വനിതാ കോളജിൽ പെൺകുട്ടികൾ ജീൻസും ജെഗിങ്‌സുംപ്പോലുള്ള പോലുള്ള വസ്​ത്രങ്ങൾ ധരിച്ച്​ കാമ്പസിൽ വരുന്നതിന് വിലക്കേർപ്പെടുത്തിയിരിക്കുകയാണ് പാറ്റ്​നയിലെ മഗദ്​ മഹിളാ കോളജ്​. പുതിയ ഡ്രസ്​കോഡ്​ പ്രകാരം പാട്യാല വസ്​ത്രങ്ങൾക്കും വിലക്കേർപ്പെടുത്തിയിരിക്കുകയാണ്.

ജീൻസ്, ജഗിങ്​സ്​​ പോലുള്ള വസ്​ത്രങ്ങൾ ധരിച്ചുവരാൻ കോളജ്​ കാമ്പസ്​ ഷോപ്പിങ്​ മാൾ അല്ലെന്ന്​ പുതുതായി ചുമതലയേറ്റ പ്രിൻസിപ്പൽ ഡോ. ശശി ശർമ പറഞ്ഞു. കോളജിൽ വരു​മ്പോള്‍ ജീൻസ്​ ധരിക്കേണ്ട ആവശ്യമില്ലെന്നും ജീൻസ്​ ധരിക്കുന്നത്​ വ്യതിചലനമുണ്ടാക്കുമെന്നും പഠിക്കുകയാണെന്ന വികാരമുണ്ടാക്കില്ലെന്നും പ്രിൻസിപ്പൾ പറയുന്നു. പെൺകുട്ടികൾ മെയ്​ക്കപ്പും ലിപ്​സ്​റ്റിക്കും 45 വയസിന്​ ശേഷം ചെയ്​താൽ മതിയെന്ന അഭിപ്രായമാണ് പ്രിൻസിപ്പളിന്.

പാറ്റ്​ന സർവകലാശാലക്ക്​ കീഴിലുള്ള പഴക്കമേറിയ വനിതാ കോളജ്​ ആണിത്​. ഇതുപ്പോലുള്ള വസ്​ത്രം ധരിക്കുന്നത്​ വിദ്യാർഥികളുടെ ശ്രദ്ധ വ്യതിചലിപ്പിക്കുമെന്നും വിദ്യാഭ്യാസ സ്​ഥാപനത്തിൽ ഇത്തരം വസ്​ത്രങ്ങൾ അനുചിതമാണെന്നും കോളജ്​ അധികൃതരും അഭിപ്രായപ്പെടുന്നു. ഇത്​ ലംഘിക്കുന്നവർക്കെതിരെ ശിക്ഷാ നടപടികൾ ഉണ്ടാകുമെന്നും ഇവർ അറിയിച്ചിട്ടുണ്ട്.