അച്ഛന് വലിയ ജോലിയാണെങ്കില്‍ മക്കള്‍ക്ക് അത് പ്രശ്‌നം തന്നെയാണ്. ആദ്യമൊക്കെ സുന്ദരമായി കറങ്ങി നടന്നിരുന്ന രാഷ്ട്രപതി രാംനാഥ് കോവിന്ദിന്റെ മകള്‍ സ്വാതിയ്ക്കാണ് എട്ടിന്റെ പണി കിട്ടിയിരിക്കുന്നത്. വിവിഐപിയുടെ മകളായതിനാല്‍ സുരക്ഷ കൂടുതലുമാണ് സ്വതന്ത്ര്യമായി കറങ്ങി നടക്കാനുമാകുന്നില്ല.അതാണ് സ്വാതിയുടെ ഇപ്പോഴത്തെ അവസ്ഥ.

ഡല്‍ഹിയിലെ കനത്ത പുകമഞ്ഞ് ശ്വസിച്ച് ഓഫീസ് ഡ്യൂട്ടിയില്‍ കഴിയേണ്ട അവസ്ഥയാണ് മകള്‍ സ്വാതിക്ക്. സ്വാതി എയര്‍ഇന്ത്യയിലെ എയര്‍ഹോസ്റ്റസാണ്. ലോകം മുഴുവന്‍ വിമാനത്തില്‍ ചുറ്റിക്കറങ്ങേണ്ട ജോലി. വിവിഐപിയുടെ മകളായതിനാല്‍ സുരക്ഷ നിര്‍ബന്ധമാണ് താനും. അകൊണ്ട് തന്ന കോവിന്ദിന്റെ മകള്‍ സ്വാതിയുടെ ഡ്യൂട്ടിയില്‍ എയര്‍ ഇന്ത്യ മാറ്റം വരുത്തി.

എയര്‍ ഹോസ്റ്റസായ സ്വാതിക്ക് സുരക്ഷാ കാരണങ്ങളാലാണ് പുതിയ ഡ്യൂട്ടി നല്‍കിയത്. ബോയിങ് 787, ബോയിങ് 777 എന്നിവയിലാണ് സേവനമനുഷ്ഠിച്ചിരുന്നത്. എന്നാല്‍, ഒരുമാസമായി ഡല്‍ഹിയിലെ ആസ്ഥാനത്ത് ഇന്റഗ്രേഷന്‍ വകുപ്പിലാണ്. രാഷ്ട്രപതിയുടെ മകള്‍ എന്നനിലയില്‍ സ്വാതിക്ക് സുരക്ഷ ഭടന്മാരുടെ അകമ്ബടിയുണ്ട്. ഇത് യാത്രക്കാര്‍ക്ക് ബുദ്ധിമുട്ട് സൃഷ്ടിക്കുമെന്നതിനാലുമാണ് സ്വാതിയുടെ ജോലിയില്‍ മാറ്റം വരുത്തിയത്.

പഞ്ചായത്ത് മെമ്ബറാകുന്നതുപോലും ജനം ആഘോഷമാക്കുന്ന കാലത്താണ് അച്ഛന്‍ സര്‍വ്വ സൈന്യാധിപനായി മാറിയിട്ടും അത് ആഘോഷിക്കാതെ മകള്‍ നടന്നത്. അച്ഛന്റെ പേരിന്റെ വാലുപോലും സ്വീകരിക്കാതെ അന്തസ്സായി ജോലി ചെയ്തായിരുന്നു സ്വാതിയുടെ ജീവിതം.

ജൂലായ് 25 ന് രാംനാഥ് കോവിന്ദ് ഇന്ത്യയുടെ പതിനാലാമത്തെ രാഷ്ട്രപതിയായി സത്യപ്രതിജ്ഞ ചെയ്യുന്ന വേളയ്ക്കായി അദ്ദേഹത്തിന്റെ ഗ്രാമം കാത്തിരിക്കുമ്‌ബോഴാണ് സ്വാതി ജോലിയില്‍ മുഴുകി കഴിയുകയായിരുന്നു സ്വാതി. എന്നാല്‍ എയര്‍ ഇന്ത്യയിലെ സഹപ്രവര്‍ത്തകര്‍ വലിയ സന്തോഷത്തിലാണ്. രാംനാഥ് കോവിന്ദ് തങ്ങളുടെ പ്രശ്‌നങ്ങളില്‍ ഇടപെടുമെന്ന പ്രതീക്ഷയിലാണ് എയര്‍ ഇന്ത്യയിലെ സഹപ്രവര്‍ത്തകര്‍.