ഗ്രീന് കോഫിയുടെ ഗുണങ്ങളെകുറിച്ചറിയാം
പച്ച കാപ്പിക്കുരു ഉപയോഗിക്കുന്ന കാപ്പിയാണ് ഗ്രീന് കോഫി. ഗ്രീന് കോഫിയുടെ ഗുണങ്ങളറിയാം. ഗ്രീന് കോഫിയിലെ കാപ്പിക്കുരു നിരോക്സീകാരികളാല് സമ്പന്നം. ആരോഗ്യത്തിനുത്തമം. ഗ്രീന് കോഫിയില് അടങ്ങിയ ക്ലോറോജെനിക് ആസിഡ് ഉപാപചയ പ്രവര്ത്തനങ്ങളെ വര്ധിപ്പിക്കുന്നു. കരളില്നിന്നു രക്തത്തിലേക്ക് അമിതമായി ഗ്ലൂക്കോസിനെ പുറന്തള്ളുന്നത് കുറയ്ക്കുന്നു. ശരീരഭാരം കുറയ്ക്കുന്നു. ജീവകങ്ങളും ധാതുക്കളും ധാരാളം അടങ്ങിയ, പോഷക ഗുണങ്ങള് നിറഞ്ഞ ഗ്രീന് കോഫി അമിതമായ കൊഴുപ്പിനെ അകറ്റുന്നു. എല്ഡിഎല് അഥവാ ചീത്ത കൊളസ്ട്രോളിന്റെ അളവ് കുറയ്ക്കുന്നു. രക്തചംക്രമണം മെച്ചപ്പെടുത്തുന്നു. അങ്ങനെ പക്ഷാഘാതത്തിനും ഹൃദ്രോഗത്തിനുമുള്ള സാധ്യത കുറയ്ക്കുന്നു. ദിവസം മുഴുവന് നീണ്ടു നില്ക്കുന്ന ഉന്മേഷം നല്കുന്നു.
ഗ്രീന് കോഫിയിലെ ക്ലോറോജെനിക് ആസിഡ് ഫ്രീ റാഡിക്കലുകളെ അകറ്റാന് ഗ്രീന് ടീയെക്കാള് പത്തു മടങ്ങ് സഹായിക്കുന്നു. വറുക്കാത്ത കാപ്പിക്കുരു ആയതിനാല് പോളിഫിനോളുകളായ ഫെറൂലിക് ആസിഡ് ആന്റി ഓക്സിഡേറ്റീവ് ഏജന്റുകള് ഗ്രീന് കോഫിയില് ഉണ്ട്. ഇത് യുവത്വം തുളുമ്പുന്ന ചര്മം ലഭിക്കാന് സഹായകം. പ്രതിരോധ ശക്തി കൂട്ടുന്നു. ഫ്രീ റാഡിക്കലുകളെ തുരത്തുക വഴി ശരീരത്തില്നിന്നു വിഷാംശത്തെയും നാശം വരുത്തുന്ന എലമെന്റുകളെയും ഇല്ലാതാക്കുന്നു. ഗ്രീന് കോഫിയില് അടങ്ങിയ ഗാമാ അമിനോ ബ്യൂട്ടിറിക് ആസിഡ്, തിയോഫിലിന്, എപ്പിഗാലോകറ്റേച്ചിന്, ഗാലേറ്റ് മുതലായവ ചുളിവുകള് അകറ്റി ചര്മത്തിന് ആരോഗ്യമേകുന്നു. ഗ്രീന് കോഫിയിലെ നിരോക്സീകാരികള് തലമുടിയുടെ ആരോഗ്യത്തിനും നല്ലത്. ഗ്രീന് കോഫിയിലെ കാപ്പിക്കുരു സത്ത് മുടികൊഴിച്ചില് തടയുന്നു.
https://www.facebook.com/Malayalivartha
