റെഫ്രജിറേറ്റർ എല്ലാ വീടുകളുടെയും മാത്രമല്ല കടകളുടെയും ഒഴിവാക്കാനാകാത്ത ഒന്നാണ്. മീൻ, ഇറച്ചി, ഐസ്ക്രീം, മലക്കറി, മുട്ട, വെള്ളം തുടങ്ങി എന്തൊക്കെ കാര്യങ്ങളാണ് ഫ്രിഡ്ജിൽ നാം കുത്തി നിറയ്ക്കുന്നത് അല്ലേ ? എന്തും തണുപ്പോടെയും മാത്രമല്ല ഫ്രഷായിട്ടും നാം കാത്ത് സൂക്ഷിക്കുന്നു. എന്തും കയ്യിൽ കിട്ടി ബാക്കിയായാൽ പിന്നെ അത് ഫ്രീസറിൽ കയറ്റുക എന്നത് ഒരു ശീലമായിരിക്കുന്നു. പറ്റുന്നതൊക്കെ ഫ്രിഡ്ജിലേക്ക് തള്ളിക്കേറ്റുന്നത് പതിവുമായി കഴിഞ്ഞു. എന്നാൽ എന്തും ഫ്രിഡ്ജിൽ കുത്തി നിറയ്ക്കുന്നവർ ഈ കാര്യങ്ങൾ ശ്രദ്ധിക്കുക. വേണ്ടതും വേണ്ടാത്തതുമൊക്കെ ഫ്രിഡ്ജില്‍ കുത്തി നിറച്ചാല്‍ അവയുടെ സ്വാഭാവികമായിട്ടുള്ള സ്വാദ് നഷ്ടമാകും. എന്തൊക്കെ സാധനങ്ങൾ റെഫിജറേറ്ററിൽ വയ്ക്കരുത് എന്നു നമ്മുക്കൊന്ന് നോക്കാം.

അച്ചാറുകുപ്പികളും പഴവര്‍ഗ്ഗങ്ങളും പച്ചക്കറി തുടങ്ങിയവയുമൊക്കെയാണ് ഫ്രിഡ്ജിൽ സ്ഥിരം വയ്ക്കാറുള്ളത്. പക്ഷേ അച്ചാറ് ഫ്രിഡ്ജില്‍ വയ്ക്കുന്നതിലൂടെ പ്രത്യേകിച്ച് ഗുണമൊന്നുമില്ല. പണ്ട് കാലത്തൊക്കെ അച്ചാറുകൾ കേടു കൂടാതെ സൂക്ഷിച്ചിരുന്നല്ലോ ? ധാരാളം ഉപ്പും വിനാഗിരിയുമൊക്കെ ഉപയോഗിച്ച് ഉണ്ടാക്കുന്നതായതിനാല്‍ അച്ചാറുകള്‍ പുറത്ത് സൂക്ഷിച്ചാലും ചീത്തയാകാൻ പോകുന്നില്ല. ആപ്പിളും പഴവും ഷമാമും തണ്ണിമത്തനുമൊക്കെ ഫ്രിഡ്ജിലെ അതിഥികളല്ല. തണ്ണിമത്തനും ഷമാമും മുറിച്ചുകഴിഞ്ഞാല്‍ മാത്രമാണ് ഫ്രിഡ്ജില്‍ വയ്‌ക്കേണ്ടുന്ന അവസ്ഥ വരുന്നത്. അല്ലെങ്കില്‍ പഴങ്ങളിലെ നീര് നഷ്ടപ്പെടാതിരിക്കാന്‍ അവ പുറത്ത് വയ്ക്കുന്നതാണ് കുറച്ചും കൂടെ നല്ലത് . വെള്ളരിക്ക ഫ്രിഡ്ജില്‍ വച്ചാലും അവയിലെ ജലാംശം നഷ്ടപ്പെടുമെന്നല്ലാതെ വേറെ ഗുണങ്ങളൊന്നും ഉണ്ടാകുന്നില്ല എന്നാണ് പറയുന്നത്. ക്യാപ്‌സിക്കം ഫ്രിഡ്ജില്‍ വയ്യ്ക്കുമ്പോൾ അവയുടെ സ്വഭാവം നഷ്ടമാകുകയാണ്. മുറിച്ചതിനുശേഷം ബാക്കിവന്ന ഭാഗം സൂക്ഷിക്കണമെങ്കില്‍ മാത്രം ഇവയെ ഫ്രിഡ്ജില്‍ തിരുകി കയറ്റാകുന്നതാണ്..

വഴുതനങ്ങയും തക്കാളിയും ഉരുളക്കിഴങ്ങുമെല്ലാം പലരും ഫ്രിഡ്ജിൽ വയ്ക്കാറുണ്ട്. വഴുതനങ്ങ ഫ്രിഡ്ജില്‍ വയ്ക്കുന്തോറും അവയുടെ യഥാര്‍ഥ സ്വാദ് നഷ്ടമാകുമെന്നാണ് പറയുന്നത് . അതുകൊണ്ട് ഇവ വാങ്ങിയാല്‍ അധികം കാത്തുനില്‍ക്കാതെ പാകം ചെയ്തു കഴിക്കുന്നതാണ് കുറെ കൂടെ നല്ലത്. ഉരുളക്കിഴങ്ങാണെങ്കില്‍ ഫ്രിഡ്ജില്‍ വയ്ക്കുന്തോറും അവയുടെ മധുരം കൂടിവരുമത്രെ . പിന്നീട് പാകം ചെയ്യുമ്പോള്‍ കറി മധുരിക്കുകയും ചെയ്‌യുമത്രേ . ഇവ പേപ്പര്‍ ബാഗുകളിലാക്കി പുറത്തുതന്നെ സൂക്ഷിക്കുന്നതാണ് കുറച്ചും കൂടെ നല്ലത്. ഫ്രിഡ്ജിൽ നാം മറ്റൊരു സ്ഥിരം വയ്ക്കുന്ന മറ്റൊരു സാധനമാണ് തക്കാളി. എന്നാല്‍ ഫ്രിഡ്ജില്‍ ഒരിക്കലും വയ്ക്കാന്‍ പാടില്ലാത്ത ഒന്നാണ് തക്കാളി . തക്കാളിയുടെ സ്വാഭാവിക രുചിയും നഷ്ടപ്പെടുത്താന്‍ മാത്രമേ ഇത് ഉപകരിക്കൂ എന്നാണ് പറയുന്നത് . ഫ്രിഡ്ജില്‍ നാം വയ്ക്കുന്ന മറ്റൊരു സാധനമാണ് വെളുത്തുള്ളി. എന്നാലിവ ഫ്രിഡ്ജിനകത്ത് വയ്‌ക്കേണ്ടുന്നവയാല്ല . വെളുത്തുള്ളി ഭക്ഷണത്തിലുപയോഗിക്കുന്നതിന്റെ ഗുണം കിട്ടണമെങ്കില്‍ ഇവ ഫ്രിഡ്ജില്‍ വയ്ക്കരുത്. ഫ്രിഡ്ജില്‍ സൂക്ഷിക്കുന്തോറും വെളുത്തുള്ളിയുടെ സ്വാദും മണവും നഷ്ടമാകാനുള്ള സാധ്യത ഉണ്ട് .

വീട്ടിലെ ഫ്രിഡ്‌ജിൽ ... കാപ്പിപ്പൊടി, പീനട്ട് ബട്ടര്‍, കെച്ചപ്പ്, സോസ്, ചോക്ലേറ്റ് സ്‌പ്രെഡ്, ബ്രെഡ് ഇതെല്ലാം വയ്ക്കുന്നുണ്ട് . കാപ്പിപൊടി കട്ടപിടിക്കാതിരിക്കാന്‍ ഫ്രിഡ്ജില്‍ കേറ്റിയതാണെങ്കില്‍ ഒരു എയര്‍ടൈറ്റ് കണ്ടെയ്‌നര്‍ ഉണ്ടെങ്കില്‍ തീരുന്ന പ്രശ്‌നമാണിത്. പീനട്ട് ബട്ടര്‍ എക്‌സ്‌പൈറി കഴിയുന്നത് വരെ പുറത്ത് സൂക്ഷിച്ചാലും കേടാകില്ല. ബ്രെഡ് ഫ്രിഡ്ജിൽ വയ്ക്കരുത്. ഉള്ളി ഫ്രിഡ്ജിൽ സൂക്ഷിയ്ക്കുന്നതിലൂടെ ഈർപ്പം നഷ്ടപ്പെടും. എണ്ണ ഫ്രിഡ്ജിൽ വയ്ക്കരുത് . കാരണം എണ്ണ വച്ചാൽ കട്ടപിടിയ്ക്കും. തേൻ ഫ്രിഡ്ജിൽ സൂക്ഷിച്ചാൽ ക്രിസ്റ്റൽ രൂപത്തിലേക്കു മാറും.അതും വയ്ക്കരുത്. ആപ്പിൾ ഫ്രിഡ്ജിൽ വച്ചിരുന്നാൽ നീരു വറ്റിപ്പോകും. വാഴപ്പഴം റെഫ്രിജറേറ്ററിൽ വച്ചാൽ പെട്ടെന്നു കേടായിപ്പോകും. അപ്പോൾ ഈ കാര്യങ്ങൾ ശ്രദ്ധിക്കുക.