സമൂഹ മാധ്യമങ്ങളിലെ മീമുകളിലൂടെയും ട്രോളുകളിലൂടെയും ഏറെ പ്രശസ്തി നേടിയ നടി കൈലിയ പോസി(16)യെ മരിച്ച നിലയില്‍ കണ്ടെത്തി. ടോഡ്‌ലേഴ്‌സ് ആൻഡ് ടിയാരാസ് എന്ന പ്രശസ്‌തമായ ടിവി ഷോയിലെ ഒരു കുസൃതി ചിരിയിലൂടെയാണ് കൈലിയ ലോകപ്രശസ്‌തയായത്. വാഷിങ്ടണിലെ ബിര്‍ച്ച് ബേ സ്റ്റേറ്റ് പാര്‍ക്കില്‍ ബുധനാഴ്ചയാണ് കൈലിയയുടെ മൃതദേഹം കണ്ടെത്തിയത്. ആത്മഹത്യ ചെയ്തതാണെന്നാണ് സൂചനകള്‍. കൈലിയയുടെ മാതാവ് മാര്‍സി പോസിയാണ് മരണവാര്‍ത്ത പുറത്ത് വിട്ടത്.

കൗമാര താരത്തിന്റെ മരണം സ്ഥിരീകരിച്ച് അമ്മ മാൻസി പോസിയാണ് വിവരം സമൂഹമാദ്ധ്യമങ്ങളിലൂടെ അറിയിച്ചത്. എനിക്ക് വാക്കുകളില്ല, സുന്ദരിക്കുട്ടി യാത്രയായിരിക്കുന്നു. കൈലിയുടെ വിയോഗത്തില്‍ ഞങ്ങള്‍ അതീവ ദുഖിതരാണ്. ഞങ്ങളുടെ സ്വകാര്യതയെ മാനിക്കണം - മാര്‍സി പോസ്റ്റ് ചെയ്തു. അമേരിക്കന്‍ ടെലിവിഷന്‍ ചാനലായ ടിഎല്‍സിയില്‍ സംപ്രേക്ഷണം ചെയ്ത 'ടോഡ്ലേഴ്‌സ് ആന്‍ഡ് ടിയാരാസ് എന്ന ഷോയിലൂടെയാണ് കൈലിയ ശ്രദ്ധ നേടുന്നത്.

അഞ്ചാം വയസ്സിലായിരുന്നു അരങ്ങേറ്റം. ഈ ഷോയില്‍ കൈലിയ ചിരിക്കുന്ന രംഗം സമൂഹമാധ്യമങ്ങളില്‍ മീമുകളും ജിഫികളുമായി ആഘോഷിക്കപ്പെട്ടിരുന്നു. മിസ് ടീന്‍ വാഷിംഗ്ടണ്‍ മത്സരത്തിലും കൈലിയ പങ്കെടുത്തിട്ടുണ്ട്. ഏവിയേഷനില്‍ പഠനം പൂര്‍ത്തിയാക്കി പൈലറ്റാവുക എന്നതായിരുന്നു കൈയിലിയുടെ ഏറ്റവും വലിയ സ്വപ്നം.

2012ൽ ടോഡ്‌ലേഴ്‌സ് ആൻഡ് ടിയാരാസ് ഷോയിൽ ഒരു എപ്പിസോഡിൽ കുസൃതി നിറഞ്ഞ ചിരിയോടെയുള‌ള കൈലിയയുടെ മുഖം മീമുകളിലൂടെ വളരെപ്പെട്ടെന്ന് പ്രശസ്‌തമായി. ആത്മഹത്യയാണ് മരണകാരണമെന്നാണ് കുടുംബം നൽകുന്ന വിവരം.

നിരവധി മത്സരങ്ങളിൽ എണ്ണമറ്റ വിജയം നേടി.പലമേഖലകളിൽ കഴിവ് തെളിയിച്ചിരുന്നെന്നും കുടുംബം കൈലിയെ ഓർത്തു. കാൽകൊണ്ട് അമ്പെയ്‌ത് ലക്ഷ്യസ്ഥാനത്തെത്തിക്കുന്ന ഒരു വീഡിയോയാണ് ഇൻസ്‌റ്റ‌ഗ്രാമിൽ കൈലിയ ഏപ്രിൽ 30ന് അവസാനമായി ഷെയർ ചെയ്‌തത്.