തേനിന്റെ അമിത ഉപയോഗം ആരോഗ്യം നശിപ്പിക്കും
കുട്ടികള്‍ക്കും മുതിര്‍ന്നവര്‍ക്കും ഒരുപോലെ ഇഷ്ടമാണ് തേന്‍. എന്നാല്‍ തേനിന്റെ അമിതമായ ഉപയോഗം ദോഷം വരുത്തും. തേനില്‍ കാര്‍ബോഹൈഡ്രേറ്റിന്റെ അളവ് അമിതമാണ്. തേന്‍ കൂടുതല്‍ കഴിക്കുന്നതോടെ രക്തത്തിലെ ഗ്ലൂക്കോസിന്റെ തോത് ഉയരാനും ആരോഗ്യ പ്രശ്‌നങ്ങള്‍ ഉണ്ടാകുന്നതിനും കാരണമാകും.
ഇതറിയാതെ പ്രമേഹരോഗികള്‍ കൂടുതലായി തേന്‍ ശീലമാക്കുന്നത് മരണത്തിനുവരെ കാരണമാകും. തേനില്‍ ധാരാളം ഫ്രക്ടോസുള്ളതിനാല്‍ മലബന്ധത്തിനും വയറിലെ അസ്വസ്തതകള്‍ക്കും കാരണമാകും. കൂടിയ അളവിലെ തേന്‍ ഉപയോഗം വയര്‍ വീര്‍ക്കുന്നതിനും തുടര്‍ന്ന് ദഹനം നടക്കാതെ വയറിളക്കത്തിന് കാരണമാകുകയും ചെയ്യും.
82 ശതമാനം മധുരം അടങ്ങിയ തേന്‍ പല്ലിന് കേടുണ്ടാക്കുകയും ബാക്ടീരിയകളുടെ വളര്‍ച്ച കൂടുതലാക്കുകയും ചെയ്തു. ശരീരം മെലിയാന്‍ തേന്‍ സഹായിക്കുമെങ്കിലും ഉപയോഗം കൂടുതലായാല്‍ ശരീരഭാരം വര്‍ദ്ധിക്കും. തേനില്‍ അടങ്ങിയിരിക്കുന്ന പഞ്ചസാര ഹൃദയത്തെ ബാധിക്കുകയും ചെയ്യും.
https://www.facebook.com/Malayalivartha
