പത്മാവതി പ്രതിഷേധം കത്തിപടരുന്നു ; സഞ്ജയ് ലീല ബന്‍സാലി ചിത്രം പത്മാവതിയ്ക്ക് മധ്യപ്രദേശില്‍ മുഖ്യമന്ത്രിയുടെ വിലക്ക്
സഞ്ജയ് ലീല ബന്‍സാലി ചിത്രം പത്മാവതി മധ്യപ്രദേശില്‍ പ്രദര്‍ശിപ്പിക്കാന്‍ അനുവദിക്കില്ലെന്ന് മുഖ്യമന്ത്രി ശിവരാജ് സിങ് ചൗഹാന്‍. ചരിത്രത്തെ വളച്ചൊടിക്കുകയാണ് പത്മാവതി ചെയ്യുന്നത്. പത്മാവതിയെ കുറിച്ച്‌ കുട്ടിക്കാലം മുതല്‍ കേള്‍ക്കുന്നതാണെന്നും ചരിത്രത്തെ മാറ്റി മറിക്കാന്‍ അനുവദിക്കില്ലെന്നും ശിവരാജ് സിങ് ചൗഹാന്‍ പറഞ്ഞു.സംസ്ഥാനത്ത് ചിത്രം നിരോധിക്കണമെന്ന് ആവശ്യപ്പെട്ട് രജപുത്ര സംഘടനകള്‍ നേരത്തെ മുഖ്യമന്ത്രിക്ക് നിവേദനം നല്‍കിയിരുന്നു.
അതേസമയം ചരിത്രത്തെ വളച്ചൊടിക്കുന്നത് ആര്‍ക്കും അംഗീകരിക്കാന്‍ കഴിയില്ലെന്നും അതു കൊണ്ട് തന്നെ അതിനെതിരെ പ്രതിഷേധിക്കാന്‍ അവകാശമുണ്ടെന്നും പഞ്ചാബ് മുഖ്യമന്ത്രി അമരീന്ദര്‍ സിങ് ട്വിറ്ററില്‍ കുറിച്ചു.അതിനിടെ സിനിമയുടെ സെന്‍സറിങ്ങ് നടപടികള്‍ വേഗത്തിലാക്കണമെന്ന നിര്‍മാതാക്കളുടെ ആവശ്യം സെന്‍സര്‍ ബോര്‍ഡ് തളളി. ക്രമപ്രകാരം മാത്രമെ സെന്‍സറിങ്ങ് പൂര്‍ത്തിയാക്കുകയുള്ളുവെന്നും ബോര്‍ഡ് അറിയിച്ചു.
https://www.facebook.com/Malayalivartha
