എയർ ഇന്ത്യ പൈലറ്റ് കോക്ക്പിറ്റിലിരുന്ന് കഞ്ചാവ് ഉപയോഗിച്ച സംഭവത്തിൽ കടുത്ത നടപടികളുമായി കേന്ദ്ര സർക്കാർ. വിമാന സർവീസുകളുടെ മേൽനോട്ടം ശക്തമാക്കണമെന്നും യാത്രക്കാരുടെ സുരക്ഷ ഉറപ്പാക്കണമെന്നും കേന്ദ്ര വ്യോമയാന മന്ത്രാലയം എയർ ഇന്ത്യയ്ക്ക് കർശന നിർദ്ദേശം നൽകി. ഒഡീഷയ്ക്ക് മുകളിൽ വെച്ച് എയർ ഇന്ത്യ വിമാനം 300 അടി താഴേക്ക് പതിക്കുകയും 24 പേർക്ക് പരിക്കേൽക്കുകയും ചെയ്ത സംഭവത്തിലാണ് കേന്ദ്രത്തിന്റെ അടിയന്തര ഇടപെടൽ. പൈലറ്റ് സുദീപ് വസിഷ്ഠിന്റെ ഡോപ്പ് ടെസ്റ്റ് ഫലം പോസിറ്റീവായതിനെ തുടർന്ന് രാജ്യത്തെ പൈലറ്റുമാരുടെ മയക്കുമരുന്ന് പരിശോധനാ സംവിധാനം അടിയന്തരമായി പരിഷ്കരിക്കാൻ DGCA യോടും സർക്കാർ ആവശ്യപ്പെട്ടിട്ടുണ്ട്.