പതിനാലുകാരനെ പ്രകൃതിവിരുദ്ധ പീഡനത്തിനിരയാക്കിയ വൃദ്ധന് പിടിയില്
പതിനാലുകാരനെ പ്രകൃതിവിരുദ്ധ പീഡനത്തിനിരയാക്കിയ 67കാരനായ വിമുക്തഭടന് പിടിയില്. പറണ്ടോട് താഴേമുക്ക് റോഡരികത്ത് വീട്ടില് ശ്രീധരനെയാണ് (67) ആര്യനാട് പൊലീസ് അറസ്റ്റ് ചെയ്തത്. രണ്ടാം തീയതിയാണ് കേസിനാസ്പദമായ സംഭവം.
കോഴിമുട്ട വാങ്ങാനായി വീട്ടിലെത്തിയ ഇയാള് വീട്ടില് ആരുമില്ലെന്ന് മനസിലാക്കി കുട്ടിയെ പ്രകൃതിവിരുദ്ധ പീഡനത്തിനിരയാക്കുക ആയിരുന്നെന്ന് ആര്യനാട് പൊലീസ് അറിയിച്ചു. പുറത്തു പോയിരുന്ന മാതാവ് മടങ്ങി വന്നപ്പോള് വീടിനുള്ളില് ശ്രീധരനെ കണ്ടു ബഹളം വച്ചതോടെ ഇയാള് ഓടി രക്ഷപ്പെടുകയും ചെയ്തു. തുടര്ന്ന് കുട്ടി മാതാവിനോട് വിവരം പറയുകയായിരുന്നു.
രക്ഷിതാക്കള് ആര്യനാട് പൊലീസില് പരാതി നല്കി. പരാതിയുടെ അടിസ്ഥാനത്തില് നെടുമങ്ങാട് ഡിവൈ.എസ്.പി. ബി. അനില്കുമാര്, ആര്യനാട് സര്ക്കിള് ഇന്സ്പെക്ടര് ബി.അനില്കുമാര്, സബ് ഇന്സ്പെക്ടര് എസ്.വി.അജീഷ്, ജൂനിയര് എസ്.ഐ.പ്രദീപ്, ഗ്രേഡ് എസ്.ഐ പ്രഹ്ലാദന്, ഗ്രേഡ് എ.എസ്.ഐ. റാബി, എസ്.സി.പി.ഓ സുരേഷ് എന്നിവരടങ്ങുന്ന സംഘം ഇയാളെ അറസ്റ്റ് ചെയ്തു. പ്രതിയെ കോടതിയില് ഹാജരാക്കും.
https://www.facebook.com/Malayalivartha
