കറികളിലെ പ്രധാന ചേരുവകളിലൊന്നാണ് ഉലുവ. ഭക്ഷണത്തോടൊപ്പം നമ്മള്‍ കഴിക്കുന്ന ഉലുവ ഔഷധഗുണത്തോടയാണ് പ്രവര്‍ത്തിക്കുന്നത്. പല ആരോഗ്യ ഗുണങ്ങളും ഉലുവയ്ക്ക് ഉണ്ട്. ഉലുവയുടെ ഔഷധഗുണങ്ങളെക്കുറിച്ച് കുടതല്‍ അറിയാം.

* മൂത്ര തടസ്സം അകറ്റുവാന്‍ ഉലുവ നല്ലതാണ്. വറുത്തു പൊടിച്ച ഉലുവയും ശര്‍ക്കരയും ചെറു ചൂടുവെള്ളത്തില്‍ ചേര്‍ത്ത് ഇടയ്ക്കിടെ കുടിക്കുന്നത് ഫലം നല്‍കും. മൂത്ര ശുദ്ധി വരുത്തുന്നതിനും ഇതുപകരിക്കും.

* കാഴ്ച ശക്തി നിലനിര്‍ത്തുന്നതിന് ഉലുവ ഇട്ട് തിളപ്പിച്ച വെള്ളം കുടിക്കാവുന്നതാണ്.

* വാതം, കഫം എന്നിവയെ തടഞ്ഞു നിര്‍ത്തുന്നതിനും ശമിപ്പിക്കുന്നതിനും ഏറെ ഗുണപ്രദമാണ് ഉലുവ.

* ഉലുവയില്‍ 16 % പ്രോട്ടീന്‍ അടങ്ങിയിരിക്കുന്നു. കൊഴുപ്പ് 5 ശതമാനവും ലവണങ്ങള്‍ മൂന്ന് ശതമാനവും ആണ്. പഞ്ചസാരയുടെ അംശം ഇല്ലാത്ത ഒരു ഔഷധച്ചെടി കൂടിയാണ് ഉലുവ.

* ഉലുവ ഒരു മികച്ച പ്രമേഹ നിയന്ത്രണ ഔഷധമാണ്. ദിവസവും രാവിലെ ഉലുവ ഇട്ട് തിളപ്പിച്ച വെള്ളം കുടിക്കുന്നത് പ്രമേഹ നിന്ത്രണത്തിന് സഹായകരമാണ്. വറുത്തു പൊടിച്ച ഉലുവ കഴിക്കുന്നതും ഫലം നല്‍കും.

* മുടി കൊഴിച്ചിലിന് ഉലുവ നല്ലതാണ്. ഉലുവ തലയില്‍ തേച്ച് അരമണിക്കൂര്‍ കഴിഞ്ഞ് കുളിക്കുന്നത് മുടി കൊഴിച്ചില്‍ നിയന്ത്രിക്കും.

* ഉലുവ അരച്ചു തേയ്ക്കുന്നത് ചര്‍മകാന്തി വര്‍ധിപ്പിക്കും.

* പ്രസവാനന്തര പരിചരണത്തിലെ ഒരു പ്രധാന ഘടകമാണ് ഉലുവ. പ്രസവാനന്തരം ഗര്‍ഭാശയം ചുരുങ്ങുന്നതിനും. ഗര്‍ഭാശയം ശുദ്ധിയാക്കുന്നതിനുമുള്ള മികച്ച ഔഷധമാണ് ഉലുവ. ഉലുവ കാച്ചി സേവിക്കുന്നത് പ്രസവാനന്തര പരിചരണത്തിന്റെ ഭാഗമായി ചെയ്തു വരാറുള്ള ഒരു കാര്യമാണ്.

* ഉലുവയില്‍ അരിപ്പൊടിയും നെയ്യും തേങ്ങാപ്പാലും ചേര്‍ത്ത് ലഡുവുണ്ടാക്കി കഴിച്ചാല്‍ മുലപ്പാല്‍ വര്‍ധിക്കും.

* തൈറോയ്ഡ് രോഗനിയന്ത്രണത്തിന് ഉലുവ കുതിര്‍ത്ത ശേഷം നാരങ്ങാ നീരും ചേര്‍ത്ത് കഴിക്കുന്നത് നല്ലതാണ്.