കൈയേറ്റ ആരോപണം നേരിടുന്ന ഗതാഗതമന്ത്രി തോമസ് ചാണ്ടിക്കെതിരായ വിജിലന്‍സ് അന്വേഷണത്തിനു കോടതിയുടെ ഉത്തരവ് കിട്ടിയിട്ടില്ലെന്ന് ഡിജിപി ലോക്‌നാഥ് ബെഹ്‌റ. ചൊവ്വാഴ്ചയോ ബുധനാഴ്ചയോ ഉത്തരവ് കിട്ടിയാല്‍ ഉടന്‍ അന്വേഷണം തുടങ്ങും. അന്വേഷണം സമയബന്ധിതമായി പൂര്‍ത്തിയാക്കുമെന്നും ഡിജിപി പറഞ്ഞു.

തോമസ് ചാണ്ടിയുടെ ഭൂമി കൈയേറ്റം ഉള്‍പ്പെടെയുള്ള നിയമലംഘനങ്ങളെ കുറിച്ച് അന്വേഷണം നടത്തണമെന്ന് ആവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തലയാണ് വിജിലന്‍സ് ഡയറക്ടര്‍ക്ക് കത്ത് നല്‍കിയത്. അധികാര ദുര്‍വിനിയോഗം ഉള്‍പ്പെടെ നടത്തിയ തോമസ്ചാണ്ടിക്കെതിരെ അന്വേഷണം നടത്തണമെന്നായിരുന്നു ചെന്നിത്തലയുടെ ആവശ്യം.

തോമസ് ചാണ്ടിയുടെ ഉടമസ്ഥതയിലുള്ള ലേക് പാലസ് റിസോട്ടിനു മുന്‍വശത്ത് കായല്‍ വേലികെട്ടി വേര്‍തിരിച്ചുവെന്നും റിസോട്ടിനായി നിലം നികത്തിയെന്നും ആരോപണമുണ്ട്.