ഗെയില് വാതക പൈപ്പ് ലൈന് പദ്ധതിയില് നിന്ന് പിന്നോട്ടില്ലെന്ന് മുഖ്യമന്ത്രി; വികസന വിരോധികളുടെ വിരട്ടലില് വഴങ്ങില്ല, സര്ക്കാരിനെ വിരട്ടി ആരും കാര്യം സാധിക്കാമെന്ന് കരുതേണ്ട
ഗെയില് വാതക പൈപ്പ് ലൈന് പദ്ധതിയില് നിന്ന് പിന്നോട്ടില്ലെന്ന് വ്യക്തമാക്കി മുഖ്യമന്ത്രി പിണറായി വിജയന് രംഗത്ത്. വികസന വിരോധികളുടെ വിരട്ടലിന് വഴങ്ങി പദ്ധതികള് അവസാനിപ്പിക്കുന്ന കാലം കഴിഞ്ഞുവെന്ന് അദ്ദേഹം പറഞ്ഞു. സര്ക്കാരിനെ വിരട്ടി ആരും കാര്യം സാധിക്കാമെന്ന് കരുതേണ്ടെന്നും മുഖ്യമന്ത്രി മുന്നറിയിപ്പ് നല്കി. തൃശൂരില് ഫയര്മാന്മാരുടെ പാസിംഗ് ഔട്ട് പരേഡില് സംസാരിക്കുകയായിരുന്നു മുഖ്യമന്ത്രി
നാടിന്റെ വികസനത്തിനായി ചിലര് തടസം നില്ക്കുകയാണ്. ഉയര്ന്ന വിദ്യാഭ്യാസ യോഗ്യതയുള്ളവര്ക്ക് നമ്മുടെ നാട്ടില് ജോലി കിട്ടാത്ത അവസ്ഥയാണുള്ളത്. നാട്ടില് എന്ത് വികസനപദ്ധതി കൊണ്ടു വന്നാലും എതിര്ക്കാന് ഒരു വിഭാഗം മുന്നിട്ടിറങ്ങുന്നു. ഇത് ആസൂത്രിതമാണെന്ന് സംശയിക്കേണ്ടിയിരിക്കുന്നു.
വികസന വിരോധികളുടെ സമ്മര്ദ്ദത്തിനോ വിരട്ടലിനോ വഴങ്ങി സംസ്ഥാനത്തിന്റെ മുന്നോട്ടുള്ള കുതിപ്പിനായി ആസൂത്രണം ചെയ്ത പദ്ധതികള് നിറുത്തിവയ്ക്കാനോ ഉപേക്ഷിക്കാനോ മരവിപ്പിക്കാനോ സര്ക്കാര് ഉദ്ദേശിക്കുന്നില്ലെന്നും മുഖ്യമന്ത്രി പറഞ്ഞു.
https://www.facebook.com/Malayalivartha
