കൊതുക് ചിലരെ മാത്രം കൂടുതലായി കടിക്കുന്നതിനുള്ള കാരണം
കൊതുക് ചിലരെ മാത്രം കൂടുതലായി കടിക്കുന്നതിനുള്ള കാരണം
ഒരു കൂട്ടം ആളുകള് ഒരുമിച്ച് ഇരിക്കുമ്പോള് അതില് ഒന്നോ രണ്ടോ പേരെ മാത്രം കൊതുക് കടിക്കുന്നത് ശ്രദ്ധിച്ചിട്ടില്ലേ?. എന്തുകൊണ്ടാണ് ഇങ്ങനെ ചിലരെ മാത്രം തെരഞ്ഞെപിടിച്ച് കൊതുക് കടിക്കുന്നത്?
400 തരം മണങ്ങള് കൊതുകിന് വേര്തിരിച്ചറിയാനാകുമത്രേ. ഒരു വസ്തുവിന്റെ സ്വഭാവം ഏകദേശം 50 മീറ്റര് അകലെയെത്തുമ്പോഴേ കൊതുക് മണം കൊണ്ട് തിരിച്ചറിഞ്ഞിരിക്കും. രക്തത്തില് യൂറിക് ആസിഡിൻറെ അളവ് കൂടുതലുള്ളവരെ കൊതുക് കൂടുതലായി കടിക്കുന്നു. യൂറിക്ക് ആസിഡ് മാത്രമല്ല ലാക്റ്റിക് ആസിഡ്, അമോണിയ എന്നിവയൊക്കെ വളരെയകലെനിന്നേ കൊതുക് കണ്ടുപിടിക്കും. ശരീരത്തിന്റെ ചൂടും വിയര്പ്പും കൊതുകിനറിയാം.ഇത്തരം ഘടകങ്ങള് നിങ്ങളുടെ വിയര്പ്പില് കൂടുതലുണ്ടെങ്കില് കൊതുക് പാഞ്ഞെത്തിയെന്നുവരാം. കൊഴുപ്പ് കൂടുതലടങ്ങിയ ശരീരപ്രകൃതിക്കാരെയും കൊതുക് തെരഞ്ഞു പിടിക്കും.
മൃദുചർമ്മമുള്ളരെയും ഭംഗിയുള്ള ശരീരമുള്ളവരെയും കൊതുക് വെറുതെ വിടില്ല. ഇവരിൽ ശരീരം വിയർപ്പിലൂടെ പുറം തള്ളുന്ന ബാക്ടീരിയ ത്വക്കിന്റെ ഘടനകളിൽ കൂടുതൽ നേരം നിലനിൽക്കും. ഇതത്രക്കാരെ കൊതുക് ആക്രമിക്കും. കുഞ്ഞുങ്ങളെ കൊതുക് കൂടുതൽ അക്രമിക്കുന്നതിനുള്ള കാരണം ഇതാണ്.
ഒ രക്ത ഗ്രൂപ്പ് ഉള്ളവരെ കൊതുകുകള്ക്ക് വലിയ ഇഷ്ടമാണെന്നാണ് മറ്റൊരു നിഗമനം. പിന്നെ കൊതുക് രക്തം കുടിച്ച് സ്നേഹം പ്രകടിപ്പിക്കുന്നത് ബി രക്ത ഗ്രൂപ്പുകാരെയാണ്. കൊതുകിന് തീരെ താല്പര്യമില്ലാത്തത് എ ഗ്രൂപ്പ് രക്തമുള്ളവരെയാണ്. കാര്ബണ് ഡയോക്സൈഡ് കൂടുതല് പുറത്തുവിടുന്നവരുടെ ഒപ്പമാകും കൊതുക് കൂടുതല്. അതാണ് വണ്ണമുള്ളവരേയും ഗര്ഭിണികളേയും അവ കൂടുതലാക്രമിക്കുന്നത്.
വസ്ത്രങ്ങളുടെ നിറവും കൊതുകിനെ ആകർഷിക്കും നേവി ബ്ലൂ, ഓറഞ്ച്, കറുപ്പ്, ചുവപ്പ് നിറങ്ങളിലെ വസ്ത്രം ധരിച്ചിരിക്കുന്നവരെ പെട്ടെന്ന് കൊതുക് കടിക്കാൻസാധ്യത ഏറെയാണ്.
https://www.facebook.com/Malayalivartha