വൈദ്യുതി വകുപ്പ് മന്ത്രി എംഎം മണിയുടെ സഹോദരന് എംഎം സനകന്റെ മരണത്തിൽ ദുരൂഹതയേറുന്നു ; ഊമക്കത്തില് പരാമർശിച്ച യുവാവ് പോലീസ് പിടിയിൽ
വൈദ്യുതി വകുപ്പ് മന്ത്രി എംഎം മണിയുടെ സഹോദരന് എംഎം സനകന് ചികിത്സയില് കഴിയവെ മരണപ്പെട്ട സംഭവത്തില് ഒരാള് കസ്റ്റഡിയില്. മുരിക്കാശേരി ഉപ്പുതോട് സ്വദേശി എബിയെയാണ് അടിമാലി പോലീസ് കസ്റ്റഡിയിലെടുത്തത്.
എംഎം സനകന്റെത് ദുരൂഹ മരണമാണെന്ന് കാണിച്ച് മന്ത്രി എംഎം മണിക്ക് ഊമക്കത്ത് ലഭിച്ചിരുന്നു. ഇതിന്റെ അടിസ്ഥാനത്തിലാണ് പോലീസ് അന്വേഷണം ആരംഭിച്ചത്. ഇതിനു പിന്നാലെയാണ് ഒരാള് പിടിയിലായത്.
ഇയാളുടെ കാറും പോലീസ് കസ്റ്റഡിയിലെടുത്തിട്ടുണ്ട്. കഴിഞ്ഞ മാസം എട്ടിന് വെള്ളത്തൂവലിന് സമീപം അവശനിലയില് റോഡരികില് കണ്ട സനകനെ ആശുപത്രിയില് പ്രവേശിപ്പിക്കുകയായിരുന്നു. എന്നാല് ഒന്പതാം തീയതി കോട്ടയം മെഡിക്കല് കോളേജില് വെച്ച് എംഎം സനകന് മരണപ്പെടുകയായിരുന്നു.
എബിയുടെ കാറിടിച്ചതാണ് സനകന്റെ മരണത്തിന് കാരണമായതെന്ന് ലഭിച്ച ഊമക്കത്തില് പറഞ്ഞിരുന്നു. ഇതിന്റെ അടിസ്ഥാനത്തിലാണ് പോലീസ് നടപടി. എബിയെ പോലീസ് ചോദ്യം ചെയ്ത് വരികയാണ്.
https://www.facebook.com/Malayalivartha
