പ്രണയാഭ്യർഥന നടത്തിയിട്ടും യുവതി മറുപടിയൊന്നും നൽകിയില്ല. ഒടുവിൽ യുവാവ് യുവതിയെ ചെന്നൈയില്‍ വീട്ടിലിട്ട് ചുട്ടുകൊന്നു. ചെന്നൈ അഡംബക്കത്തുള്ള എജിഎസ് കോളനിയിലാണ് സംഭവം. ഇതേ കോളനിയിലെ തന്നെ താമസക്കാരനായ യുവാവ് യുവതിയോട് പ്രണയാഭ്യർത്ഥന നടത്തിയിട്ടും യുവതി പ്രതികരണമൊന്നുമറിയിച്ചില്ല. ഒരു മാസം കൂടുതലായി അയാൾ യുവതിയുടെ പിറകെ കൂടിയിട്ട്. അതിനാൽ തിങ്കളാഴ്ച രാത്രി ഒന്‍പത് മണിയോടെ ഇയാൾ യുവതിയുടെ വീട്ടിൽ കയറിച്ചെന്നു.

സാധാരണയായി വീട്ടില്‍ വരാറുള്ള ആകാശിനെ കണ്ട വാതില്‍ തുറന്ന വീട്ടുകാരോട് ഇന്ദുജയോട് സംസാരിക്കണമെന്ന് ആവശ്യപ്പെടുകയായിരുന്നു. യുവതിയെ രക്ഷിക്കാനെത്തിയ അമ്മയ്ക്കും സഹോദരിക്കും ഗുരുതരമായി പരിക്കേറ്റിട്ടുണ്ട്. ഇന്ദുജ എന്ന എന്‍ജിനിയറിങ് ബിരുദധാരിയാണ് ഇത്തരത്തില്‍ കൊല്ലപ്പെട്ടത്.

വാതില്‍ തുറന്നപ്പോഴെ കൈയ്യില്‍ കരുതിയ പെട്രോള്‍ ഒഴിക്കുകയായിരുന്നുവെന്നും റിപ്പോര്‍ട്ടുകളുണ്ട്. ഭയന്ന ഇന്ദുജ തന്റെ മുറിയിലേക്ക് ഓടിയതായും തമിഴ് മാധ്യമങ്ങള്‍ റിപ്പോര്‍ട്ട് ചെയ്യുന്നു. ഇവരെ രക്ഷിക്കുവാന്‍ പുറകെ എത്തിയ അമ്മയ്ക്കും സഹോദരിക്കുമാണ് പരിക്കേറ്റത്. തീ എറിഞ്ഞ ശേഷം യുവാവ് ഓടി രക്ഷപെട്ടെന്നും ദൃക്സാക്ഷി പറഞ്ഞു. അമ്മയ്ക്ക് 49 % പൊള്ളലേറ്റിട്ടുണ്ട്. സഹോദരി തീവ്രപരിചരണ വിഭാഗത്തിലാണുള്ളത്.