ശബരിമല സംഘർഷങ്ങളിലേക്ക് കോടതിയെ കരുവാക്കേണ്ട ; ഹൈക്കോടതി
ശബരിമല വിഷയത്തിൽ സംഘർഷം സൃഷ്ടിക്കാൻ കോടതിയെ വലിച്ചിടേണ്ടെന്ന് ഹൈക്കോടതി . ശബരിമലയുമായി ബന്ധപ്പെട്ട് നടന്ന പ്രതിഷേധങ്ങൾക്കെതിരേ പോലീസ് സ്വീകരിച്ച നടപടികളിൽ ജുഡീഷൽ അന്വേഷണം വേണമെന്ന് ആവശ്യപ്പെട്ട് സമർപ്പിച്ച സ്വകാര്യ ഹർജി പരിഗണിക്കുമ്പോഴായിരുന്നു കോടതിയുടെ പരാമർശം.
കോടതിയുടെ മേൽനോട്ടത്തിൽ അന്വേഷണം നടത്തണമെന്നായിരുന്നു ഹർജിക്കാരന്റെ ആവശ്യം. ളാഹയിൽ കണ്ടെത്തിയ മൃതദേഹം പൊലീസ് നടപടിയിൽ കൊല്ലപ്പെട്ടയാളുടേതാണെന്ന് ഹരജിക്കാരൻ ചൂണ്ടിക്കാട്ടിയപ്പോഴാണ് ഹൈകോടതിയുടെ നിരീക്ഷണം.
എന്നാൽ ഈ വിഷയത്തിൽ ഇടപെടാൻ പരിമിധികളുണ്ടെന്നും കോടതിയെ ഇത്തരം സംഘർഷങ്ങളിലേക്ക് വലിച്ചിടാൻ നോക്കേണ്ടെന്നും ഹൈക്കോടതി വ്യക്തമാക്കി. തങ്ങൾ ഇതിൽ കക്ഷിയാൻ ഉദ്ദേശിക്കുന്നില്ലെന്നും കോടതി പറഞ്ഞു. ഹർജി തിങ്കളാഴ്ച വീണ്ടും പരിഗണിക്കും.
https://www.facebook.com/Malayalivartha