കഴിഞ്ഞ കുറച്ച് നാളുകളായി നമ്മളെല്ലാവരും കോവിഡിന്റെ പിടിയലാണ്. കോവിഡിനെ പ്രതിരോധിക്കാന്‍ വാക്‌സിനോടൊപ്പം തന്നെ ചില ഭക്ഷണങ്ങളും കഴിച്ചിരിക്കണം. കോവിഡ് പ്രതിരോധത്തില്‍ നാം കഴിക്കുന്ന ഭക്ഷണത്തിന് വലിയ പങ്കുണ്ട് എന്നതില്‍ തര്‍ക്കമൊന്നുമില്ല. കോവിഡ് മഹാമാരിയുടെ രണ്ടാം ഘട്ടവും കടന്നിരിക്കുകയാണ് നമ്മള്‍.

ഈ സാഹചര്യത്തിലും നമ്മുടെ ആരോഗ്യം സംബന്ധിച്ച് നാം കൂടുതല്‍ ശ്രദ്ധ പുലര്‍ത്തേണ്ടതുണ്ട്. നമ്മുടെ ഭക്ഷണ ശീലങ്ങളില്‍ ആവശ്യമായ മിനറലുകളും വൈറ്റമിനുകളും ഉള്‍പ്പെടുത്തുക എന്നതാണ് പ്രധാനം. കോവിഡ് പ്രതിരോധ ശേഷി നേടാന്‍ നമ്മുടെ ഭക്ഷണങ്ങളില്‍ ഉള്‍പ്പെടുത്തേണ്ട ചില കാര്യങ്ങള്‍ എന്തെല്ലാമാണെന്ന് നോക്കാം.

* ചീര

മനുഷ്യ ശരീരത്തില്‍ പ്രതിരോധ ശേഷി വര്‍ദ്ധിപ്പിക്കുന്ന വളരെ പ്രധാനപ്പെട്ട ഭക്ഷണങ്ങളിലൊന്നാണ് ചീര. അയേണ്‍, കാല്‍സ്യം, സോഡിയം, ഫോസ്ഫറസ് തുടങ്ങിയ പോഷക ഘടകങ്ങള്‍ ഈ ഇലകളില്‍ അടങ്ങിയിട്ടുണ്ട്. കൂടാതെ രക്തത്തില്‍ ഹിമോഗ്ലാബിന്റെ അളവ് കൂട്ടാനും ചീര സഹായിക്കും.

* ഉരുളക്കിഴങ്ങ്

നാം സ്ഥിരം കഴിക്കാറുള്ള ഉരുളക്കിഴങ്ങ് ഇരുമ്ബിന്റെ അംശം അടങ്ങിയതാണ്. പാകം ചെയ്യാത്ത ഉരുളക്കിഴങ്ങില്‍ 3.2 മില്ലിഗ്രാം അയേണാണടങ്ങിയിരിക്കുന്നത്. കൂടാതെ ഉരുളക്കിഴങ്ങില്‍ ഫൈബര്‍, വൈറ്റമിന്‍ സി, പൊട്ടാസ്യം എന്നിവയും അടങ്ങിയിട്ടുണ്ട്.

* പരിപ്പ്

ഇന്ത്യയില്‍ പൊതുവെ ദാല്‍ എന്ന് വിളിക്കുന്ന പരിപ്പ് നിരവധി പോഷക ഘടകങ്ങള്‍ അടങ്ങിയതാണ്. ഒരു കപ്പ് പാകം ചെയ്ത പരിപ്പിന് ശരീരത്തിന് ഒരു ദിവസം ആവശ്യമായ അയേണിന്റെ 37 ശതമാനം വരെ നല്‍കാനാകും.

* ഡ്രൈ ഫ്രൂട്ട്സ്

ഉണക്ക മുന്തിരി, അത്തി തുടങ്ങി മുഴുവന്‍ ഡ്രൈ ഫ്രൂട്ടുകളും ശരീരത്തിന് നല്ലതാണ്. ശരീരത്തില്‍ ഇരുന്പിന്റെ കുറവ് പരിഹരിക്കാന്‍ ഡ്രൈ ഫ്രൂട്ട്സ് കഴിക്കുന്നത് സഹായിക്കും. ശരീരത്തിലെ ബ്ലഡ് സെല്ലുകളുടെ എണ്ണം കൂട്ടാനും ഇത് സഹായിക്കും എന്നാണ് വിദഗ്ധര്‍ പറയുന്നത്.

* സോയ

വളരെ പോഷകാംശങ്ങള്‍ അടങ്ങിയ ഭക്ഷണ പദാര്‍ത്ഥമാണ് സോയ. 100 ഗ്രാം പച്ച സോയാബീനില്‍ 15.7 മില്ലിഗ്രാം അയേണ്‍ അടങ്ങിയിട്ടുണ്ട്. സോയ ഉള്‍പ്പെട്ട ഭക്ഷണങ്ങള്‍ നിരന്തരം കഴിക്കുന്നത് ശരീരത്തിലെ പോഷക കുറവ് പരിഹിക്കാന്‍ സഹായിക്കും.