ഗള്‍ഫ് മേഖലയിലെ ലുലു ഹൈപ്പര്‍മാര്‍ക്കറ്റുകളില്‍ കാഷ്യര്‍, സെയില്‍സ്മാന്‍, ബുച്ചര്‍, ഫിഷ് മോംഗര്‍, കുക്ക്, സെക്യൂരിറ്റി, ഇലക്ട്രീഷ്യന്‍, ബേക്കേഴ്‌സ്, മലബാര്‍ സ്‌നാക്ക് മേക്കര്‍, വാന്‍ സെയില്‍സ്മാന്‍, ഹെവി/ലൈറ്റ് വെഹിക്കിള്‍ ഡ്രൈവര്‍ എന്നീ തസ്തികകളില്‍ ഒഴിവുണ്ട്. പുരുഷന്മാരാകണം അപേക്ഷകര്‍.  ആലപ്പുഴ, മലപ്പുറം, കണ്ണൂർ ജില്ലകളിലാണ് അഭിമുഖം.  കമ്പനി നേരിട്ട് നടത്തുന്ന ഈ റിക്രൂട്ട്‌മെന്റിലൂടെ തിരഞ്ഞെടുക്കപ്പെടുന്നവർക്ക് സൗജന്യ വീസ ലഭിക്കും.

പ്ലസ് ടു യോഗ്യതയും 20-28 വരെ പ്രായവുമുള്ളവര്‍ക്ക് സെയില്‍സ്മാന്‍, കാഷ്യര്‍ തസ്തികകളിലേക്ക് അപേക്ഷിക്കാം. ടെക്‌സ്‌റ്റൈല്‍സ്, ഇലക്ട്രോണിക്‌സ്, സൂപ്പര്‍മാര്‍ക്കറ്റ് മേഖലകളില്‍ പരിചയമുള്ളവര്‍ക്ക് മുന്‍ഗണന. ഡ്രൈവര്‍ തസ്തികകളിലേക്ക് യു.എ.ഇ അല്ലെങ്കില്‍ സൗദി അറേബ്യയിലെ ഡ്രൈവിംഗ് ലൈസന്‍സ് വേണം.

ആലപ്പുഴ വി.സി.എസ്.ബി റോഡിലുള്ള കല്യാണി ഓഡിറ്റോറിയത്തിലാണ് ആലപ്പുഴയിലെ അഭിമുഖം. ഈ മാസം 30 ന് ( 30-6-2026) ചൊവ്വാഴ്ച രാവിലെ 9 മുതൽ വൈകിട്ട് 3 വരെ നടക്കുന്ന നേരിട്ടുള്ള അഭിമുഖത്തിൽ പങ്കാളിയാകാം.

കോട്ടക്കൽ പിഎം ഓഡിറ്റോറിയത്തിൽ അടുത്ത മാസം രണ്ടിന് (02-7-2026 വ്യാഴാഴ്ച ) രാവിലെ 9 മുതൽ വൈകിട്ട് 3 വരെ നടക്കുന്ന നേരിട്ടുള്ള അഭിമുഖത്തിൽ ഉദ്യോഗാർത്ഥികൾക്ക് പങ്കെടുക്കാം.

കണ്ണൂർ ജില്ലയിൽ ലുലു ഗ്രൂപ്പ് സംഘടിപ്പിക്കുന്ന വാക്ക് ഇൻ ഇന്റർവ്യു താണ ദിനേശ് ഓഡിറ്റോറിയത്തിൽ അടുത്ത മാസം നാലിന് (04-07-2026-ശനിയാഴ്ച) നടക്കും. രാവിലെ 9 മണി മുതൽ വൈകിട്ട് 3 മണി വരെയാണ് അഭിമുഖം
 ബയോഡേറ്റ, പാസ്പോര്‍ട്ടിന്റെ കളര്‍ കോപ്പി, വിദ്യാഭ്യാസ സര്‍ട്ടിഫിക്കറ്റുകളുടെ അസലും പകര്‍പ്പും, പാസ്പോര്‍ട്ട് സൈസ് ഫോട്ടോയും കരുതണം .

സെയിൽസ്മാൻ/ കാഷ്യർ: പ്ലസ് ടു. പ്രായം 20നും 28നും ഇടയിൽ. ഗാർമെന്റ്, സാരി, ഫുട്‌വെയർ, ഇലക്ട്രോണിക്സ്, ഹൗസ്ഹോൾഡ്, സൂപ്പർമാർക്കറ്റ് മേഖലയിൽ പരിചയമുള്ളവർക്ക് മുൻഗണന.  ബുച്ചേഴ്സ് (കശാപ്പുകാർ), ഫിഷ്മോംഗേഴ്സ് (മീൻ കൈകാര്യം ചെയ്യുന്നവർ), പാചകക്കാർ, സെക്യൂരിറ്റി ജീവനക്കാർ, ഇലക്ട്രീഷ്യൻമാർ, ബേക്കർമാർ, മലബാർ പലഹാരങ്ങൾ ഉണ്ടാക്കുന്നവർ, വാൻ സെയിൽസ്മാൻ, ലൈറ്റ്/ഹെവി ഡ്രൈവർമാർ എന്നിവയാണ് മറ്റ് ഒഴിവുകൾ. ഈ തസ്തികകളിലേക്ക് അപേക്ഷിക്കുന്നവർക്ക് ബന്ധപ്പെട്ട മേഖലയിൽ കുറഞ്ഞത് മൂന്ന് വർഷത്തെ പരിചയസമ്പത്തുണ്ടായിരിക്കണം. പ്രായപരിധി- 40 ൽ താഴെ.

ഹെവി, ലൈറ്റ് ഡ്രൈവർ: യുഎഇ അല്ലെങ്കിൽ സൗദിയിലെ ഡ്രൈവിങ് ലൈസൻസുള്ളവർക്ക് അപേക്ഷിക്കാം

വിവരങ്ങള്‍ക്ക്: 7594054655, 7593812223, 7593812225.