മുടികൊഴിച്ചില്‍ നമ്മളില്‍ പലരേയും ബുദ്ധിമുട്ടിക്കുന്ന ഒന്നാണ്. ഇതിന് പരിഹാരം കാണാന്‍ വിപണിയില്‍ കിട്ടുന്ന പല മരുന്നുകളും വാങ്ങി ഉപയോഗിക്കാറുണ്ട്. ഇങ്ങനെ മാറി മാറി പരീക്ഷിക്കുമ്പോഴുണ്ടാകുന്ന പാര്‍ശ്വഫലങ്ങള്‍ ചില്ലറയല്ല. അത് പലപ്പോഴും കൂടുതല്‍ ദോഷം ചെയ്യും. എന്നാല്‍ മുടി വളര്‍ച്ചക്കും കഷണ്ടിക്കും ഫലപ്രദമായി പരിഹാരം കാണാന്‍ കഴിയുന്ന പ്രകൃതിദത്തമാര്‍ഗ്ഗങ്ങള്‍ ഉണ്ട്. കരിംജീരകം ഇത്തരത്തില്‍ മുടിയെ സഹായിക്കുന്ന ഒന്നാണ്.

തലയോട്ടിയുടെ ആരോഗ്യം വര്‍ദ്ധിപ്പിക്കുന്നതിന് ഏറ്റവും ഉത്തമമായിട്ടുള്ളതാണ് കരിംജീരകം. തലയോട്ടിക്ക് ആരോഗ്യമുണ്ടെങ്കില്‍ മാത്രമേ അത് മുടിയുടെ ആരോഗ്യത്തേയും വളര്‍ച്ചയേയും സഹായിക്കുകയുള്ളൂ.

കരിംജീരകത്തിന്റെ എണ്ണ മുടിയില്‍ നല്ലതു പോലെ തേച്ച് പിടിപ്പിച്ച് ചുരുങ്ങിയത് 15 മിനിട്ടെങ്കിലും മസ്സാജ് ചെയ്യാം. ഇത് മുടിക്ക് തിളക്കവും സൗന്ദര്യവും ആരോഗ്യവും വര്‍ദ്ധിപ്പിക്കുന്നു. മുടി വളരാന്‍ ഏറ്റവും ഉത്തമമായ ഒരു മാര്‍ഗ്ഗമാണ് കരിംജീരകത്തിന്റെ എണ്ണ.

100 വിവിധ തരത്തിലുള്ള ന്യൂട്രിയന്‍സ് ഇതിലുണ്ട്. ഇത് മുടി വളരാനും മുടി കൊഴിച്ചില്‍ ഇല്ലാതാക്കാനും സഹായിക്കുന്നു. മുടി കണ്ടീഷന്‍ ചെയ്യുന്നതാണ് മറ്റൊന്ന്. ഇത് തലയോട്ടിയെ എപ്പോഴും ഈര്‍പ്പമുള്ളതും ഫ്രഷ് ആയതും ആയി സൂക്ഷിക്കുന്നു.

ഇത് മുടിയില്‍ സേബം ഉത്പ്പാദിപ്പിക്കുകയും വരണ്ട മുടിയെ ഫ്രഷ് ആക്കുകയും ചെയ്യുന്നുമുടി പൊട്ടുന്നത് തടയാനും ഏറ്റവും ഫലപ്രദമായിട്ടുള്ള ഒന്നാണ് കരിംജീരകത്തിന്റെ എണ്ണ. ഇതിലുള്ള ആന്റി ഓക്‌സിഡന്റ് മുടിയുടെ ആരോഗ്യത്തിന് വളരെ ഫലപ്രദമായിട്ടുള്ള ഒന്നാണ്. ഇത് മുടിയേയും തലയോട്ടിയേയും ആരോഗ്യത്തോടെ ഇരിക്കാന്‍ സഹായിക്കുന്നു.

കരിംജീരകത്തിന്റെ എണ്ണ ഉപയോഗിക്കുന്ന കാര്യത്തില്‍ അല്‍പം കൂടുതല്‍ ശ്രദ്ധ നല്‍കണം. ഉപയോഗിക്കുന്നതിന് ചില കാര്യങ്ങള്‍ ശ്രദ്ധ കൊടുക്കണം. എങ്ങനെ ഇത് ഉപയോഗിക്കാം എന്ന് നോക്കാം.എണ്ണ കൈയ്യിലെടുത്ത് രണ്ട് കൈ കൊണ്ടും നല്ലതു പോലെ തലയില്‍ തേച്ച് പിടിപ്പിക്കാം. മസ്സാജ് ചെയ്യുന്നത് 15 മിനിട്ടെങ്കിലും ചുരുങ്ങിയത് വേണം.

മുടി കൊഴിച്ചില്‍ കൂടുതലുള്ള സ്ഥലത്തായിരിക്കണം മസ്സാജ് ചെയ്യേണ്ടത് കൂടുതല്‍. മറ്റുള്ള ഭാഗങ്ങളെ അപേക്ഷിച്ച് ഈ ഭാഗത്തായിരിക്കണം ശ്രദ്ധ കൂടുതല്‍ നല്‍കേണ്ടത്.മുടി മുഴുവനായി ഈ എണ്ണ കൊണ്ട് നല്ലതു പോലെ തേച്ച് പിടിപ്പിക്കണം. ഇത് മുടിയുടെ വേരുകളില്‍ വരെ എത്തണം എന്നതാണ് ശ്രദ്ധിക്കേണ്ട കാര്യം. എണ്ണ തേച്ച് പിടിപ്പിച്ച് മുപ്പത് മിനിട്ടിനു ശേഷം കഴുകിക്കളയണം. നിങ്ങള്‍ സ്ഥിരമായി ഉപയോഗിക്കുന്ന ഷാമ്പൂ ഇട്ട് വേണം കഴുകേണ്ടത്.