കുഞ്ഞുങ്ങളുടെ ചിരിയാണ് ലോകത്തിലെ ഏറ്റവും സുന്ദരമായ കാഴ്ച. ഇന്നത്തെ കുട്ടികൾക്കു മധുര പദാർത്ഥങ്ങളുടെ അമിത ഉപയോഗം കാരണം പുഴുപ്പല്ലും പല്ലില്‍ പോടും ഉണ്ടാകും. പല്ലുവേദനയെടുത്തു കരയുന്ന കുട്ടിയുടെ മുഖത്ത് പാൽപ്പുഞ്ചിരി കാണുന്നതെങ്ങനെ? ഡെന്റിസ്റ്റിന്റെ അടുക്കല്‍ ചെന്നാല്‍ 3 വയസുള്ള കുട്ടിക്കും റൂട്ട് കനാല്‍ ചെയ്യണം. പാല്‍ പല്ലുകള്‍ 5 – 6 വയസ്സില്‍ പൊഴിഞ്ഞു പോകുന്നതിനാണ് റൂട്ട് കനാല്‍ ചെയ്യിക്കുന്നത്.
കുഞ്ഞുങ്ങള്‍ക്ക്‌ വേണ്ടിയുള്ള മരുന്നുകളും ഭക്ഷണ സാധനങ്ങളും അവരെ അതിലേക്കാകർഷിക്കാൻ മധുരം കൂടുതല്‍ ഉള്ളവയായിരിക്കും.എന്ത് കഴിച്ചാലും വായ കഴുകിപ്പിക്കുക എന്ന ശ്രമകരമായ ജോലി കൃത്യമായി ശ്രദ്ധിക്കേണ്ടതുണ്ട്. മധുരം പല്ലിനെ കേടുവരുത്തുന്ന ബാക്ടീരിയകള്‍ക്ക് വളരാന്‍ അനുകൂലമായ സാഹചര്യങ്ങള്‍ സൃഷ്ടിക്കുന്നു .പ്രത്യേകിച്ച് പാല്‍ കുപ്പി വായില്‍ വച്ചുറങ്ങുന്ന ശീലം ഒഴിവാക്കണം.
മുൻനിരയിലെ പല്ലുകൾ പൊടിഞ്ഞു കുറ്റിയായി മോണയിൽ കുമിള വന്ന് പൊട്ടുന്ന നേഴ്നിംഗ് ബോട്ടിൽകാരീസ് എന്ന അവസ്ഥ കുട്ടികളിൽ കാണാറുണ്ട്.. ഇതിന് പൾപ്പോട്ടിരി, റൂട്ട് കനാൽ ട്രീറ്റ്മെന്റ് എന്നിവയാണ് ചെയ്യാറുള്ളത്.
ആറു മാസം മുതലാണ്‌ പാല്‍ പല്ല് (primary teeth) മുളയ്ക്കാന്‍ തുടങ്ങുക . ആറു വയസ്സ് മുതല്‍ സാധാരണ പല്ലുകളും (permanent tooth) വരാന്‍ തുടങ്ങുന്നു.കുഞ്ഞുങ്ങളുടെ ഓരോ പാല്‍ പല്ലും ഇളകാന്‍ തുടങ്ങുന്നത് താഴ്ഭാഗത്തായി സ്ഥിരമായി വായിലുണ്ടാകേണ്ട പല്ലുകള്‍ (permanent tooth) വരാന്‍ തുടങ്ങുമ്പോഴാണ്.
പാൽപ്പല്ലുകളിൽ ചെറിയ കറുത്ത കുത്തുകളായി പോടുള്ള പല്ലുകള്‍ കാണുമ്പോൾ തന്നെ ഡെന്റല്‍ ഡോക്ടറെ കണ്ട് അത് സാധാരണ രീതിയില്‍ അടച്ചു തീര്‍ക്കാവുന്നതാണ്.അധികം വൈകാതെ തന്നെ ഈ കേടു താഴോട്ടിറങ്ങി പല്ലിന്റെ രക്തയോട്ടം വരുന്ന ഭാഗം വരെ എത്തുമ്പോഴേക്കും കുഞ്ഞിനു വേദനയും വീക്കവും വന്നു തുടങ്ങുന്നു. പിന്നെ മുതിർന്നവരുടേതുപോലെ കുഞ്ഞുങ്ങള്‍ക്കും റൂട്ട് കനാല്‍ചെയ്യുകയോ പല്ല് എടുത്തു കളയുകയോ ആണ് ചെയ്യുന്നത്. എന്നാൽ ഇതിന്റെ ആവശ്യമുണ്ടോ? കുറച്ചൊന്നു ശ്രദ്ധിച്ചാൽ ഇതൊഴിവാക്കിക്കൂടെ?
പുഴുപ്പല്ലും മുടംപല്ലും ഒക്കെ പണ്ടും ഉണ്ടായിരുന്നു. അതിനു നാട്ടില്‍ തന്നെ ചികിത്സയും ഉണ്ടായിരുന്നു. പാൽപ്പുഞ്ചിരി തിളങ്ങാൻ അമ്മമാർക്ക് പരീക്ഷിക്കാവുന്ന ഒരു പൽപ്പൊടി ഇതാ
.മരുന്നുകള്‍:ആര്യവേപ്പിന്‍ പട്ട :20 ഗ്രാം
കരുവേല പട്ട -20 ഗ്രാം
ഇന്തുപ്പ് : 5 ഗ്രാം
മഞ്ഞള്‍പൊടി :10 ഗ്രാം
ഗ്രാമ്പൂ :20 ഗ്രാം
ത്രിഫല ചൂര്‍ണം : 20 ഗ്രാം
പടിക്കാരം : 5 ഗ്രാംചെയ്യണ്ട വിധം:പട്ടകള്‍ രണ്ടും ഇന്തുപ്പും ഗ്രാമ്പൂവും നല്ലവണ്ണം പൊടിച്ചെടുക്കുക. അതിന്റെ കൂടെ മഞ്ഞൾപ്പൊടി , ത്രിഫല ചൂർണം , പടിക്കാരം എന്നിവ ചേർത്തു നല്ലവണ്ണം ഇളക്കി ഒരു ഗ്ലാസ് ഭരണിയില്‍ ആക്കി സൂക്ഷിക്കുക. എന്നും രാവിലെയും, വൈകുന്നേരം ഭക്ഷണം കഴിഞ്ഞും ഒരു നുള്ള് വീതം പൽപ്പൊടി എടുത്തു പല്ല് തേക്കുക. ആദ്യം വിരല്‍ കൊണ്ട് മരുന്ന് പല്ലിലും മോണയിലും തേച്ചു പിടിപ്പിച്ചതിനു ശേഷം ബ്രഷ് ചെയ്യുക. വാ ചൂട് വെള്ളം കൊണ്ട് നല്ലവണ്ണം കഴുകുക .
സ്ഥിരമായി ചെയ്‌താൽ പുഴുപ്പല്ല് ,പല്ലിലെ കറകള്‍,മഞ്ഞ നിറം എന്നിവ മാറും.വായ്‌ പുണ്ണ് മാറാനും ഇത് വളരെ നല്ലതാണ്.മോണ വീക്കം, മോണയില്‍ നിന്നും രക്തം വരുക, പല്ല് പുളിപ്പ്, റൂട്ട് കനാല്‍ ചെയ്ത പല്ലുകൾക്ക് ഉണ്ടാകുന്ന വേദന എന്നിവക്കും ഇത് അത്യുത്തമം.