15 വയസുകാരിയും 16 വയസുകാരിയും തമ്മിലുള്ള സ്വവർഗാനുരാഗംമൂലം നാലുവയസുകാരിയുടെ ജീവൻ പൊലിഞ്ഞു. ഉത്തർ പ്രദേശിലെ മൗ ജില്ലയിലാണ് സംഭവം. സംഭവവുമായി ബന്ധപ്പെട്ട് 16 വയസുകാരിയായ പെൺകുട്ടിയെ പൊലീസ് അറസ്റ്റ് ചെയ്തു. ഹുസൈന്റെ 15 വയസുകാരിയായ മൂത്ത മകളും ബദരി സേത്തിന്റെ 16 വയസുള്ള മകളും സ്വവർഗാനുരാകികളായിരുന്നു.

ഹുസൈൻ തന്റെ മകളുടെ ബന്ധത്തെ ശക്തമായി എതിർക്കുകയും അവളെ മറ്റൊരു ബന്ധുവീട്ടിലേക്ക് മാറ്റുകയും ചെയ്തു. തന്റെ കൂട്ടുകാരിയെ കാണാതെ ബുദ്ധിമുട്ടിയ സേത്തിന്റെ മകൾ നവംബർ 11ന് ഇതിനായി അവരുടെ വീട്ടിലേക്ക് എത്തി. എന്നാൽ ഇവിടെ ഇസ്മത്ത് മാത്രമേ ഉണ്ടായിരുന്നുള്ളൂ.

ഇസ്മത്തിനോട് സഹോദരിയെ പറ്റി ചോദിച്ചപ്പോൾ കുട്ടി ബഹളം വയ്ക്കാൻ തുടങ്ങി. ശബ്ദം പുറത്ത് കേൾക്കാതിരിക്കാനായി ഇരുപത് മിനുട്ടോളം കുട്ടിയുടെ പെൺകുട്ടി മുഖം പൊത്തിപ്പിടിച്ചു. ഒടുവിൽ ഇസ്മത്ത് മരിച്ചു. തുടർന്ന് തന്റെ വീടിന്റെ പുറത്ത് തടികൊണ്ട് മറച്ച് മൃതദേഹം വയ്ക്കുകയായിരുന്നു.

സംഭവത്തിൽ കുറ്റക്കാരാണെന്ന സംശയത്തെ തുടർന്ന് ബദരി സേത്തിനെയും മകൻ മനീഷിനെയും പൊലീസ് അറസ്റ്റ് ചെയ്തിരുന്നു. കൂടുതൽ അന്വേഷണം നടത്തിയപ്പോഴാണ് ഞെട്ടിക്കുന്ന സംഭവങ്ങൾ പുറത്താകുന്നത്. തുടർന്ന് ബദരി സേത്തിന്റെ മകൾ പൊലീസിൽ കുറ്റം സമ്മതിക്കുകയായിരുന്നു.