സൗദി അറേബ്യയുടെ ആകാശത്ത് ഈ നൂറ്റാണ്ടിലെ ഏറ്റവും അപൂർവ്വവും ദൈർഘ്യമേറിയതുമായ പൂർണ സൂര്യഗ്രഹണം ദൃശ്യമാകാനൊരുങ്ങുന്നു. 2027 ഓഗസ്റ്റ് 2 ഉച്ചയ്ക്ക് സൗദിയുടെ വിവിധ ഭാഗങ്ങളെ ഇരുട്ടിലാക്കിക്കൊണ്ട് സൂര്യനെ ചന്ദ്രൻ പൂർണമായും മറയ്ക്കും. 75ലധികം വർഷങ്ങൾക്ക് ശേഷമാണ് സൗദി അറേബ്യയിൽ ഇത്രയും ദൈർഘ്യമേറിയ പൂർണ സൂര്യഗ്രഹണം ഉണ്ടാകുന്നത്. ഇതിനെ നൂറ്റാണ്ടിലെ ഏറ്റവും വലിയ ജ്യോതിശാസ്ത്ര സംഭവമെന്നാണ് സൗദി സ്പേസ് ഏജൻസി വിശേഷിപ്പിച്ചത്. മക്ക, ജിദ്ദ, അബ തുടങ്ങിയ നഗരങ്ങളിൽ പകൽ വെളിച്ചം മാറി രാത്രി പോലെ ഇരുട്ടാകും .. 2026   ഓഗസ്റ്റ് 12-ന്  ഒരു സൂര്യഗ്രഹണം നടക്കുന്നുണ്ടെങ്കിലും അത് ഗ്രീൻലാൻഡ്, ഐസ്‌ലാൻഡ്, സ്പെയിൻ തുടങ്ങിയ രാജ്യങ്ങളിൽ മാത്രമാണ് ദൃശ്യമാകുന്നത്

. അന്തരീക്ഷ താപനില പെട്ടെന്ന് കുറയുകയും ഉച്ചസമയത്ത് ആകാശത്ത് നക്ഷത്രങ്ങളും ഗ്രഹങ്ങളും ദൃശ്യമാവുകയും ചെയ്യും. സൂര്യന്റെ ഉപരിതലത്തിലെ അന്തരീക്ഷ പാളിയായ 'കൊറോണ' നഗ്നനേത്രങ്ങൾ കൊണ്ട് കാണാൻ സാധിക്കും. സൂര്യനെ നേരിട്ട് നോക്കുമ്പോൾ അതീവ ശ്രദ്ധ പുലർത്തേണ്ടതുണ്ട്. നഗ്നനേത്രങ്ങൾ കൊണ്ട് ഗ്രഹണം കാണുന്നത് കാഴ്ചശക്തിയെ ബാധിക്കും.  സാധാരണ കറുത്ത കണ്ണടകൾ സൂര്യരശ്മികളെ തടയില്ല. ISO 12312-2 സർട്ടിഫൈഡ് ആയ സോളാർ ഫിൽട്ടർ കണ്ണടകൾ മാത്രം ഉപയോഗിക്കുക.  ഗ്രഹണ സമയത്ത് പെട്ടെന്ന് ഇരുട്ട് വ്യാപിക്കാൻ സാധ്യതയുള്ളതിനാൽ വാഹനമോടിക്കുന്നവർ ലൈറ്റുകൾ ഓൺ ചെയ്യണം . പണ്ടൊക്കെ സൂര്യ ഗ്രഹണ സമയത്ത് പുറത്തിറങ്ങരുത് എന്ന നിർദ്ദേശം ഉണ്ടായിരുന്നു . പ്രധാനമായും അറിയാതെ സൂര്യനെ നോക്കിയാൽ കണ്ണിന്റെ കാഴ്ച പോകും എന്നതാണ് ഒരു കാര്യം . മാത്രമല്ല ഗ്രഹണസമയത്തുണ്ടാകുന്ന അന്തരീക്ഷത്തിലെ മാറ്റങ്ങൾ കാരണം   ഭക്ഷണം വിഷലിപ്തമാകുമെന്നും ജീവികൾക്ക് വിഷം കൂടുമെന്നും  ചിലർ വിശ്വസിക്കുന്നുണ്ട് . പക്ഷെ അതിന് ശാസ്ത്രീയ അടിത്തറ ഇല്ല .

സൗദിയിലെ പ്രധാനപ്പെട്ട നഗരങ്ങൾ പൂർണ്ണ ഗ്രഹണ പാതയിലാണ് സ്ഥിതി ചെയ്യുന്നത്. മക്ക, ജിദ്ദ, തായിഫ്, അൽ ബാഹ, ഖമീസ് മുഷൈത്ത്, ജിസാൻ, നജ്റാൻ തുടങ്ങിയ വൻ നഗരങ്ങളിൽ പൂർണ്ണ സൂര്യഗ്രഹണം ദൃശ്യമാകും. റിയാദ്, ഈസ്റ്റേൺ പ്രൊവിൻസ് ഉൾപ്പെടെയുള്ള മറ്റ് പ്രദേശങ്ങളിൽ ഭാഗിക സൂര്യഗ്രഹണമായിരിക്കും അനുഭവപ്പെടുകയെന്ന് ജിദ്ദ ആസ്ട്രോണമി സൊസൈറ്റിയുടെ ഭാരവാഹി എഞ്ചിനീയർ മജീദ് അബു സഹ്റ പറഞ്ഞു.   2027 ഓഗസ്റ്റ് 2ന് രാവിലെ 11.41ഓടെ ഭാഗിക ഗ്രഹണം ആരംഭിക്കും. ഉച്ചയ്ക്ക് 1.21 നും 1.44 നും ഇടയിലാണ് രാജ്യത്ത് പൂർണമായി ഇരുട്ട് പരക്കുന്നത്. വൈകുന്നേരം 3 മണിയോടെ ഗ്രഹണം അവസാനിക്കും.

അബയിൽ ഉച്ചയ്ക്ക് ശേഷം ഏകദേശം 6 മിനിറ്റോളം സമയം സൂര്യൻ പൂർണ്ണമായി മറയുകയും പകൽ പെട്ടെന്ന് രാത്രി പോലെ ഇരുളുകയും ചെയ്യും , ജിദ്ദ ഉൾപ്പെടെയുള്ള പടിഞ്ഞാറൻ തീരപ്രദേശങ്ങളിൽ 5 മിനിറ്റ് 50 സെക്കൻഡോളവും പൂർണ്ണ ഇരുട്ട് അനുഭവപ്പെടും. തെക്കൻ മലയോര മേഖലയായ ഇവിടെയാണ് സൗദിയിൽ ഏറ്റവും കൂടുതൽ സമയം പൂർണ്ണ ഇരുട്ട് അനുഭവപ്പെടുന്നത് (ഏകദേശം 6 മിനിറ്റ്). ഭാഗിക ഗ്രഹണം ആരംഭിക്കുന്നത്  12:13 PM  .    പൂർണ്ണ ഇരുട്ട് (Totality) തുടങ്ങുന്നത്: 01:37 PM .. ഗ്രഹണം അവസാനിക്കുന്നത്: 02:54 PM

വിവിധ നഗരങ്ങളിലെ സമയം
ജിദ്ദ: ഉച്ചയ്ക്ക് 12ന് ഗ്രഹണം തുടങ്ങി 1.25ന് പൂർണ്ണ ഗ്രഹണത്തിലെത്തും.  

പുണ്യനഗരമായ മക്കയിൽ 5 മിനിറ്റും 10 സെക്കൻഡും പൂർണ്ണ ഇരുട്ട് അനുഭവപ്പെടും.ഭാഗിക ഗ്രഹണം ആരംഭിക്കുന്നത്: 12:01 PM  ..പൂർണ്ണ ഇരുട്ട് (Totality) തുടങ്ങുന്നത്: 01:26 PM  ... ഗ്രഹണം അവസാനിക്കുന്നത്: 02:44 PM.

തായിഫ്: ഉച്ചയ്ക്ക് 12.03ന് തുടങ്ങി 1.28ന് പൂർണ്ണതയിലെത്തും. സൗദി അറേബ്യയുടെ മധ്യ, കിഴക്കൻ, വടക്കൻ പ്രദേശങ്ങളിൽ (റിയാദ്, ദമ്മാം ഉൾപ്പെടെ) ഗ്രഹണം ഭാഗികമായി മാത്രമേ ദൃശ്യമാകൂ (ഏകദേശം 80% വരെ സൂര്യൻ മറയും).

യുഎഇ നിവാസികൾക്കും സൂര്യഗ്രഹണം കാണാമെങ്കിലും അത് ഭാഗികമായിരിക്കും. ദുബായ് ഉൾപ്പെടെയുള്ള പ്രദേശങ്ങളിൽ സൂര്യന്റെ 53 ശതമാനം മുതൽ 61 ശതമാനം വരെ ഭാഗം ചന്ദ്രനാൽ മറയ്ക്കപ്പെടും. പൂർണമായി ഇരുട്ടോ നക്ഷത്രങ്ങൾ തെളിയുന്ന അനുഭവമോ യുഎഇയിൽ ഉണ്ടാകില്ല.

പ്രത്യേക സുരക്ഷാ ഗ്ലാസുകൾ ഇല്ലാതെ ഒരു കാരണവശാലും സൂര്യനെ നേരിട്ട് നോക്കരുത്. സാധാരണ സൺഗ്ലാസുകളോ ടെലിസ്കോപ്പോ ഫിൽട്ടറുകളില്ലാതെ ഉപയോഗിക്കുന്നത് കണ്ണിന്റെ കാഴ്ചശക്തിക്ക് സ്ഥിരമായ തകരാറുകൾ വരുത്താമെന്ന് സൗദി സ്പേസ് ഏജൻസി പൊതുജനങ്ങൾക്ക് സുരക്ഷാ മുന്നറിയിപ്പ് നൽകിയിട്ടുണ്ട്.   സൂര്യഗ്രഹണം സൗദിയിൽ അനുഭവപ്പെടുന്നത് 2027 ആഗസ്റ്റ് 2 നാണ്