മികച്ച ലൈംഗികതക്ക് വ്യായാമം ശീലമാക്കൂ
ലൈംഗികത ദാമ്പത്യത്തിൽ പ്രധാന ഘടകമാണ് . പരസ്പര വിശ്വാസവും സ്നേഹവും ഉറപ്പിക്കാൻ നല്ല രതി സഹായിക്കും.അതുകൊണ്ടുതന്നെ രതി ആസ്വാദ്യകരമാക്കാനുള്ള ശ്രമങ്ങള്‍ ജീവിതത്തില്‍ ആവശ്യമാണ്. ചില വ്യായാമങ്ങള്‍ രതി കൂടുതല്‍ രസമുള്ളതാക്കാനും രതിമൂര്‍ച്ഛ മികച്ചതാക്കാനും സഹായിക്കും.
ദിവസേന ചെയ്യുന്ന വ്യായാമങ്ങള്‍ക്ക് ഒന്നുകൂടി ഊര്‍ജ്ജം നല്‍കുക. അത് നടത്തമായാലും സൈക്ലിങ് ആയാലും, ജിമ്മിലെ എക്സര്‍സൈസ് ആയാലും. ഇത് ഹൃദയമിടിപ്പ് നിരക്ക് വേഗത്തിലാക്കാന്‍ സഹായിക്കുന്നു. ഇത് ഒരു വ്യക്തിയുടെ ലൈംഗിക ക്ഷമത വര്‍ദ്ധിപ്പിക്കുമെന്നാണ് കണ്ടെത്തല്‍. ഉയര്‍ന്ന ശ്വാസഗതി ഏറെ നേരം തുടരാന്‍ കഴിയുന്നവര്‍ക്ക് രതിയും കൂടുതല്‍ മികച്ച അനുഭവം ആകുമത്രേ.
ആഴ്ചയില്‍ മൂന്നു ദിവസമെങ്കിലും നീന്തുന്നവരാണെങ്കില്‍ 60 വയസ്സുള്ള സ്ത്രീക്കും പുരുഷനും അവരെക്കാള്‍ 20 വയസ്സു പ്രായക്കുറവുള്ളവർക്കുള്ള അതേ ലൈംഗികശേഷി ഉണ്ടാകുമെന്ന് ഹാര്‍വാഡിലെ പഠനം പറയുന്നു. രക്തയോട്ടം വര്‍ധിപ്പിക്കാനും മെയ് വഴക്കത്തിനും ശക്തി കൂടുന്നതിനും സമ്മർദ്ദം കുറയുന്നതിനും നീന്തല്‍ സഹായിക്കും
പുഷ് അപ്, സിറ്റ് അപ് പോലുള്ള വ്യായാമങ്ങള്‍ ദിവസേന ചെയ്യുന്നത് അരക്കെട്ടിലെ മസിലുകള്‍ക്ക് ശക്തി നൽകും.
യോഗയിലെ പല പൊസിഷനുകളും സ്ത്രീകളുടെ പെല്‍വിക് പേശികളുടെ ശക്തി കൂട്ടും. . ഇത് മെച്ചപ്പെട്ട രതിമൂര്‍ച്ഛ ലഭിക്കുന്നതിന് സഹായിക്കുന്നു.
ദമ്പതികൾ ഒരുമിച്ച് വ്യായാമം ചെയ്യുന്നത് പരസ്പര അടുപ്പം നിലനിർത്താൻ സഹായിക്കും.
https://www.facebook.com/Malayalivartha
