മരണം മുന്‍കൂട്ടിയറിയാനുള്ള ടെസ്റ്റും ശാസ്ത്രലോകം കണ്ടെത്തിയിരിക്കുകയാണ്. രക്തപരിശോധനയിലൂടെ ഈ ടെസ്റ്റ് നടത്തുന്നതിലൂടെ ഇനി എത്ര നാള്‍ നാം ജീവിക്കും എന്ന് മനസ്സിലാകും. ലോകത്ത് ആദ്യമായാണ് മനുഷ്യന്‍ എത്ര നാള്‍ ജീവിക്കും എന്ന് തെളിയിക്കുന്ന ടെസ്റ്റ് വരുന്നത്.
ബോസ്റ്റൺ യൂനിവേഴ്സിറ്റിയിലെ ഗവേഷകരാണ് ഇൗ കണ്ടുപിടിത്തത്തിന് പിന്നിൽ. ഇതിനായി 5000 പേരുടെ രക്ത സാമ്പിളുകൾ ശേഖരിച്ച്, വ്യക്തികളുടെ നിലവിലെ ആരോഗ്യസ്ഥിതി തുടങ്ങിയ ഘടകങ്ങൾ ശേഖരിച്ച് വിലയിരുത്തിയതായി ബന്ധപ്പെട്ട ഗവേഷകർ പറയുന്നു. ഇത്തരമൊരു പരിശോധന അംഗീകരിക്കപ്പെട്ടാൽ രോഗസാധ്യത മനസ്സിലാക്കി ആരോഗ്യം സംരക്ഷിക്കാൻ രക്തംമാത്രം പരിശോധിച്ചാൽ മതിയെന്നാണ് പഠനം.