കണ്ണിലുണ്ടാകുന്ന സമ്മർദ്ദം മൂലം കാഴ്​ച നഷ്​ട​പ്പെടുന്നത്​ സാധാരണയാണ്. ഇത് നേരത്തെ കണ്ടെത്തിയാൽ കാഴ്ച നഷ്ടപ്പെടാതെ സംരക്ഷിക്കാം.മസൂറി സ്​കൂൾ ഒാഫ്​ മെഡിസിനിലെ ഗവേഷകർ കണ്ടു പിടിച്ച ​ ടോ​ണാമീറ്റർ എന്ന ഉപകരണം  ഉപയോഗിച്ച്​ കണ്ണിലെ സമ്മർദ്ദം കൃത്യമായി കണക്കാക്കാനാകുമെന്ന്​ ഗവേഷകർ അവകാശ​പ്പെടുന്നു.

തിമിര ശസ്​ത്രക്രിയക്ക്​ ശേഷമുള്ള ഏറ്റവും സാധാരണമായ പ്രശ്​നമാണ്​ കണ്ണിൽ സമ്മർദ്ദം വർധിക്കുന്നതും വീക്കം ഉണ്ടാകുന്നതും. ഇത്​ കാഴ്​ച നഷ്​ട​െപ്പടുന്നതിനും അന്ധതക്കും ഇടയാക്കുന്നു. എന്നാൽ ഇപ്പോൾ മർദ്ദം കണക്കാക്കുന്നതിന്​​ ശാസ്​ത്രീയ രീതികൾ ഇല്ല.

കണ്ണിൽ ലവണഗുണമുള്ള ലായനി നിറച്ച്​ അതിൽ ബഡ്​സ്​ ഉപയോഗിച്ച്​ പരിശോധിക്കുകയാണ്​ രീതി. ഇത്​ ഉൗഹക്കണക്ക്​ മാത്രമാണ്​. സർജൻ ചിന്തിക്കുന്നതിനേക്കാൾ കൂടുതൽ സമ്മർദ്ദം രോഗികൾക്ക്​ ഉണ്ടാകുമെന്ന്​ മസൂറി സ്​കൂൾ ഒാഫ്​ മെഡിസിനിലെ നേത്ര വിഭാഗം അസോസിയേറ്റ്​ പ്രഫസർ ജോൺ ജർസ്​റ്റഡ്​ പറയുന്നു.

എന്നാൽ ടോണോമീറ്റർ ഉപയോഗിക്കുകയാണെങ്കിൽ കൃത്യമായി മർദ്ദം കണക്കാക്കാം. ഇത്​ കണ്ണിലെ മർദ്ദം അളക്കുന്നതിനുള്ള ഇലക്​ട്രോണിക്​ ഉപകരണമാണ്​. പക്ഷേ, ഇൗ ഉപകരണം ഇതുവ​െ​ര ശസ്​ത്രക്രിയകൾക്ക്​ ഉപയോഗിച്ചിട്ടില്ല. ടോണോമീറ്റർ ഉപയോഗിച്ച്​ മർദം കണ്ടെത്തി നിയ​ന്ത്രിച്ച 170 രോഗികളിൽ കാഴ്​ചപടലത്തിൽ നീരുവന്ന്​ വീങ്ങി കാഴ്​ച നഷ്​ട​െപ്പടാൻ ഇടയാക്കുന്ന മസ്​കുല എഡിമ എന്ന രോഗം ബാധിക്കുന്നത്​ നാലു മടങ്ങ്​ വരെ കുറവാണെന്ന്​ കണ്ടെത്തിയിട്ടുണ്ട്​.

കണ്ണി​െൻറ സാധാരണ മർദ്ദം 16 മുതൽ 21 മില്ലിമീറ്റർ ഒാഫ്​ മെർക്കുറി ആണ്​. വർധിക്കുന്ന മർദം സ്വാഭാവികമായി തന്നെ സാധാരണ നിലയിലാകും. പക്ഷേ, അസാധാരണമായി മർദ്ദം വർധിക്കു​േമ്പാൾ ആളുകൾക്ക്​ തലകറക്കവും പുരികത്തിനു മുകളിലായി വേദനയും അനുഭവപ്പെടും. ഇൗ അവസ്​ഥയിൽ മർദം നിയന്ത്രിക്കേണ്ടത്​ അത്യവശ്യമാണ്​. ഇല്ലെങ്കിൽ അത്​ കാഴ്​ച പൂർണമായും നശിക്കുന്നതിനിടയാക്കും. മർദ്ദം കൃത്യമായി അളക്കാൻ കഴിഞ്ഞാൽ മാത്രമേ അത്​ നിയന്ത്രിക്കാനും സാധിക്കൂ. അതിനാൽ ടോണോമീറ്റർ ഉപയോഗിച്ച്​ മർദ്ദം കൃത്യമായി കണ്ടെത്തി നിയന്ത്രിക്കുകയാണ്​ വേ​ണ്ടതെന്നും പ്രഫ. ജോൺ ജർസ്​റ്റഡ്​ പറഞ്ഞു. ഇതിന്​ രോഗികൾ കൂടുതൽ പണം ചെലവഴിക്കേണ്ടതായി വരില്ലെന്നും അദ്ദേഹം കൂട്ടി​ച്ചേർത്തു.