ബിയറിന്റെ ഉപയോഗങ്ങൾ...
ലോകത്തെ ഏറ്റവും പഴക്കമേറിയതും പ്രചാരമേറിയതുമായ ഒരു ആൽക്കഹോളിക് മദ്യമാണ്‌ ബിയർ. ആൽക്കഹോളിന്റെ അളവ് വളരെ കുറച്ചേയുള്ളു എന്ന നിലയില്‍ ബിയറിന് സ്വീകാര്യത കൂടുതലാണ്. കാലങ്ങളായി പലരും കരുതുന്നത് ബിയര്‍ ആരോഗ്യത്തിന് ദോഷകരമാണെന്നാണ്. അമിതമായി കഴിക്കുന്നത് ദോഷകരമാകുമെങ്കിലും മിതമായ രീതിയില്‍ ബിയര്‍ കഴിക്കുന്നത് ഗുണകരം തന്നെയാണ്. ബിയര്‍ ഉപയോഗം വഴി ശരീരത്തിന് നിരവധി ഗുണങ്ങളുണ്ടെന്നാണ് പഠനങ്ങൾ പറയുന്നത്. ബിയർ കൊണ്ട് നമുക്ക് നിരവധി ഉപയോഗങ്ങളുണ്ട്. അവ എന്തൊക്കെയാണെന്നു നോക്കാം...
സ്വര്‍ണത്തിന് തിളക്കം നല്‍കാന്‍ ബിയര്‍ വളരെ നല്ലതാണ്. അല്‍പം ബിയര്‍ ആഭണത്തില്‍ ഒഴിച്ച് ഒരു തുണി കൊണ്ട് വൃത്തിയാക്കിയാൽ പഴയ സ്വര്‍ണത്തേയും തിളക്കമുള്ളതാക്കും. കുളിയ്ക്കുന്ന വെള്ളത്തില്‍ അല്‍പം ബിയര്‍ ഒഴിക്കുന്നത് ശരീര ദുര്‍ഗന്ധത്തെ ഇല്ലാതാക്കുന്നു. മാത്രമല്ല ചര്‍മ്മത്തെ സംരക്ഷിക്കാനും ബിയര്‍ നല്ലതാണ്. തലയിണയുടെ ദുര്‍ഗന്ധം മാറ്റാനും ബിയര്‍ ഉപയോഗിക്കാം. കിടക്കാന്‍ പോകുന്നതിനു മുന്‍പ് അല്‍പം ബിയര്‍ തലയിണയില്‍ തളിച്ചാല്‍ മതി. അടുത്ത ദിവസം പച്ചവെള്ളത്തില്‍ കഴുകിയെടുക്കുക. ഏത് ദുര്‍ഗന്ധവും ഇല്ലാതാക്കും.
തറ വൃത്തിയാക്കാനും ബിയര്‍ ഉപയോഗിക്കുന്നു. തറ വൃത്തിയാക്കാന്‍ ഉപയോഗിക്കുന്ന വെള്ളത്തില്‍ അല്‍പം ബിയര്‍ ഒഴിച്ച് തറ തുടച്ചാൽ മാറ്റം കണ്ടറിയാം. മരഫര്‍ണിച്ചറുകള്‍ക്ക് തിളക്കം നല്‍കാനും ബിയര്‍ സഹായിക്കുന്നു. ഇവ വൃത്തിയാക്കാന്‍ അല്‍പം ബിയര്‍ ഉപയോഗിച്ചാല്‍ മാത്രം മതി. ഒച്ചിന്റെ ശല്യം അനുഭവിയ്ക്കുന്നവര്‍ക്ക് ബിയറില്‍ അല്‍പം ഉപ്പ് ഇട്ട് ഒച്ചുള്ള സ്ഥലങ്ങളില്‍ തളിച്ചാല്‍ മതി. ചെടികളിലും മറ്റുമുള്ള ഒച്ചിന്റെ ശല്യം ഇതിലൂടെ ഇല്ലാതാക്കാം. എത്ര വൃത്തിയാക്കിയിട്ടും പോകാത്ത കറയാണ് കാര്‍പ്പെറ്റിലെങ്കില്‍ അല്‍പം ബിയര്‍ ഒഴിച്ച് കഴുകി നോക്കൂ. ഏത് ഇളകാത്ത കറയേയും ബിയര്‍ ഇളക്കും.
https://www.facebook.com/Malayalivartha
