കേരളാ ക്യാപ്റ്റന് അഹങ്കാരിയും സ്വാര്ത്ഥനും'; സച്ചിന് ബേബിക്കതിരെ താരങ്ങളുടെ കൂട്ടപരാതി
കടുത്ത തീരുമാനവുമായി ടീമംഗങ്ങള്. കേരള ക്രിക്കറ്റ് ടീമില് ക്യാപ്റ്റന് സച്ചിന് ബേബിക്കതിരെ താരങ്ങളുടെ കൂട്ടപരാതി. അടുത്ത സീസണ് ആരംഭിക്കുന്നതിന് മുമ്പ് പുതിയ ക്യാപ്റ്റനെ വേണമെന്നാണ് ടീമിലെ താരങ്ങളുടെ ആവശ്യം. കെസിഎയ്ക്ക് 13 താരങ്ങളാണ് ഒപ്പിട്ട് സച്ചിന് ബേബിക്കതിരെ പരാതി നല്കിയിരിക്കുന്നത്.അടുത്ത സീസണ് പ്രതീക്ഷയോടെ ആരംഭിക്കാനിരിക്കുന്ന സാഹചര്യത്തില് ടീമെന്ന നിലയില് തങ്ങള് ആശങ്കയുണ്ട്. സച്ചിന് ബേബിയുടെ പെരുമാറ്റത്തില് മനംനൊന്ത് ടീമിലെ പല താരങ്ങളും മറ്റു സംസ്ഥാനങ്ങള് വേണ്ടി കളിക്കാന് പോയിട്ടുണ്ടെന്ന് താരങ്ങള് കത്തില് വ്യക്തമാക്കുന്നു. താരങ്ങള് ഒപ്പിട്ട് നല്കിയ കത്തില് കെസിഎ സെക്രട്ടറിക്കാണ് നല്കിയിരിക്കുന്നത്. വിഷയത്തില് ബെംഗളൂരുവില് നടക്കുന്ന ക്യാപ്റ്റന് തിമ്മയ്യ മെമ്മോറിയല് കെ.എസ്.സി.എ ട്രോഫിക്ക് ശേഷം തീരുമാനമെടുക്കുമെന്ന് കെസിഎ അറിയിച്ചു.
ടീമിലെ അംഗങ്ങളോടെ സച്ചിന് ബേബിയുടെ പെരുമാറ്റം വിജയത്തിന് കോട്ടം വരുത്തുന്നതാണെന്ന് താരങ്ങള് പറയുന്നു. കേരളാ ക്യാപ്റ്റന് അഹങ്കാരിയും സ്വാര്ത്ഥനുമാണ്. സച്ചിന് ബേബി പെട്ടെന്ന് ദേഷ്യപ്പെടുന്ന വ്യക്തിയാണ്. ടീമില് ഏകാധിപതിയെപ്പോലെ സച്ചിന് പെരുമാറുന്നതെന്നും പരാതിയില് ആരോപിക്കുന്നു. വിജയിക്കുമ്പോള് എല്ലാ ക്രെഡിറ്റും ക്യാപ്റ്റന് സ്വന്തമാക്കുന്നു. പരാജയപ്പെട്ടാല് മറ്റു താരങ്ങളെ കുറ്റപ്പെടുത്തുന്നു. നായകന്റെ പെരുമാറ്റം ടീമിലെ അംഗങ്ങളെ വേദനിപ്പിക്കുന്നു.
https://www.facebook.com/Malayalivartha