ഇളനീരിന് ആരോഗ്യഗുണങ്ങള്‍ ധാരാളമുളളതായി നമുക്കറിയാം. ആരോഗ്യത്തിന്റെ കാര്യത്തില്‍ മാത്രമല്ല സൗന്ദര്യ സംരക്ഷണത്തിന്റെ കാര്യത്തിലും ഇളനീര്‍ മുന്നില്‍ തന്നെയാണ്. പല വിധത്തിലുളള സൗന്ദര്യപ്രശ്‌നങ്ങള്‍ക്ക് ഇളനീരിലൂടെ പരിഹാം കാണാന്‍ സാധിക്കും. ഇളനീര്‍ ചര്‍മ്മത്തിന്റെ നിറം കൂട്ടാനും ചര്‍മ്മത്തിന് തിളക്കം കൂട്ടാനും അത്യുത്തമമാണ്.

ഇളനീരിനൊപ്പം നാരങ്ങ നീര് കൂടി ചേര്‍ത്താല്‍ സൗന്ദര്യ സംരക്ഷണം വളരെ ഫലപ്രദമായി തീരും. ഇവ രണ്ടും മിക്‌സ് ചെയ്ത് മുഖത്ത് തേച്ച് പിടിപ്പിക്കാം. നല്ലൊരു ടോണര്‍ ആയി പ്രവര്‍ത്തിക്കും. മുഖത്തെ അമിത എണ്ണമയും കുറയ്ക്കാനും ചര്‍മ്മത്തിന്റെ പിഎച്ച് ബാലന്‍സ് നിലനിര്‍ത്താനും ഇത് വളരെ സഹായിക്കുന്നു.

നാരങ്ങ നീരും ഇളനീരും മിക്‌സ് ചെയ്ത് മുഖത്ത് തേയ്ച്ച് പിടിപ്പിക്കുന്നത് മുഖത്തുണ്ടാകുന്ന കറുത്ത കുത്തുകള്‍ക്ക് പരിഹാരമാകും. ചര്‍മ്മത്തിലെ രക്തയോട്ടം വര്‍ദ്ധിപ്പിക്കുന്നതിനും ഇളനീരും നാരങ്ങ നീരും സഹായിക്കുന്നു. അതുകൊണ്ട് തന്നെ ഇതിന്റെ സൗന്ദര്യ ഗുണങ്ങള്‍ മുഖത്തിന് തിളക്കം നല്‍കും

സ്‌കിന്‍ ടോണ്‍ മാറ്റം വരുത്തുന്നതിനും ഇത് സഹായിക്കുന്നു. ഇളനീരിലുള്ള ഘടകങ്ങളാണ് ചര്‍മ്മത്തിന്റെ നിറത്തിന് മാറ്റം വരാന്‍ സഹായിക്കുന്നത്. നാരങ്ങയാകട്ടെ നല്ലൊരു ക്ലെന്‍സറാണ്. ഇത് ചര്‍മ്മത്തിന്റെ ആഴങ്ങളിലേക്കിറങ്ങിച്ചെന്ന് ചര്‍മ്മത്തിന് തിളക്കം നല്‍കുന്നു.