യൂറിക് ആസിഡിന്റെ തോത് ക്രമീകരിക്കുന്നതിന് പ്രകൃതിദത്ത വഴികൾ...30 വയസ്സിനു മുകളിലുള്ള പുരുഷന്മാരെയും ആര്‍ത്തവവിരാമത്തിന് ശേഷം സ്ത്രീകളെയും ബാധിക്കുന്ന അപകടകാരിയായ ഒന്നാണ് യൂറിക്ക് ആസിഡ് അളവ് വർധിക്കുന്നത്
30 വയസ്സിനു മുകളിലുള്ള പുരുഷന്മാരെയും ആര്‍ത്തവവിരാമത്തിന് ശേഷം സ്ത്രീകളെയും ബാധിക്കുന്ന അപകടകാരിയായ ഒന്നാണ് യൂറിക്ക് ആസിഡ് അളവ് വർധിക്കുക എന്നത് . വ്യായാമക്കുറവ് കൊണ്ട് യുവാക്കളടക്കമുള്ളവരില്‍ സര്‍വസാധാരണയായി ഇന്ന് കണ്ട് വരുന്ന ഒന്നാണ് യൂറിക് ആസിഡ്.
രക്തത്തില്‍ യൂറിക് ആസിഡിന്റെ തോത് ക്രമീകരിക്കുന്നത് കിഡ്നി ആണ്. ശരീരത്തില്‍ ഉണ്ടാകുന്ന യൂറിക് ആസിഡിന്റെ മൂന്നില്‍ രണ്ടു ഭാഗം മൂത്രത്തിലൂടെയും, മൂന്നില്‍ ഒരു ഭാഗം മലത്തിലൂടെയും പുറന്തള്ളപ്പെടുന്നു. കിഡ്നിക്കുണ്ടാകുന്ന ഏതെങ്കിലും തകരാര്‍ മൂലവും, നാം കഴിക്കുന്ന ഭക്ഷണത്തില്‍ പ്രോട്ടീനിന്റെ അളവ് കൂടുന്നതും യൂറിക് ആസിഡ് രക്തത്തില്‍ വര്‍ധിക്കാന്‍ കാരണമാകുന്നു
ഉയര്‍ന്ന യൂറിക് ആസിഡ് ഉള്ള രോഗികളില്‍ മൂന്നിലൊന്ന് പേര്‍ക്കും സന്ധിവാതം എന്ന രോഗാവസ്ഥയും തീവ്രമായ വേദനയും ചുവപ്പും ഉണ്ടാകാം..യൂറിക് ആസിഡ് പരലുകള്‍ അധികമായാൽ വൃക്കയിൽ കല്ലുകളു ണ്ടാകാൻ സാധ്യത കൂടുതലാണ്
മാത്രമല്ല ഉയര്‍ന്ന യൂറിക് ആസിഡ് അളവ് ഹൃദ്രോഗം, ഉയര്‍ന്ന രക്തസമ്മര്‍ദ്ദം, വിട്ടുമാറാത്ത വൃക്കരോഗം, മെറ്റബോളിക് സിന്‍ഡ്രോം, അമിതവണ്ണം, പ്രമേഹത്തെ നിയന്ത്രിക്കാനുള്ള ബുദ്ധിമുട്ട് എന്നിവയ്ക്കും കാരണമായേക്കാം
ഭക്ഷണത്തിലും ജീവിതശൈലിയിലുമുള്ള മാറ്റത്തിന്റെ ഫലമായാണ് യൂറിക്ക് ആസിഡ് കൂടുന്നത് ..ചിലപ്പോള്‍ അപൂര്‍വ ജനിതക വൈകല്യങ്ങളും കാരണമാകാറുണ്ട് ..ട്യൂമറുകള്‍, ചില മരുന്നുകള്‍, വിറ്റാമിന്‍ കുറവ് എന്നിവയാണ് താരതമ്യേന അപൂര്‍വമായ മറ്റ് കാരണങ്ങള്‍.
റെഡ് മീറ്റ്, പാല്‍, എണ്ണമയമുള്ള മത്സ്യം, സീഫുഡ് തുടങ്ങിയ ഉയര്‍ന്ന പ്യൂരിന്‍ അടങ്ങിയ ഭക്ഷണങ്ങളും യീസ്റ്റ് സത്തില്‍ അടങ്ങിയിരിക്കുന്ന ഭക്ഷണങ്ങളും ഒഴിവാക്കുക. ശീതളപാനീയങ്ങള്‍ പോലുള്ള പഞ്ചസാര പാനീയങ്ങള്‍ ഒഴിവാക്കുക. ചാള, അയല, ചൂര, കണവ, കൊഞ്ച്, കക്ക തുടങ്ങിയവയും പച്ചക്കറികളില്‍ വഴുതനങ്ങ, മഷ്റൂം, കോളിഫ്ലവര്‍ മുതലായവയും ഭക്ഷണത്തില്‍ നിന്ന് ഒഴിവാക്കണം
ആരോഗ്യകരമായ ഭാരം നിലനിര്‍ത്തുക, ആരോഗ്യകരമായ സമീകൃതാഹാരം ശീലമാക്കുക, ക്രാഷ് ഡയറ്റ് ഒഴിവാക്കുക , പ്രോട്ടീന്‍ കൂടുതലും കാര്‍ബോഹൈഡ്രേറ്റ് കുറഞ്ഞതുമായ ഭക്ഷണ രീതി പിന്തുടരുക എന്നതെല്ലാമാണ് യൂറിക്ക് അസിഡിനെ നേരിടാനുള്ള മാർഗ്ഗങ്ങൾ
പതിവായി വ്യായാമം ചെയ്യുന്നത് നല്ലതാണ് . ദിവസവും പത്ത് ഗ്ലാസ് വെള്ളം കുടിക്കുന്നത് മൂത്രത്തിലൂടെ യൂറിക് ആസിഡ് പുറത്തുപോകാന്‍ സഹായിക്കും... മദ്യം ഒഴിവാക്കുകയോ കുറക്കുകയോ ചെയ്യുക. ബിയറും സ്പിരിറ്റുകളും ഒഴിവാക്കണം.
ചീര, ഓട്സ്, പച്ചക്കറികള്‍, പഴവര്‍ഗ്ഗങ്ങള്‍ തുടങ്ങിയ നാരടങ്ങിയ ഭക്ഷണം കഴിക്കുന്നത് ശീലമാക്കുക. ആപ്പിള്‍ സൈഡര്‍ വിനഗര്‍ യൂറിക് ആസിഡിന്റെ അളവ് കുറയ്ക്കാന്‍ സഹായിക്കും. കൂടാതെ ശരീരത്തിലെ ആല്‍ക്കലൈന്‍ ആസിഡിന്റെ അളവ് ത്വരിതപ്പെടുത്തുകയും ചെയ്യും. ചൂടുവെള്ളത്തില്‍ ഒരു ചെറുനാരങ്ങ പിഴിഞ്ഞ് രാവിലെ വെറുംവയറ്റില്‍ കുടിക്കുന്നതും നല്ലതാണ്
ഇത്തരം കാര്യങ്ങള്‍ ശ്രദ്ധിച്ചാല്‍ ഒരു പരിധി വരെ രോഗത്തെ തടയുന്നതിനും രോഗാവസ്ഥക്ക് പരിഹാരം കാണുന്നതിനും സാധിക്കും
യൂറിക് ആസിഡിന്റെ അളവ് വര്‍ദ്ധിക്കുന്നതിലൂടെ ശരീരത്തില്‍ ഉണ്ടാവുന്ന ആരോഗ്യപ്രശ്‌നങ്ങളിൽ ഗൗട്ട് തന്നെയാണ് പ്രധാന പ്രശ്‌നം. രക്തത്തിലെ ഉയര്‍ന്ന യൂറിക് ആസിഡ് ലെവല്‍ കിഡ്നി സ്റ്റോണ്‍ ഉണ്ടാകുന്നതിനു കാരണമായേക്കാം .
രക്തത്തിലെ യൂറിക് ആസിഡിന്റെ കൂടിയ അളവ് ചിലപ്പോൾ ഹൃദയാഘാതത്തിന് വരെ കാരണമാകുന്ന അവസ്ഥയിലേക്ക് എത്താറുണ്ട്. ഇതിന്റെ ഫലമായി ശരീരത്തില്‍ നീര് കാണപ്പെടാം ..ഹൃദയാഘാതത്തിന്റെ ഭാഗമായി സ്‌ട്രോക്ക് ഉണ്ടാവുന്നതിനുള്ള സാധ്യതയും വളരെ കൂടുതലാണ്. അതുകൊണ്ട് ഇത്തരം കാര്യങ്ങള്‍ വളരെയധികം ശ്രദ്ധിക്കേണ്ടതാണ്.
l
https://www.facebook.com/Malayalivartha
