കൈ നോക്കി മാത്രമല്ല കാലു നോക്കിയും ലക്ഷണം പറയാം
മുഖം നോക്കിയും കൈ നോക്കിയും ലക്ഷണശാസ്ത്രപ്രകാരം ഭാവി പറയാറില്ലെ? അതുപോലെ കാൽ വിരലുകൾക്കുമുണ്ട് ലക്ഷണങ്ങൾ.
കാലിലെ തള്ളവിരലിനു മറ്റുവിരലുകളേക്കാള് നീളം കൂടുതലുണ്ടോ?
എങ്കിൽ അവർ ഉത്സാഹവും സര്ഗാത്മകതയുമുള്ളവരായിരിക്കും. എന്നാല് ഇവര്ക്ക് ഒരു കാര്യത്തില് മാത്രമായി ശ്രദ്ധ കേന്ദ്രികരിക്കാന് കഴിയില്ല. ഇനി തള്ളവിരല് മറ്റുവിരലുകളെക്കാള് ചെറുതാണെങ്കിലോ ? ഒരേ സമയം പല കാര്യങ്ങള് ചെയ്യാന് ഇവർക്ക് കഴിയും എന്നാണ് ഈ ലക്ഷണം പറയുന്നത് . തങ്ങളുടെ വാദങ്ങള് മറ്റുള്ളവരേ കൊണ്ടു പറഞ്ഞു സമ്മതിപ്പിക്കാന് ഇവര്ക്കു പ്രത്യേക കഴിവുണ്ടാകുമത്രേ.
രണ്ടാം വിരലിനാണു നീളം കൂടുതലുള്ളവർ പൊതുവെ നേതൃത്വഗുണം ഉള്ളവരും സ്വന്തം വിശ്വാസങ്ങളില് ഉറച്ചു നില്ക്കുന്നവരുമായിരിക്കും.
മൂന്നാം വിരലിനു നീളം കൂടുതലാണ് എങ്കില് ജോലിയില് മിടുക്കരായിരിക്കും. ഏതു കാര്യത്തിലും പരിപൂര്ണ്ണത ആഗ്രഹിക്കുന്നവരായിരിക്കും ഇവര്. എന്നാല് ഈ വിരല് ചെറുതാണെങ്കില് ചെറിയ കാര്യങ്ങളില് പോലും സന്തോഷം കണ്ടെത്തുന്നവരും ജീവിതം ആസ്വദിക്കുന്നവരുമായിരിക്കും.
നാലാം വിരലിനു നീളമുള്ളവർ കുടുബത്തിന് ആദ്യ പരിഗണന നല്കുന്നവരായിരിക്കും. എന്നാൽ ഈ വിരലിനു വളവുണ്ടെങ്കില് ഇവര്ക്കു വ്യക്തി ജീവിതത്തില് പ്രശ്നങ്ങള് ഉണ്ടാകാനുള്ള സാധ്യതകളുണ്ട് . കാലിലെ നാലാംവിരൽ ചെറുതാണെങ്കില് കുടുംബത്തിനോ ബന്ധുക്കള്ക്കോ ശ്രദ്ധ കൊടുക്കാത്തവരായിരിക്കും.
ചെറുവിരലുകള്ക്ക് മറ്റു വിരലുകളേക്കാള് വളരെ നീളം കുറവാണെങ്കിൽ ചെറുതാണെങ്കില് ഇവര് ബാലിശമായ സ്വഭാവം ഉള്ളവരും ഉത്തരവാദിത്തം ഏറ്റെടുക്കാൻ വിമുഖത കാട്ടുന്നവരും ആയിരിക്കും. ചെറു വിരൽ നാലാം വിരലില് നിന്ന് അകന്നാണ് നില്ക്കുന്നതെങ്കില് ഇവര് ആകര്ഷകമായ വ്യക്തിത്വത്തിന് ഉടമയായിരിക്കുമെന്നും പറയുന്നു .
https://www.facebook.com/Malayalivartha
