മിനി സ്ക്രീനിലും ബിഗ് സ്ക്രീനിലും തിളങ്ങി നിൽക്കുന്ന നായികയാണ് സ്വാസിക. ഈ വർഷത്തെ മികച്ച സഹ നടിക്കുള്ള കേരള സംസ്ഥാന ചലച്ചിത്ര പുരസ്‌കാരവും ലഭിച്ച നായിക പ്രേക്ഷകരുടെ പ്രിയ താരമാണ്. സിനിമയിൽ നിന്നും സീരിയലിലേക്ക് എത്തിയപ്പോൾ അമ്മമാർക്ക് സ്വാസികയോടുള്ള ഇഷ്ട്ടം കൂടുകയാണ് ചെയ്തത്. അഭിനയരം​ഗത്ത് തന്റെ സ്ഥാനം ചുരുങ്ങിയ സമയം കൊണ്ട് നേടിയെടുത്ത നടിയുമാണ് സ്വാസിക വിജയ്. മിനി സ്ക്രീനിൽ സീത ആയും ബി​ഗ് സ്ക്രീനിൽ തേപ്പുകാരിയായും വളരെ പെട്ടെന്ന് തന്നെ പ്രേക്ഷക മനസിൽ താരം ഇടം നേടിയിരുന്നു. വിവിധ ടെലിവിഷൻ റിയാലിറ്റിഷോകളിലും സ്വാസിക സജീവമാണ്.

കഥാപാത്രത്തിന് വേണ്ടി എന്തും ചെയ്യാന്‍ താന്‍ തയ്യാറാണെന്നാണ് സ്വാസിക ഇപ്പോൾ പറയുന്നത്. 'സീരിയലിലായാലും സിനിമയിലായാലും എന്റെ വസ്ത്രധാരണ രീതിക്ക് അനുയോജ്യമായ കഥാപാത്രങ്ങളാണ് ലഭിച്ചിട്ടുള്ളത്. പക്ഷേ നല്ലൊരു പ്രൊജക്ട് ലഭിച്ചാല്‍ മുടി മുറിക്കാനോ ലുക്ക് മാറ്റാനോ എനിക്ക് മടിയില്ലെന്ന് സ്വാസിക വെളിപ്പെടുത്തിയത്. താൻ നേരത്തെ ജീന്‍സും ഷോര്‍ട്‌സും ധരിക്കുകയും മുടി കളര്‍ ചെയ്യുകയുമൊക്കെ ചെയ്തിട്ടുണ്ടെന്നും. അതുകൊണ്ടുതന്നെ അവയൊന്നും എനിക്ക് പുതുമയുള്ള ഒരു കാര്യമല്ലെന്നുമാണ് തരാം ഇപ്പോൾ വ്യക്തമാക്കിയിരിക്കുന്നത്. നേരത്തെ മേക്കോവര്‍ ഫോട്ടോഷൂട്ടുകളിലൂടെ സ്വാസിക സോഷ്യല്‍ മീഡിയയില്‍ തരംഗമായി മാറിയതായിരുന്നു.

ഇപ്പോള്‍ സിനിമയിലും സീരിയലിലും സജീവമാണ് സ്വാസിക. മനം പോലെ മാംഗല്യം എന്ന പരമ്പരയിലെ പ്രധാന വേഷത്തിലാണ് സ്വാസിക ഇപ്പോൾ അഭിനയിക്കുന്നത്. പോയ വര്‍ഷം മികച്ച സഹനടിക്കുള്ള കേരള സംസ്ഥാന ചലച്ചിത്ര അവാര്‍ഡും സ്വാസികയെ തേടിയെത്തിയിരുന്നു. വാസന്തി എന്ന ചിത്രത്തിലൂടെയായിരുന്നു സ്വാസികയെ തേടി പുരസ്‌കാരമെത്തിയത്. ആറാട്ട് ആണ് സ്വാസികയുടെ ഏറ്റവും പുതിയ സിനിമ.

തമിഴിലൂടെയായിരുന്നു സ്വാസിക സിനിമയിലേക്ക് എത്തുന്നത്. 2009 ല്‍ പുറത്തിറങ്ങിയ വൈഗ ആയിരുന്നു ആദ്യത്തെ സിനിമ. ഫിഡില്‍ എന്ന ചിത്രത്തിലൂടെയാണ് സ്വാസിക മലയാളത്തില്‍ എത്തുന്നത്. നിരവധി സിനിമകളില്‍ അഭിനയിച്ചിരുന്നു. പക്ഷെ, കട്ടപ്പനയിലെ ഹൃത്വിക് റോഷനിലെ തേപ്പുകാരിയാണ് ശ്രദ്ധനേടിയ കഥാപാത്രം. പക്ഷെ സ്വാസികയെ താരമാക്കിയത് ടെലിവിഷനാണ്. സീത എന്ന പരമ്പരയിലൂടെയാണ് ജനപ്രീയ നടിയായി സ്വാസിക മാറിയത്.