പ്രണയബന്ധങ്ങള്‍ എന്നെന്നും നിലനില്‍നിൽക്കണമെന്ന് ആഗ്രഹിക്കാത്തവരുണ്ടോ? വീടുകളിൽ ചില കാര്യങ്ങൾ ശ്രദ്ധിച്ചാൽ ജീവിതം എന്നും പ്രണയ സുരഭിലമാക്കാം. ഫെംഗ്ഷൂയി ശാസ്ത്രപ്രകാരം പ്രണയ ബന്ധങ്ങള്‍ നിലനില്‍ക്കാന്‍ എന്തെല്ലാമാണ് വേണ്ടതെന്നു നോക്കാം.
പ്രണയത്തിന്റെയും ബന്ധങ്ങളുടെയും ദിക്കാണ് തെക്കുപടിഞ്ഞാറ്. പ്രണയബന്ധം ശക്തമാക്കാന്‍ ആഗ്രഹിക്കുന്നവര്‍ ഇവിടെ നിങ്ങളുടെ കുടുംബ ഫോട്ടോ വയ്ക്കുന്നത് നിങ്ങളുടെ കുടുംബത്തില്‍ മുമ്പത്തെക്കാളേറെ ഒത്തൊരുമയുണ്ടാക്കും. പ്രണയബന്ധം ശക്തമാക്കാന്‍ ആഗ്രഹിക്കുന്നവര്‍ ഈ ദിക്കിൽ ഒരു വ്യാളീമുഖമുള്ള ആമയെ വെച്ചാൽ മതി . വ്യാളീമുഖത്ത് ഒരു ചുവന്ന റിബണ്‍ വേണമെന്ന കാര്യം പ്രത്യേകം ശ്രദ്ധിക്കുക.

തെക്ക് പടിഞ്ഞാറ് മൂലയില്‍ ഒരു മണിയോ വിന്‍ഡ് ചെയ്നോ ഒരു ക്രിസ്റ്റലോ തൂക്കുന്നത് പ്രണയത്തിന്റെ ഊര്‍ജ്ജം വർധിപ്പിക്കും . വടക്കു കിഴക്ക് ഭാഗത്തെ ഊര്‍ജ്ജത്തിന്റെ ചലനം നിങ്ങളുടെ പ്രണയ ജീവിതത്തെയും മുന്നോട്ട് നടത്തുമെന്നാണ് ഫെംഗ്ഷൂയി ശാസ്ത്രപ്രകാരം പറയുന്നത്. വീടിന്റെയോ കിടപ്പുമുറിയുടെയോ തെക്കുപടിഞ്ഞാറ് ഭാഗത്ത് നേര്‍ത്ത രീതിയിലുള്ള പ്രകാശ ക്രമീകരണം നടത്തുന്നതും പ്രണയം പൂത്തുലയുന്നതിനെ പ്രോത്സാഹിപ്പിക്കുമെന്നാണ് ഫെംഗ്ഷൂയി വിദഗ്ധര്‍ പറയുന്നു.
മെഴുകുതിരികളും പ്രണയത്തിന്റെ ചിഹ്നങ്ങളാണ്. റോസ്, മഞ്ഞ എന്നീ നിറങ്ങളിലുള്ള ക്രിസ്റ്റലുകള്‍ പ്രണയഭാവത്തെ ഉണർത്തുമത്രേ. പിങ്ക് ബെഡ്ഷീറ്റുകള്‍ ഉപയോഗിക്കുന്നതും നിങ്ങളുടെ പ്രണയജീവിതത്തിന് ഊര്‍ജ്ജം പകരും. പിങ്ക് നിറം യാംഗ് ഊര്‍ജ്ജത്തെ വര്‍ദ്ധിപ്പിക്കുന്നതിനാല്‍ പ്രണയ വികാരങ്ങളെയും ഉത്തേജിപ്പിക്കും.

വീടിന്റെ തെക്കുപടിഞ്ഞാറെ മൂലയില്‍ ഒരു ഇന്‍‌ഡോര്‍ വാട്ടര്‍ ഫൌണ്ടന്‍ വാങ്ങിവയ്ക്കുന്നത് ഫെംഗ്ഷൂയി ശാസ്ത്രമനുസരിച്ച് ദൃഢമായ കുടുംബജീവിതത്തിന് നല്ലതാണ്.