ഭക്ഷണ സാധനങ്ങളില്‍ ബ്രെഡുകള്‍ വിചാരിക്കുന്ന അത്ര നിസാരമല്ല എന്നാണ് ന്യൂട്രീഷ്യനിസ്റ്റുകള്‍ നല്‍കുന്ന മുന്നറിയിപ്പ്. പതിവായി കഴിക്കുന്നത് വയറിന്റെ ആരോഗ്യത്തെ കാര്യമായി തന്നെ ബാധിക്കുമെന്നാണ് മുന്നറിയിപ്പ്. പ്രഭാത ഭക്ഷണമെന്ന നിലയ്ക്ക് മില്‍ക് ബ്രെഡ് പതിവാക്കുന്നത് നിരവധി ആളുകളാണ്. അല്‍പ്പം കൂടി ആരോഗ്യം ശ്രദ്ധിക്കുന്നവര്‍ ബ്രൗണ്‍ ബ്രെഡ്, മള്‍ട്ടി ഗ്രെയിന്‍ ബ്രെഡ് എന്നിവയാണ് പതിവാക്കുന്നത്. എല്ലാ ദിവസവും ബ്രെഡ് പതിവാക്കുന്നത് ദഹനത്തെ കാര്യമായി ബാധിക്കുമെന്നാണ് വിദഗ്ദ്ധര്‍ അഭിപ്രായപ്പെടുന്നത്.

ദിവസവും ബ്രെഡ് കഴിക്കുന്നത് വയറിന്റെ പ്രവര്‍ത്തനത്തെ സാരമായി ബാധിക്കുകയും ഒരു ഗട്ടറിന് സമാനമായി മാറുകയും ചെയ്യാം. മള്‍ട്ടിഗ്രെയിന്‍ ബ്രെഡ് പതിവാക്കുന്നത് തലക്കറക്കം പോലുള്ള ആരോഗ്യപ്രശ്‌നത്തിലേക്ക് തള്ളിവിട്ടേക്കാം. മില്‍ക് ബ്രെഡ് ആണ് കൂടുതല്‍ ദോഷകരം. അപകടകാരിയായി മാറുവാനുള്ള സാദ്ധ്യതയാണ് പതിവായി ഇത് കഴിക്കുന്നതിലൂടെയുണ്ടാകുന്ന മാറ്റം.

സ്ഥിരമായി ബ്രെഡ് കഴിക്കുമ്പോള്‍ ഇതിലെ കാര്‍ബോഹൈഡ്രേറ്റുകള്‍ കെട്ടിക്കിടക്കുകയും അവ മദ്യത്തിന് സമാനമായി കരളില്‍ പ്രവര്‍ത്തിക്കാന്‍ തുടങ്ങുമെന്നും വിദഗ്ദ്ധര്‍ മുന്നറിയിപ്പ് നല്‍കുന്നു. മറ്റ് മാര്‍ഗമില്ലാതെ വരുമ്പോഴും വിശപ്പ് മാറ്റാന്‍ വേറൊന്നും കിട്ടാത്ത അപൂര്‍വം സാഹചര്യങ്ങളില്‍ മാത്രം കഴിക്കാവുന്ന ഒന്നാണ് ബ്രെഡുകളെന്നും ദിവസേന കഴിക്കാന്‍ പാടില്ലാത്തവയാണ് ഇവയെന്നും വിദഗ്ദ്ധര്‍ മുന്നറിയിപ്പ് നല്‍കുന്നു.