മയക്കുമരുന്ന് ദുരുപയോഗത്തിന് പിന്നിലെ മന:ശാസ്ത്രം..എന്തുകൊണ്ടാണ് ആളുകൾ മയക്ക് മരുന്നുകൾ കഴിക്കുന്നത്? ഇത്തരം മരുന്നുകൾ ദീർഘകാലം ഉപയോഗിച്ചാലുണ്ടാകുന്ന ആരോഗ്യ അപകടസാധ്യതകൾ എന്തൊക്കെയാണ് .... നിങ്ങൾ അറിയേണ്ടതെല്ലാം
ഞായറാഴ്ച, ഷാരൂഖ് ഖാന്റെ മകൻ ആര്യൻ ഖാനെ നാർക്കോട്ടിക് കൺട്രോൾ ബ്യൂറോ (എൻസിബി) അറസ്റ്റ് ചെയ്തപ്പോൾ, അത് രാജ്യമെമ്പാടും ഞെട്ടലുണ്ടാക്കി. ലഭ്യമായ റിപ്പോർട്ടിന്റെ അടിസ്ഥാനത്തിൽ , ഷാരൂഖ് ഖാന്റെ 23 വയസ്സുള്ള മകൻ ഒരു ക്രൂയിസ് കപ്പലിൽ ഒരു പാർട്ടിയിലായിരുന്നു.... എൻസിബി സ്ഥലത്ത് റെയ്ഡ് നടത്തിയപ്പോൾ 3 ഗ്രാം കൊക്കെയ്ൻ, 21 ഗ്രാം ചരസ്, 22 എംഡിഎംഎ ഗുളികകൾ, 5 ഗ്രാം എംഡി എന്നിവയാണ് ആ ആഡംബരക്കപ്പലിൽ നിന്ന് കണ്ടെത്തിയത് .
യുണൈറ്റഡ് സ്റ്റേറ്റ്സ് ഫെഡറൽ-ഗവൺമെന്റ് ഗവേഷണ സ്ഥാപനമായ നാഷണൽ ഇൻസ്റ്റിറ്റ്യൂട്ട് ഓൺ ഡ്രഗ് അബ്യൂസ് (NIDA), അഭിപ്രായത്തിൽ മയക്കുമരുന്ന് ഉപയോഗം, മയക്കുമരുന്ന് ദുരുപയോഗം, ആസക്തി എന്നത് നിയമവിരുദ്ധമായ മരുന്നുകളുടെ ഉപയോഗമാണ് : ഹെറോയിൻ ഉപയോഗം, കൊക്കെയ്ൻ ഉപയോഗം, പുകയില ഉപയോഗം എന്നിവയെല്ലാം ഈ ഗണത്തിൽപ്പെടുന്നവയാണ്
കേസ് ഇപ്പോഴും വിചാരണയിൽ ആയിരിക്കുമ്പോൾ തന്നെ , മയക്കുമരുന്നുകളുടെ ഉപയോഗം/ദുരുപയോഗം എന്നിവയെക്കുറിച്ച് ധാരാളം ചർച്ചകളും നടക്കുന്നുണ്ട്... മയക്കുമരുന്ന് ചെറുപ്പക്കാർക്കിടയിൽ എങ്ങനെയാണ് കൂടുതൽ സാധാരണമാകുന്നത്. എന്തുകൊണ്ടാണ് ഒരാൾ മയക്കുമരുന്ന് ഉപയോഗിക്കുന്നത് എന്നത് വ്യക്തമല്ല.
ലഹരി വസ്തുക്കളുടെ ഉപയോഗം ഒരു ദിവസം കൊണ്ട് ഉണ്ടാകുന്നതല്ല. അറിയാനുള്ള ആകാംക്ഷ, കിട്ടുമെന്ന് കേട്ടിട്ടുള്ള ഉന്മാദാവസ്ഥ, സമപ്രായക്കാരുടെ പ്രേരണ, ബോറടി മാറ്റാന്‍, വിഷാദം മാറ്റാന്‍, വീട്ടിലെ പ്രശ്‌നങ്ങള്‍ മറക്കാന്‍, ക്ഷീണം മാറ്റാന്‍, അധികമായി ലഭിക്കുന്ന പോക്കറ്റ് മണി എന്തു ചെയ്യണമെന്നറിയാതെ നടക്കുന്നവർ എന്നിങ്ങനെ ലഹരിവസ്തുക്കളിലേക്ക് ശ്രദ്ധ മാറാന്‍ കാരണങ്ങള്‍ നിരവധിയാണ്......
തുടക്കത്തിൽ പലപ്പോഴും കൂട്ടുകാരുടെ കൂടെ ഒരു രസത്തിനു തുടങ്ങുന്ന ഈ ശീലം പിന്നീട് മാറ്റാൻ പറ്റാത്ത ആസക്തി ആയി മാറുമ്പോഴാണ് പ്രശനങ്ങൾ ഉണ്ടാകുന്നത് .വിരസത, ഏകാന്തത, വിഷാദം എന്നിവയിൽ നിന്നും താത്‌കാലികമായി മോചനം നേടുന്നതിനുവേണ്ടിയാണ്‌ പലരും മയക്കുമരുന്നുകൾ ഉപയോഗിക്കാൻ തുടങ്ങുന്നത്‌. പുകവലിപോലെ തികഞ്ഞ ലാഘവത്തോടെ മയക്കുമരുന്ന് ഉപയോഗിച്ചു തുടങ്ങുന്നവർ ക്രമേണ ഇതിന്റെ അടിമയായി മാറുകയാണ്‌ പതിവ്‌.
യൂറോപ്യൻ ജേണൽ ഓഫ് ന്യൂറോ സയൻസിൽ പ്രസിദ്ധീകരിച്ച ഒരു പഠനമനുസരിച്ച്,മയക്കുമരുന്ന് ശീലിച്ച വ്യക്തിയിൽ മയക്കുമരുന്നിനുള്ള ആഗ്രഹം അടക്കാനാവാത്ത നിർബന്ധമായി മാറുന്നു ..എങ്ങനെയും മയക്കുമരുന്ന് സ്വന്തമാക്കണം എന്നുമാത്രമായിരിക്കും ഇവരുടെ ലക്‌ഷ്യം .
കഞ്ചാവിൽ അടങ്ങിയിരിക്കുന്ന പ്രധാന രാസവസ്‌തു ടെട്രാ ഹൈഡ്രോകന്നാ ബിനോൾന്റെ പുക അകത്തുചെന്നാൽ ഉടൻ ശ്വാസകോശത്തിൽ നിന്നും രക്തത്തിൽ കലരും. പിന്നീട് തലച്ചോറിലേക്കും മറ്റ്‌ അവയവങ്ങളിലേക്കും വ്യാപിക്കും. സന്തോഷം, ഓർമശക്തി, ചിന്തകൾ, ഏകാഗ്രത, സമയബോധം തുടങ്ങിയവ നിയന്ത്രിക്കുന്ന തലച്ചോറിന്റെ ഭാഗങ്ങളിലാണ്‌ കന്നാ ബിനോൾ റിസപ്‌റ്റുകൾ കൂടുതലുള്ളത്‌. കഞ്ചാവിന്റെ ഉപയോഗം കൂടുമ്പോൾ ബൗദ്ധിക പ്രവർത്തനങ്ങളുടെ താളവും തെറ്റും. പിന്നീട് ഇതിന്റെ ഉപയോഗം കുറഞ്ഞാൽ ഭ്രാന്തിന്‌ സമാനമായി പെരുമാറാൻ ഇടയാക്കുമെന്ന്‌ ഡോക്‌ടർമാർ പറയുന്നു.
കുറ്റകൃത്യങ്ങളിൽ ഏർപ്പെടുന്നവരിൽ മുഖ്യപങ്കും ഏതെങ്കിലും തരത്തിലുള്ള ലഹരി മരുന്നുകൾ കൃത്യമായി ഉപയോഗിക്കുന്നവരാണെന്നുള്ളതും ഇവിടെ ഓർക്കേണ്ടതാണ്
ഒരിക്കൽ മയക്കു മരുന്നിനു അടിമയായിക്കഴിഞ്ഞാൽ നിങ്ങളുടെ തലച്ചോറും ശരീരവും മയക്കുമരുന്ന് കഴിച്ചപ്പോൾ ഉണ്ടായ സുഖം ലഭിക്കാൻ പ്രേരിപ്പിക്കുകയും ആ വ്യക്തിക്ക് ഇതേ അനുഭവം ലഭിക്കുന്നതിന് കൂടുതൽ ഡോസ് മരുന്ന് കഴികഴിക്കേണ്ടി വരികയും ചെയ്യുന്നു... . താമസിയാതെ, നിങ്ങളുടെ തലച്ചോറിനും ശരീരത്തിനും സാധാരണ പോലെ പ്രവർത്തിക്കണമെങ്കിൽ മരുന്ന് കൂടിയേ തീരു എന്ന അവസ്ഥ വന്നുചേരും ..മയക്കുമരുന്ന് ഇല്ലെങ്കിൽ ആ വ്യക്തിക്ക് പല വിധത്തിലുള്ള അസുഖം, ഭയം , ഉത്കണ്ഠ, ക്ഷോഭം എന്നിവ അനുഭവപ്പെടുന്നു,
വിദഗ്ദ്ധരുടെ അഭിപ്രായത്തിൽ, മയക്ക് മരുന്നുകൾ നമ്മുടെ കേന്ദ്ര നാഡീവ്യവസ്ഥയെ ബാധിക്കുമ്പോൾ അത് നമ്മുടെ ചിന്ത, അനുഭവം ,പ്രവർത്തനങ്ങൾ എന്നിവയെയെല്ലാം ബാധിക്കുന്നു..ഒരാളുടെ തലച്ചോറിൽ വ്യത്യസ്തമായ സ്വാധീനം ചെലുത്താൻ കഴിയുന്ന വ്യത്യസ്ത തരം മരുന്നുകൾ ഉണ്ട് എന്നതാണ് സത്യം .
മദ്യം, കഞ്ചാവ്, ഹെറോയിൻ , മോർഫിൻ, ജിഎച്ച്ബി തുടങ്ങിയവ ചെറിയ തോതിൽ മാത്രം കഴിച്ചാൽ ഡിപ്രഷൻ പോലുള്ള അവസ്ഥയ്ക്ക് മാറ്റം ഉണ്ടാക്കുന്നതായി കണ്ടിട്ടുണ്ട്. എന്നാൽ ഇവ അമിതമായാൽ ഓക്കാനം, അബോധാവസ്ഥ, എന്നിങ്ങനെ ചില സന്ദർഭങ്ങളിൽ മരണം വരെ സംഭവിക്കാനും കാരണമാകാറുണ്ട്
ഹാലുസിനോജെൻസ് അടങ്ങിയ മരുന്നുകൾ ഒരാളുടെ യാഥാർത്ഥ്യബോധത്തെ തകർത്തുകളയും . യഥാർത്ഥത്തിൽ ഇല്ലാത്ത കാര്യങ്ങൾ കാണുകയോ കേൾക്കുകയോ ചെയ്യാം..എൽഎസ്ഡി, കഞ്ചാവ്, മാജിക് മഷ്റൂം, കെറ്റാമൈൻ എന്നിവയാണ് ഹാലുസിനോജന്റെ ചില മാതൃകകൾ
ഉത്തേജകവസ്തുക്കൾ അടങ്ങിയ കഫീൻ, നിക്കോട്ടിൻ, കൊക്കെയ്ൻ, എക്സ്റ്റസി (MDMA) എന്നിവ നിങ്ങളുടെ തലച്ചോറിനെ അമിതമായി പ്രവർത്തിപ്പിക്കും... വലിയ അളവിൽ എടുക്കുമ്പോൾ, ഇത് പരിഭ്രാന്തി, അപസ്മാരം, വയറുവേദന, ഉത്കണ്ഠ എന്നിവയുണ്ടാകാം
മയക്കുമരുന്ന് ദുരുപയോഗവും ആസക്തിയും ഭ്രാന്ത്, വിഷാദം, ഉത്കണ്ഠ, ആക്രമണം, ഭ്രമാത്മകത തുടങ്ങിയ മാനസികാരോഗ്യ പ്രശ്നങ്ങൾ/ ഹൃദ്രോഗങ്ങൾ,ശ്വാസകോശ സംബന്ധമായ അസുഖങ്ങൾ, വൃക്ക തകരാറുകൾ തുടങ്ങി വിട്ടുമാറാത്ത ആരോഗ്യ പ്രശ്നങ്ങൾ ഉണ്ടാക്കും , ചിലപ്പോൾ മരണത്തിലേക്ക് നയിച്ചെന്നും വരാം
മയക്കുമരുന്ന് ഉപയോഗിക്കുന്ന എല്ലാവരും ഇത്തരത്തിൽ മയക്കുമരുന്നിന് അടിമകളാകില്ല, പക്ഷേ ചിലർക്ക്, മയക്കുമരുന്ന് ഉപയോഗം മാരകവിപത്തുക്കൾ ഉണ്ടാക്കാനിടയുണ്ട്
മയക്കുമരുന്ന് ദുരുപയോഗവും ആസക്തിയും ചികിൽസിച്ചു പൂർണമായും സുഖപ്പെടുത്താവുന്നതാണ്. പക്ഷെ രോഗിയെ പരിചരിക്കാൻ സമയവും പരിശ്രമവും ക്ഷമയും ഒരുപോലെ ആവശ്യമാണ്. കുടുംബത്തിന്റെ പൂർണ പിന്തുണയോടെ മാത്രമേ ഇത്തരം വ്യക്തികളെ ജീവിതത്തിലേയ്ക്ക് മടക്കി കൊണ്ടുവരാൻ കഴിയൂ..ചികിത്സ തുടങ്ങിയാല്‍ പൂര്‍ണമായും അത് പിന്തുടരണം. പെട്ടെന്ന് നിര്‍ത്താന്‍ കഴിയുന്നതല്ല ഇത്തരം ലഹരി വസ്തുക്കളോടുള്ള അടിമത്തം.......
ഇത്തരം ചികിത്സയിൽ പ്രധാനമായും ചെയ്യുന്നത് ഇവയാണ് .. അനുഭവ സമ്പത്തുള്ള ഒരു ഡോക്ടറുടെ മെഡിക്കൽ മേൽനോട്ടത്തിൽ വിഷവിമുക്തമാക്കൽ ആണ് ആദ്യപടി .കോഗ്നിറ്റീവ് ബിഹേവിയറൽ തെറാപ്പി,കുടുംബത്തെ ഉൾപ്പെടുത്തിയുള്ള കൗൺസലിംഗ് ,ജീവിത നൈപുണ്യ പരിശീലനം, എന്നിവയ്ക്ക് പുറമെ മയക്കു മരുന്നിനോടുള്ള ആസക്തിമൂലം വൈകാരികവും സാമൂഹികവും ശാരീരികവുംആയ നിരവധി പ്രത്യാഘാതങ്ങൾ ഉണ്ടെന്ന് രോഗിയെ ബോധവാനാക്കുക എന്നതും ഈ ചികിത്സയുടെ ഭാഗമാണ്
ജനനവും മരണവും ഹർത്താലും ബന്ദും മറ്റു വിശേഷ ദിവസങ്ങളും എന്തിനേറെ സൗഹൃദം പോലും ഒരാഘോഷമാക്കുന്ന യുവതലമുറ ആൺ പെൺ വ്യത്യാസമില്ലാതെ എല്ലാം കൊഴുപ്പിക്കാൻ, മധുരിക്കുന്ന ഓർമ്മയാക്കാൻ മദ്യത്തിനും മയക്കുമരുന്നിനും പുറകേ പോകുമ്പോൾ വഴിയാധാരമാകുന്നത് അവരുടെ കുടുംബങ്ങളാണ്... തകരുന്നത് ഒരു രാജ്യത്തിന്റെ പ്രതീക്ഷയാണ്
https://www.facebook.com/Malayalivartha
