പണ്ട് മാവിലയും ഉമിക്കരിയുമാണ് പല്ലു വെളുപ്പിക്കാന്‍ ഉപയോഗിച്ചിരുന്നത്. പിന്നീടത് പല്‍പ്പൊടിയിലേക്കും പല ഫ്ലേവറിലുള്ള ടൂത്ത് പേസ്റ്റുകളിലേയ്ക്കും വഴിമാറി..പല്ലിനു തിളക്കം വർധിപ്പിക്കാൻ മാത്രമല്ല മറ്റ് പല ഗുണങ്ങളും ടൂത്ത് പേസ്റ്റിൽ ഉണ്ട് . 

അവയിൽ ഏറ്റവും പ്രധാനപ്പെട്ടതാണ് ശ്വാസകോശസംബന്ധമായ അസുഖങ്ങളോട് ചെറുത്തുനിൽ ക്കാൻ ടൂത്ത്പേസ്റ്റിനു കഴിയും എന്നത് . ടൂത്തപേസ്റ്റിൽ അടങ്ങിയിട്ടുള്ള രോഗാണുക്കളെ പ്രതിരോധിക്കുന്ന ഒരു ഘടകമാണ് ഈ സവിശേഷതയ്ക്ക് കാരണം. ശ്വാസകോശത്തെ ബാധിക്കുന്ന സിഎഫ് (സിസ്റ്റിക് ഫൈബ്രോസിസ്) എന്ന രോഗാവസ്ഥയെ 99.9ശതമാനവും ചെറുത്തുനിൽ ക്കാൻ ഇത് സഹായിക്കുമെന്നാണ് ഗവേഷകരുടെ കണ്ടെത്തൽ മിഷിഗൺ സ്റ്റേറ്റ് സർവകലാശാലയിലെ ഗവേഷകരാണ് ഈ പുതിയ കണ്ടെത്തലിന് പിന്നിൽ

2500പേരിൽ ഒരാൾക്ക് കാണപ്പെടുന്ന ജനിതക രോഗമാണ് സിഎഫ്. വളരെ ചെറുപ്രായത്തിലെ പിടിപെടുന്ന ഈ രോഗം ബാധിച്ചാൽ ജീവിതകാലം മുഴുവൻ അതിന്റെ അസ്വസ്ഥതകൾ രോഗിയെ അലട്ടികൊണ്ടിരിക്കുകയും ചെയ്യും. ആന്റിബയോട്ടിക്കുകൾ ഉപയോഗിച്ചാലും ശരീരത്തിൽ കടന്നിട്ടുള്ള ബാക്റ്റീരിയയെ ഇല്ലാതാക്കാൻ കഴിയില്ല. ബാക്റ്റീരിയയെ ആവരണം ചെയ്തുകൊണ്ട് ബയോഫിലിം എന്നൊരു സംരക്ഷണ വലയം രൂപപ്പെടുന്നതുകൊണ്ടാണ് ആന്റീബയോട്ടിക്കുകൾ ഫലപ്രദമാകാത്തതെന്ന് പഠനത്തിന് നേതൃത്വം നൽകിയ ക്രിസ് വാട്ടേഴ്സ് പറഞ്ഞു.

ടൂത്ത്പേസ്റ്റുകളിൽ ഉപയോഗിക്കുന്ന ട്രൈക്ലോസാനും ടോബ്രാമൈസിൻ എന്ന ആന്റിബയോട്ടിക്കും കൂടി ചേരുമ്പോഴാണ് സിഎഫിന് കാരണമാകുന്ന ബാക്റ്റീരിയയെ ചെറുത്തുനിൽ ക്കാൻ സാധിക്കുന്നത്. 40 വർ ഷത്തിലധികമായി സോപ്പുകളിലും മറ്റ് വാണിജ്യ ഉത്പന്നങ്ങളിലും ഉപയോഗിച്ചുവരുന്ന ട്രൈക്ലോസാന്റെ അളവ് ഇത്തരം ഉത്പന്നങ്ങളിൽ അടുത്തിടെ എഫ്ഡിഐ കുറച്ചിരുന്നു. എന്നാൽ ടൂത്ത്പേസ്റ്റുകളിലെ ഇവയുടെ അളവ് കുറച്ചിട്ടില്ല. ട്രൈക്ലോസാൻ ടൂത്ത്പേസ്റ്റുകളിൽ ഉപയോഗിക്കുന്നത് നല്ലതാണെന്നു ചൂണ്ടികാണിക്കുന്ന വ്യക്തമായ തെളിവുകൾ ഉണ്ടെന്നും അതുകൊണ്ടാണ് ഇപ്പോഴും ഇതിന്റെ ഉപയോഗം അംഗീകൃതമായി തുടരുന്നതെന്നും ഗവേഷകർ ചൂണ്ടികാണിക്കുന്നു.

എന്നാൽ ട്രൈക്ലോസാൻ അടങ്ങിയ ടൂത്ത് പേസ്റ്റ് ഉപയോഗിച്ച് ദിവസവും പല്ലുതേക്കുന്നതുകൊണ്ടുമാത്രം ഈ രോഗം വരില്ലെന്ന് ഉറപ്പിച്ചു പറയാൻ കഴിയില്ലെന്നും സിഎഫ് രോഗികളിൽ ഇത് ഫല പ്രദമായ രീതിയിൽ എങ്ങനെ പ്രയോജനപ്പെടുത്താം എന്നത് സംബന്ധിച്ച പഠനങ്ങൾ നടന്നുകൊണ്ടിരിക്കുകയാണെന്നും ക്രിസ് വാട്ടേഴ്സ് പറഞ്ഞു.

അതുപോലെ എന്ത് മരുന്ന് ചെയ്തിട്ടും മുഖക്കുരു മാറുന്നില്ല എന്ന പരാതിയുണ്ടോ? എങ്കിൽ അതിനും ടൂത്തപേസ്റ്റ് പരിഹാരം കാണും ..പേസ്റ്റില്‍ അടങ്ങിയിരിക്കുന്ന ടോക്സിന്‍ മുഖക്കുരുവിന് കാരണമാകുന്ന ബാക്ടീരിയയെ അപ്പാടെ ഇല്ലാതാക്കാനും, ക്ലെന്‍സിംഗ്, ബ്ലീച്ച് ഘടകങ്ങള്‍ അടങ്ങിയിട്ടുള്ള പേസ്റ്റ് മുഖത്തെ കറുത്ത പാടുകള്‍ ഇല്ലാതാക്കും. പേസ്റ്റിലെ സിലിക്ക ചര്‍മ്മത്തിന്റെ കേടുപാടുകള്‍ ഇല്ലാതാക്കുകയും ഹൈഡ്രജന്‍ പെറോക്സൈഡ് ബാക്ടീരിയകള്‍ക്കെതിരെ പ്രവര്‍ത്തിക്കുകയും ചെയ്യുന്നു.
നാച്ചുറല്‍ ഓര്‍ഗാനിക് ടൂത്ത് പേസ്റ്റുകള്‍ വേണം മുഖത്തു പുരട്ടാൻ ഉപയോഗിക്കേണ്ടത് ... ഫ്ലൂറോയ്ഡ് അടങ്ങിയിട്ടില്ലാത്തതും നിറം വെപ്പിക്കുന്ന ഘടകങ്ങള്‍ അടങ്ങിയിട്ടുള്ളതുമായ പേസ്റ്റുകള്‍ ഉപയോഗിക്കരുത് നേരിട്ട് മുഖത്ത് പുരട്ടുന്നതിന് മുന്‍പ് ചര്‍മ്മത്തില്‍ എവിടെയെങ്കിലും ചെറിയ തോതില്‍ പുരട്ടി ത്വക്കിന് അവസ്ഥകള്‍ ഇല്ലെങ്കില്‍ മാത്രം മുഖത്ത് കുരുക്കള്‍ ഉള്ള ഭാഗത്ത് പുരട്ടുന്നതാണ് നല്ലത് . മുഖക്കുരു മാത്രം മൂടുന്ന രീതിയിലാണ് പേസ്റ്റ് ഇടേണ്ടത് . ഒരിക്കലും തടവിക്കൊടുക്കുകയോ അമർത്തി തിരുമുകയോ ചെയ്യാൻ തുനിയരുത്‌. അത്‌ ഇരട്ടി ദോഷമാകും ചെയ്യുക. ഒരു മണിക്കൂർ കഴിഞ്ഞ്‌ കഴുകി കളയാം. തീർച്ചയായും ഫലം ലഭിക്കുന്നതാണ്

ഇനിയും ടൂത്ത് പാസ്റ്റിന്റർ ഉപയോഗങ്ങൾ നിരവധിയുണ്ട്.കാറിന്റെ ഹെഡ് ലൈറ്റ് തിളങ്ങാന്‍ ഒരല്‍പം ടൂത്ത്‌പേസ്റ്റ് വെള്ളവുമായി മിക്‌സ് ചെയ്ത് അതില്‍ ഒരു തുണി മുക്കി ഹെഡ് ലൈറ്റില്‍ പുരട്ടി അഞ്ച് മിനിറ്റിന് ശേഷം വെള്ളം ഉപയോഗിച്ച് കഴുകി കളയാം...
ഇസ്തിരിപ്പെട്ടിയില്‍ അല്പം ടൂത്ത്‌പേസ്റ്റ് തേച്ച് കുറച്ച് നേരം വച്ചിരുന്നതിന് ശേഷം ഉണങ്ങിയ തുണി കൊണ്ട് തുടച്ചെടുത്താൽ ഇസ്തിരിപ്പെട്ടിയുടെ അടിയില്‍ കറുത്ത നിറം ഉണ്ടെങ്കിൽ മാറും

ഉള്ളി, വെളുത്തുള്ളി തുടങ്ങിയവ അരിഞ്ഞ ശേഷം കയ്യിലുള്ള മണം കളയാന്‍ അല്പം ടൂത്ത് പേസ്റ്റ് വെള്ളത്തില്‍ കലക്കി ആ വെള്ളം കൊണ്ട് കൈ കഴുകിയാല്‍ മതി...
ഫോണിൽ സ്ക്രാച്ച് ഉണ്ടെങ്കിൽ അല്പം ടൂത്ത്‌പേസ്റ്റ് പഞ്ഞിയില്‍ പുരട്ടി സ്ക്രാച്ചിൽ വട്ടത്തിൽ പുരട്ടി തുടച്ചെടുത്താല്‍ മതി.

ഷൂവില്‍ വീണ പോറലുകള്‍ മാറ്റാന്‍ ടൂത്ത്‌പേസ്റ്റ് നനഞ്ഞ തുണിയില്‍ എടുത്ത് പോറല്‍ വീണ ഭാഗത്ത് നന്നായി ഉരസുക. വലിയ പോറലുകളാണെങ്കില്‍ തുണിക്ക് പകരം നനഞ്ഞ ടൂത്ത് ബ്രഷ് ഉപയോഗിക്കാം. ശേഷം തുണി കൊണ്ട് തുടച്ചെടുത്താല്‍ മതി.

വീട്ടില്‍ കൊച്ചു കുട്ടികള്‍ ഉണ്ടെങ്കില്‍ ചുവരില്‍ ക്രയോണ്‍സ് കൊണ്ടും മാര്‍ക്കര്‍ കൊണ്ടുമെല്ലാം കുത്തി വരച്ച് വൃത്തികേടാക്കിയിട്ടുണ്ടാകും. ഇത്തരത്തിലുള്ള പാടുകള്‍ കളയാന്‍ ഒരല്പം ടൂത്ത്‌പേസ്റ്റ് ബ്രഷിലെടുത്ത് പാടുകളില്‍ നന്നായി ഉരയ്ക്കുക. ഇത്തരത്തില്‍ മര ഉരുപ്പടികളിലെയും പാടുകള്‍ മാറ്റാം

സിങ്കിലും ടോയ്‌ലറ്റിലുമെല്ലാം കാണുന്ന കറുത്ത പാടുകള്‍ കളയാന്‍ അല്പം ടൂത്ത്‌പേസ്റ്റ് പഴയ ടൂത്ത് ബ്രഷില്‍ എടുത്തു കറയില്‍ നന്നായി ഉരയ്ക്കുക. ശേഷം വെള്ളം കൊണ്ട് കഴുകി കളയാം.