ഉയരക്കുറവ്​ പലപ്പോഴും അനാരോഗ്യകരമായ അവസ്​ഥയായി കണക്കാക്കാറുണ്ട്. ശരിയായ വ്യായാമവും ഭക്ഷണക്രമവും മികച്ച ആരോഗ്യശീലങ്ങളും ഉണ്ടെങ്കിൽ ഉയരം സ്വാഭാവികമായി തന്നെ കൂടും. പാരമ്പര്യവും ജീനുകളും ഉയരം നിർണയിക്കുന്നതിൽ പ്രധാന ഘടകമാണ്

പുരുഷന്മാർ സാധാരണയായി 25 വയസ്സു വരെ ഉയരം വെക്കും. . എന്നാൽ പതിനെട്ടോ പത്തൊൻപതോ വയസാകുമ്പോൾ തന്നെ സ്ത്രീകൾ അവരുടെ പരമാവധി പൊക്കം വച്ചിരിക്കും. പിറ്റ്യൂട്ടറി ഗ്രന്ഥി ഉൽപ്പാദിപ്പിക്കുന്ന ഹോർമോൺ ആയ ഹ്യൂമൻ ഗ്രോത്ത് ഹോർമോൺ (HGH) ആണ് ഒരാളുടെ ഉയരത്തെ നിയന്ത്രിക്കുന്നത്.. ഉയരം കൂട്ടുന്നത് ഈ ഹോർമോണിന്റെ പ്രവർത്തന ഫലമായാണ്. HGH ന്റെ പ്രവർത്തനത്തിനു സഹായിക്കുന്ന ഭക്ഷണങ്ങൾ കഴിച്ചാൽ ഉയരം വയ്ക്കും എന്ന കാര്യം തീർച്ചയാണ്. ദിവസം എട്ടു മണിക്കൂർ ഉറങ്ങേണ്ടത് ഉയരം വെക്കുന്നതിൽ പ്രധാന പങ്ക് വഹിക്കുന്ന ഒന്നാണ്.

കൗമാരപ്രായത്തിൽ സമീകൃതാഹാരം കഴിക്കുന്നത് വളർച്ചയ്ക്ക് ഏറെ പ്രധാനമാണ് . ശക്തമായ പേശികൾ, ലിഗമെന്റുകൾ ഇവയെല്ലാം ഉണ്ടാകാൻ വ്യത്യസ്തയിനം പോഷകങ്ങൾ ശരീരത്തിനു ലഭിക്കുന്നുണ്ടെന്ന് ഉറപ്പു വരുത്തണം. ധാരാളം കാൽസ്യം, ധാതുക്കൾ, വൈറ്റമിനുകൾ, പ്രോട്ടീനുകൾ ഇവയെല്ലാം കൗമാരക്കാരുടെ ഭക്ഷണത്തിൽ ഉൾപ്പെടുത്തണം.

പ്രോട്ടീൻ – ഉയരം കൂടാൻ പ്രോട്ടീൻ കൂടിയേ തീരൂ ..ആരോഗ്യമുള്ള എല്ലുകൾ, പേശികൾ, കലകൾ, അവയവങ്ങൾ, ചർമം, പല്ല് മുതലായവയുടെ വളർച്ചയ്ക്കാവശ്യമായ അമിനോ ആസിഡുകൾ എന്നിവയെല്ലാം അടങ്ങിയവയാണ് പ്രോട്ടീനുകൾ. അതുകൊണ്ടു തന്നെ ഇവ ശരീരത്തിനു കൂടിയേ തീരൂ.
പ്രോട്ടീനുകളുടെ അഭാവം രോഗപ്രതിരോധം ദുർബലമാകുന്നതിനും , മസിൽ മാസ്സ് നശിക്കുക, മാനസിക വളർച്ച കുറയുക എന്നിവ ഉൾപ്പടെ ഒട്ടേറെ ആരോഗ്യപ്രശ്നങ്ങൾക്ക് കാരണമാകാം.

അതുകൊണ്ട് ഭക്ഷണത്തിൽ അന്നജത്തിനു പകരം പ്രോട്ടീൻ ധാരാളം അടങ്ങിയ മത്സ്യം, മുട്ട, പാൽ, പയറു വർഗങ്ങൾ ഏഡനിവ കൂടുതൽ ഉൾപ്പെടുത്തേണ്ടതുണ്ട് .

ധാതുക്കൾ– മഗ്നീഷ്യം, ഫോസ്ഫറസ്, ഫ്ലൂറൈഡ്, അയഡിൻ, അയൺ, മാംഗനീസ് എന്നീ ധാതുക്കൾ അടങ്ങിയ ഭക്ഷണം പൊക്കം വയ്ക്കാനും ശരീരവളർച്ചയ്ക്കും പ്രധാന പങ്കു വഹിക്കുന്നു. എല്ലുകളെ ശക്തിപ്പെടുത്താനും വളർച്ചയ്ക്കും ആവശ്യമായ ധാതുവാണ് കാൽസ്യം. അതെ സമയം വളർച്ചയെ കാർബണേറ്റഡ് പാനീയങ്ങൾ, ഉപ്പിന്റെ അമിതോപയോഗം, കൊഴുപ്പ്, കാപ്പിഎന്നിവയുടെ ഉപയോഗം കുറയ്ക്കണം. മദ്യപാനം, പുകവലി, ലഹരി വസ്​തുക്കളുടെ ഉപയോഗം എന്നിവ ആരോഗ്യം നശിപ്പിക്കുന്നതോടൊപ്പം വളർച്ചയെ തടസ്സപ്പെടുത്തുകയും ചെയ്യുന്നു.

ജീവകങ്ങൾ– എല്ലുകളുടെ ആരോഗ്യത്തിന് ജീവകം സി ആവശ്യമാണ്. ഈ ജീവകത്തിന്റെ അഭാവം വളർച്ചയെ തടസ്സപ്പെടുത്തുകയും എല്ലുകളുടെ ബലം കുറയ്ക്കുകയും ചെയ്യുന്നു. ജീവകം ഡി കൂടാതെ ജീവകം എ, ജീവകം ബി1, ബി2 അഥവാ റൈബോഫ്ലേവിൻ, ജീവകം സി അഥവാ അസ്കോർബിക് ആസിഡ്, ജീവകം എഫ് എന്നിവയും വളർച്ചയ്ക്ക് ആവശ്യമാണ്. സാധാരണയായി പഴങ്ങളിലും പച്ചക്കറികളിലും എല്ലാം ഈ ജീവകങ്ങൾ അടങ്ങിയിട്ടുണ്ട്.

പ്രാതൽ ഒഴിവാക്കുന്നത്​ ഉയരക്കുറവിന്​ കാരണമാകും . രാവിലത്തെ ഭക്ഷണം ഒഴിവാക്കുന്നത്​ എന്തുകൊണ്ടും നല്ലതല്ല. ഇത് ഒട്ടനവധി ആരോഗ്യ പ്രശ്നങ്ങൾക്ക് കാരണമാകും

സ്വാഭാവികമായും പൊക്കം കൂട്ടാൻ സഹായിക്കുന്ന ചില ഭക്ഷണങ്ങൾ ഇവയാണ്.

1. പാൽ – കാൽസ്യത്തിന്റെ മികച്ച ഉറവിടം. കൂടാതെ ശരീരത്തിൽ കാൽസ്യം നിലനിർത്താൻ സഹായിക്കുന്ന ജീവകം എ യും ഇതിലുണ്ട്. കോശനിർമാണത്തിനു സഹായിക്കുന്ന പ്രോട്ടീനുകളും പാലില്‍ ഉണ്ട്. എളുപ്പത്തിൽ ദഹിക്കുകയും ചെയ്യും. സ്കിംഡ് മിൽക്കിൽ ഫാറ്റ് ഒട്ടുമില്ല. 100% പ്രോട്ടീൻ ഇവയിലുണ്ട്. ദിവസവും 2 മുതൽ 3 ഗ്ലാസ്സ് വരെ പാൽ കുടിക്കാം.

2. പാലുൽപ്പന്നങ്ങൾ– പാല് കൂടാതെ പാലുൽപ്പന്നങ്ങളും പതിവായി കഴിക്കണം. ചീസ്, പനീർ, തൈര് വിപ്പിങ് ക്രീം ഇവയിലെല്ലാം വിറ്റമിൻ എ, ബി, ഡി, ഇ ഇവയുണ്ട്. പ്രോട്ടീനും കാൽസ്യവും ഇതിലുണ്ട്. ജീവകം ഡിയും കാൽസ്യവും വളർച്ച യ്ക്ക് ആവശ്യമാണ്. വളരുന്ന പ്രായത്തിൽ ആവശ്യത്തിന് കാൽസ്യം ശരീരത്തിലെത്തേണ്ടത് പ്രധാനമാണ്.

3. പഴങ്ങളും പച്ചക്കറികളും– ആരോഗ്യകരമായ ജീവിതശൈലി നിലനിർത്താൻ പഴങ്ങളും പച്ചക്കറികളും കൂടിയേ തീരൂ. വൈറ്റമിൻ, നാരുകൾ, പൊട്ടാസ്യം, ഫോളേറ്റുകൾ ഇവ ധാരാളമുള്ള ഇവ ഉയരം കൂട്ടാനും സഹായിക്കും.
പപ്പായ, മാങ്ങ, പാഷൻ ഫ്രൂട്ട്, തണ്ണിമത്തൻ ഇവയിലെല്ലാം ജീവകം എ ധാരാളം ഉണ്ട്. കാരറ്റ്, ബ്രൊക്കോളി, ചീര, കാബേജ്, പയർ, മധുരക്കിഴങ്ങ് മുതലായവയിലും ജീവകം എ ഉണ്ട്. കൂടാതെ നാരകഫലങ്ങളും എല്ലിന്റെ ആരോഗ്യകരമായ വളർച്ചയ്ക്കും ഉയരം കൂട്ടാനും സഹായിക്കും.

4. കോഴിയിറച്ചി – കോഴിയിറച്ചിയിൽ പ്രോട്ടീൻ ധാരാളമുണ്ട്. ഇത് ശരീരത്തിലെ പേശികളും കലകളും നിർമിക്കാനാവശ്യമായത്ര പ്രോട്ടീൻ പ്രദാനം ചെയ്യുന്നു.

5. ബീഫ്– ചിക്കൻ കൂടാതെ ബീഫും പ്രോട്ടീന്റെ ഉറവിടമാണ്. എന്നാൽ കൊളസ്ട്രോൾ കൂട്ടുന്ന കൊഴുപ്പും ഇവയിലുണ്ട്.

6. ധാന്യങ്ങൾ– സ്റ്റാർച്ചും ധാന്യങ്ങളും ഊർജ്ജത്തിന്റെ പ്രധാന ഉറവിടങ്ങളാണ്. കൂടാതെ ജീവകം ബി, ഫൈബർ അയൺ, മഗ്നീഷ്യം, െസലെനിയം ഇവയും ഉണ്ട്. കുട്ടികൾക്ക് വളരുന്ന പ്രായത്തിൽ ഇവ ധാരാളം നൽകണം, പ്രത്യേകിച്ചും പ്രായപൂർത്തിയെത്തുമ്പോൾ തവിടുകളയാത്ത അരി, ഗോതമ്പ് ഇവയെല്ലാം ശരിയായ വളർച്ചയ്ക്ക് സഹായിക്കും.

7. മുട്ട– പ്രോട്ടീൻ ധാരാളമുണ്ട്. മഞ്ഞയിൽ ഫാറ്റ് ഉള്ളതിനാൽ ഒഴിവാക്കാം. മുട്ടയുടെ വെള്ളയിൽ 100 ശതമാനം പ്രോട്ടീൻ ഉണ്ട്. കൂടാതെ റൈബോഫ്ലേവിൻ അഥവാ ജീവകം ബി 2 ഉം മുട്ടയിൽ ഉണ്ട്. ഉയരം കൂടാൻ ദിവസവും മൂന്നു മുതൽ ആറ് മുട്ട വരെ കഴിക്കാം.

8. സോയബീന്‍– സസ്യഭക്ഷണങ്ങളിൽ ഏറ്റവും കൂടുതൽ പ്രോട്ടീൻ അടങ്ങിയ ഭക്ഷണം ബോൺ മാസ് കൂട്ടുന്നു. ദിവസവും ഭക്ഷണത്തിൽ സോയ ഉൾപ്പെടുത്താവുന്നതാണ്.

9. ഓട്മീൽ
പ്രഭാതഭക്ഷണമായി ദിവസം 50 ഗ്രാം ഓട്മീൽ കഴിക്കുന്നത് ഉയരം കൂട്ടാൻ സഹായിക്കും.

10. കോറൽ കാൽസ്യം – പേര് സൂചിപ്പിക്കുന്നതു പോലെ തന്നെ കടലിലെ പവിഴപ്പുറ്റുകളിൽ നിന്നാണ് ഇത് ലഭിക്കുന്നത്. ബോൺ മാസ് കൂട്ടുന്നു. ഇത് ഉയരം കൂട്ടാൻ സഹായിക്കുന്നു. പരമാവധി പ്രയോജനം ലഭിക്കാൻ ചെറുപ്രായത്തിലേ കഴിച്ചു തുടങ്ങണം.