ജീവിത നിലവാര സൂചികയിൽ ഇന്ത്യയിലെ പ്രധാന നഗരങ്ങളെ പിന്നിലാക്കി അതായത്, ഡൽഹി, മുംബൈ, ചെന്നൈ ഉൾപ്പെടെയുള്ള വൻനഗരങ്ങളേക്കാൾ ജീവിക്കാൻ മികച്ചതു തിരുവനന്തപുരം, കോട്ടയം, തൃശൂർ, കൊച്ചി നഗരങ്ങളാണെന്ന് ഓക്സ്ഫഡ് ഇക്കണോമിക്സ് ഗ്ലോബൽ സിറ്റീസ് ഇൻഡക്സ്. സാമ്പത്തിക സാഹചര്യങ്ങൾ, മനുഷ്യ മൂലധനം, ജീവിതനിലവാരം, പരിസ്ഥിതി, ഭരണം എന്നീ 5 മേഖലകളിൽ‍ പഠനം നടത്തിയാണു ഓക്സ്ഫഡ് ഇക്കണോമിക്സ് ലോകത്തിലെ 1000 നഗരങ്ങളെ ഉൾപ്പെടുത്തി സൂചിക തയാറാക്കിയത്.ഇതിൽ ജീവിതനിലവാരം എന്ന ഘടകത്തിലാണ് കേരളത്തിലെ നഗരങ്ങൾ ഇന്ത്യൻ നഗരങ്ങളുടെ പട്ടികയിൽ മുന്നിലെത്തിയത്. തലസ്ഥാന നഗരിയായ ഡൽഹിയും സാമ്പത്തിക തലസ്‌ഥാനമായ മുംബൈയും രാജ്യത്തിന്റെ ഐടി ആസ്ഥാനമായ ബെംഗളൂരുവും വരെ ജീവിത നിലവാര സൂചികയിൽ തിരുവനന്തപുരത്തിനും കോട്ടയത്തിനും തൃശൂരിനും കൊച്ചിക്കും പിന്നിലാണ്.

നഗരങ്ങളിലെ സാമ്പത്തിക–ആരോഗ്യ സുസ്ഥിതി, ജീവിതസൗകര്യങ്ങളുടെ ലഭ്യത, കുടിയേറിപ്പാർക്കാൻ പ്രേരിപ്പിക്കുന്ന ആകർഷകത്വം, താമസച്ചെലവു കുറവ്, വിനോദ–സാംസ്കാരിക അവസരം, ഇന്റർനെറ്റ് സ്പീഡ് എന്നിവയൊക്കെ കണക്കാക്കി തയാറാക്കിയ പട്ടികയിൽ തിരുവനന്തപുരത്തിനു ആഗോള റാങ്ക് 748. കോട്ടയം 753, തൃശൂർ 757, കൊച്ചി 765, ഡൽഹി–838, ഹൈദരാബാദ്–882, ബെംഗളൂരു–847, മുംബൈ–915. മൊത്തം റാങ്കിങ്ങിൽ ഡൽഹിയുടെ ആഗോള സ്ഥാനം 350,ബെംഗളൂരു 411, മുംബൈ 427, കൊച്ചി 521, തൃശൂർ 550. മറ്റു കേരള നഗരങ്ങൾ 600നു താഴെയാണ്. പട്ടികയിൽ ഒന്നാം സ്ഥാനത്ത് ന്യൂയോർക്കാണ്.ഒരു നഗരത്തിലെ ജീവിതക്ഷമത, ആകർഷണീയത തുടങ്ങിയ കുടിയേറ്റ പാറ്റേണുകളിൽ പ്രധാന പങ്കുവഹിക്കുന്ന ഘടകങ്ങൾ പരിഗണിച്ചാണ് ഓക്സ്ഫോർഡ് നഗര സൂചിക പുറത്തുവിട്ടത്.

ജീവിതനിലവാരം എന്ന ഘടകം പരിശോധിക്കുമ്പോൾ ഓരോ നഗരത്തിലും ജീവിക്കുന്നത് വഴി ലഭിക്കുന്ന നേട്ടങ്ങൾ, നഗര നിവാസികളുടെ ക്ഷേമം, സാമ്പത്തികവും ആരോഗ്യപരവുമായ കാര്യങ്ങൾ, ജീവിത സൗകര്യങ്ങൾ തുടങ്ങിയ സൂചകങ്ങളാണ് പരിഗണിക്കുന്നത്.ക്വാളിറ്റി ഓഫ് ലൈഫ് അഥവാ ജീവിതനിലവാരത്തിൻ്റെ കാര്യത്തിൽ ഇന്ത്യയുടെ സാമ്പത്തിക തലസ്ഥാനമായ മുംബെെ 915ാം സ്ഥാനത്തും ഡൽഹി 838ാം സ്ഥാനത്തും ബെംഗളുരു 847ാം സ്ഥാനത്തും ഹൈദരാബാദ് 882ാം സ്ഥാനത്തുമാണ്. എന്നാൽ കേരളത്തിൽ നിന്നുള്ള കൊച്ചി 765ാം സ്ഥാനത്തും തൃശൂർ 757ാം സ്ഥാനത്തുമാണ്.എന്നാൽ ജീവിതനിലവാരം എന്ന ഘടകം മാറ്റിനിർത്തി മൊത്തത്തിലുള്ള റാങ്കിംഗിൻ്റെ കാര്യത്തിൽ മുംബെെ, ഡൽഹി, ബെംഗളുരു തുടങ്ങിയ നഗരങ്ങൾ ഏറെ മുന്നിലാണ്. ഇക്കാര്യത്തി. മുംബെെ 427ാം സ്ഥാനത്തും ഡൽഹി 350ാം സ്ഥാനത്തും ബെംഗളുരു 411ാം സ്ഥാനത്തുമാണ്.

ലോകത്തിലെ വിവിധ രാജ്യങ്ങളെ കുറിച്ച് പഠനം നടത്തി തയ്യാറാക്കിയ റിപ്പോർട്ടിൽ ഒന്നാം സ്ഥാനത്ത് ന്യൂയോർക്കാണ്.ലണ്ടൻ, സാൻ ജോസ്, ടോക്കിയോ എന്നീ നഗരങ്ങളാണ് തൊട്ടടുത്ത സ്ഥാനങ്ങളിൽ എത്തിയത്.ഇക്കണോമിക്സ്, മനുഷ്യ മൂലധനം, ജീവിതനിലവാരം, പ്രകൃതി, ഭരണം തുടങ്ങിയ അഞ്ചു കാറ്റഗറികളിലായി പഠനം നടത്തിയാണ് നഗരങ്ങളുടെ റാങ്കിംഗ് ഓക്സ്ഫോർഡ് ഇക്കണോമിക്സ് ആഗോള നഗര സൂചിക തയ്യാറാക്കിയത്. വിവരങ്ങൾ ശേഖരിച്ചതിന് ശേഷം ഓരോ നഗരത്തിനും ഈ വ്യത്യസ്ത കാറ്റഗറികളിലായി സ്കോർ നൽകി. ആ കാറ്റഗറിയിൽ ഏറ്റവും മുന്നിലെത്തുന്ന നഗരത്തിന് 100ഉം അവസാനത്തെത്തുന്ന നഗരത്തിന് 0 സ്കോറും നൽകി.പിന്നീട് അഞ്ചു കാറ്റഗറികളിലെയും വ്യത്യസ്ത വെയിറ്റേജ് അനുസരിച്ച് അന്തിമ റാങ്കിംഗ് തയ്യാറാക്കി. ഇക്കണോമിക്സ് (30 ശതമാനം), മനുഷ്യ മൂലധനം (25 ശതമാനം), ജീവിതനിലവാരം (25 ശതമാനം), പ്രകൃതി (10 ശതമാനം), ഭരണം (10 ശതമാനം) എന്നിങ്ങനെയാണ് വിവിധ കാറ്റഗറികൾക്ക് വെയിറ്റേജ് നൽകിയത്.