ദേശീയ മനുഷ്യാവകാശ കമീഷന് അധ്യക്ഷ ഇന്ന് ഹാദിയയെ സന്ദര്ശിക്കും
ദേശീയ മനുഷ്യാവകാശ കമീഷന് അധ്യക്ഷ രേഖ ശര്മ ഇന്ന് ഹാദിയയെ സന്ദര്ശിക്കും. ഹാദിയയെ സന്ദര്ശിക്കാനുള്ള തീരുമാനം കമീഷന് സ്വയം എടുത്തതാണെന്നും അധ്യക്ഷ രേഖ ശര്മ വ്യക്തമാക്കി. സന്ദര്ശനവുമായി ബന്ധപ്പെട്ട പൊലീസ് മേധാവി ലോക്നാഥ് ബെഹ്റയുമായി കൂടിക്കാഴ്ച നടത്തും.
ഇതു സംബന്ധിച്ച് പ്രത്യേക പരാതികളൊന്നും ലഭിച്ചിട്ടില്ല. മുന്വിധികളൊന്നുമില്ലാതെ വീട്ടിലെത്തി ഹാദിയക്കും കുടുംബത്തിനും പറയാനുള്ളത് കേള്ക്കും. മാധ്യമ വാര്ത്തകളുടേയും ഹാദിയ സംസാരിക്കുന്ന ദൃശ്യങ്ങള് കണ്ടതിന്റെയും അടിസ്ഥാനത്തിലാണ് സന്ദര്ശനമെന്നും രേഖ ശര്മ പറഞ്ഞു.
തിരുവനന്തപുരത്തെ നിമിഷ ഫാത്തിമയുടെ കുടുംബത്തെ സന്ദര്ശിക്കുമെന്നും രേഖ ശര്മ വ്യക്തമാക്കി. തൃപ്പൂണിത്തുറയിലെ യോഗ സെന്ററിലെ പീഡനത്തെക്കുറിച്ചുള്ള ചോദ്യങ്ങള്ക്ക് ഈ വാര്ത്തകള് ശ്രദ്ധയില് പെട്ടിട്ടില്ലെന്നായിരുന്നു വനിത കമീഷന് അധ്യക്ഷയുടെ പ്രതികരണം. ആരെങ്കിലും ഇതേക്കുറിച്ച് പരാതി നല്കിയാല് പരിഗണിക്കുമെന്നും അവര് അറിയിച്ചു.
ഉച്ചക്ക് വൈക്കത്തെ വീട്ടിലെത്തി ഹാദിയയെ സന്ദര്ശിക്കുന്ന രീതിയിലാണ് മനുഷ്യാവകാശ കമീഷന് അധ്യക്ഷയുടെ പരിപാടികള് ക്രമീകരിച്ചിരിക്കുന്നത്.
https://www.facebook.com/Malayalivartha
