നിരവധി ആരോഗ്യ ഗുണങ്ങള്‍ അടങ്ങിയ പഴവര്‍ഗമാണ് മാതളനാരങ്ങ. രക്തം ഉണ്ടാവാന്‍ ഇത്രയേറെ ഫലപ്രദമായ മറ്റൊരു പഴം ഇല്ലെന്നു തന്നെ പറയാം. ഔഷധസമൃദ്ധവും പോഷക സമ്പുഷ്ടവുമായ ഒരു ഫലവുമാണ് മാതളനാരങ്ങ. ഏറെ പോഷക ഗുണങ്ങളുള്ള ഫലവര്‍ഗമായ മാതളനാരങ്ങ ചര്‍മ്മാരോഗ്യത്തിനും സൗന്ദര്യത്തിനും മുടിയഴകിനും ഏറെ സഹായകരമാണ്. എന്നാല്‍ മാതള നാരങ്ങയുടെ തൊലിക്കും ഔഷധ ഗുണമുണ്ടെന്ന് അറിയുമോ?
പലപ്പോഴും പച്ചക്കറികളുടെയും പഴങ്ങളുടെയും തൊലികള്‍ നമ്മള്‍ കളയുകയാണ് പതിവ്.എന്നാല്‍ ഇവയുടെ ഗുണം തിരിച്ചറിഞ്ഞാല്‍ പിന്നീട് ഇങ്ങനെ വലിച്ചെറിയില്ല. ചര്‍മ്മത്തിന് തിളക്കവും ചെറുപ്പവും നല്‍കാനുള്ള കഴിവ് ഇവയ്ക്കുണ്ട്. മാതളത്തിന്റെ തൊലികൊണ്ട് നിരവധി ഗുണങ്ങളുണ്ട്. ചെറുപ്പം നിലനിര്‍ത്താന്‍ മാതളനാരങ്ങയുടെ തൊലി ഉപയോഗിക്കാം.
മാതളനാരങ്ങയുടെ തൊലി ഉണക്കി പൊടിച്ചതില്‍ റോസ് വാട്ടര്‍ ചേര്‍ത്തിളക്കി കുഴമ്പ് രൂപത്തിലാക്കിയും ഉപയോഗിക്കാം. മുഖത്തും കഴുത്തിലും പുരട്ടി ഉണങ്ങിയതിന് ശേഷം ഇളം ചൂട് വെള്ളത്തില്‍ കഴുകികളയുക. തൊലി ഉണക്കി പൊടിച്ച് തലയില്‍ തേയ്ക്കുന്നത് മുടികൊഴിച്ചില്‍ ഇല്ലാതാക്കാന്‍ സഹായിക്കും. മാതള നാരങ്ങയുടെ തൊലി അരിഞ്ഞ് പൊടിച്ച ശേഷം 2 ടേബിള്‍ സ്പൂണ്‍ പാല്‍പ്പാടയും ഒരു ടേബിള്‍ സ്പൂണ്‍ കടലമാവ് എന്നിവ ചേര്‍ത്ത് നന്നായി മുഖത്തും കഴുത്തിലും പുരട്ടിയാല്‍ കറുത്തപ്പാടുകള്‍ മാറി കിട്ടും.
. മാതള നാരങ്ങയുടെ തൊലിക്ക് സൂഷ്മ ജീവികളെ ചെറുക്കാനുള്ള ശേഷിയുണ്ട്. കൂടാതെ ആന്റി ഓക് സിഡന്റ് ഗുണവും. അതിനാല്‍ ചര്‍മ്മത്തിനുണ്ടാവുന്ന അണുബാധയ്ക്ക് പരിഹാരം നല്‍കാന്‍ കഴിയും. ചര്‍മ്മത്തിന് ഉന്മേഷം നല്‍കാനുള്ള ഗുണങ്ങളും ഇതിനുണ്ട്.

മാതള നാരങ്ങ തൊലിയെടുത്ത് ഉണക്കി പൊടിക്കുക. വായുകടക്കാത്ത പാത്രത്തില്‍ മാസങ്ങളോളം ഈ പൊടി സൂക്ഷിച്ച് വയ്ക്കാവുന്നതാണ്. മുഖലേപനം ഉണ്ടാക്കാനും മറ്റ് മുഖലേപനങ്ങളില്‍ ചേര്‍ക്കാനും ഇത് ഉപയോഗിക്കാം. മാതള നാരങ്ങ തൊലി അരിഞ്ഞ് പൊടിക്കുക. മാതളനാരങ്ങ തൊലി ഉണക്കി പൊടിച്ചതില്‍ റോസ് വാട്ടര്‍ ചേര്‍ത്തിളക്കി കുഴമ്പ് രൂപത്തിലാക്കിയും ഉപയോഗിക്കാം. മുഖത്തും കഴുത്തിലും പുരട്ടി ഉണങ്ങിയതിന് ശേഷം ഇളം ചൂട് വെള്ളത്തില്‍ കഴുകികളയുക. ചുളിവുകള്‍ അകറ്റി ചര്‍മ്മത്തിന് ചെറുപ്പം നല്‍കാന്‍ ആഴ്ചയില്‍ രണ്ട് പ്രാവശ്യം ഈ മുഖലേപനങ്ങള്‍ പുരട്ടുക. ചര്‍മ്മത്തെ സങ്കോജിപ്പിക്കാനുള്ള കഴിവുള്ളതിനാല്‍ സുഷിരങ്ങള്‍ അടച്ച് ചര്‍മ്മത്തെ മുറുക്കമുള്ളതാക്കും.