ഗൗരി ലങ്കേഷിന്റെ പേരില് പത്രം തുടങ്ങുന്നതിനെതിരെ അമ്മയുടെ ഹര്ജി
കൊല്ലപ്പെട്ട മാധ്യമപ്രവര്ത്തക ഗൗരി ലങ്കേഷിന്റെ പേരില് പത്രം തുടങ്ങാനുള്ള സഹപ്രവര്ത്തകരുടെ ശ്രമത്തിന് കോടതിയുടെ വിലക്ക്. പ്രിന്സിപ്പല് സിറ്റി സിവില് ആന്ഡ് സെഷന്സ് കോടതിയുടേതാണ് ഉത്തരവ്. മകളുടെ പേരില് പത്രം തുടങ്ങുന്നതിനെതിരേ ഗൗരിയുടെ അമ്മ ഇന്ദിര ലങ്കേഷ് ആണ് കോടതിയില് ഹര്ജി സമര്പ്പിച്ചത്.
ഗൗരിയുടെ സഹപ്രവര്ത്തകനായ ചന്ദ്ര ഗൗഡയുടെ നേതൃത്വത്തിലാണ് 'നാനു ഗൗരി' എന്ന പേരില് പത്രം തുടങ്ങാന് പദ്ധതിയിട്ടത്. പത്രം തുടങ്ങുന്നതിനായി സിദ്ധരാമയ്യ സര്ക്കാരിന്റെ പിന്തുണയും ഉണ്ടായിരുന്നു. ഈ സാഹചര്യത്തിലാണ് ഇന്ദിര ലങ്കേഷ് കോടതിയെ സമീപിച്ചത്.
ഹര്ജിയില് അടുത്ത വാദം കേള്ക്കുന്നതു വരെ, 'ഗൗരി ലങ്കേഷ് പത്രികെ', 'നാനു ഗൗരി' എന്നീ പേരുകളിലോ 'ലങ്കേഷ് പത്രികെ' എന്ന പേരിനോട് എന്തെങ്കിലും വാക്കുകള് കൂട്ടിച്ചേര്ത്തോ പത്രം അച്ചടിച്ച് ഇറക്കാന് പാടില്ലെന്നാണ് കോടതി ഉത്തരവിട്ടത്.
https://www.facebook.com/Malayalivartha
