർ ധരിക്കുന്നതുമൂലമുള്ള നാപ്പിറാഷ് പൂപ്പൽ രോഗബാധയാണ് .. കുഞ്ഞിന്റെ തുടയിടുക്കിലാണ് സാധാരണയായി ഇതു കാണുക പതിവ്. കഴിയുന്നത്ര ആ ഭാഗം ജലാംശമില്ലാതെ സൂക്ഷിക്കണം. ആന്റിഫംഗൽ ഒായിന്റ്മെന്റുകളും പൗഡറുകളും വൈറ്റമിൻ–സിങ്ക് മരുന്നുകളും നാപ്പിറാഷിന് ഫലപ്രദമാണ്..