ലോര്ഡ്സില് റേഡിയോ വിൽപ്പന നടത്തി സച്ചിന് ടെണ്ടുല്ക്കറിന്റെ മകന്
ക്രിക്കറ്റ് ദൈവം സച്ചിന് ടെണ്ടുല്ക്കറിന്റെ മകന് അര്ജുന്റെ പുതിയ റോള് കണ്ട് അമ്പരപ്പിലാണ് ആരാധകര്. ഇംഗ്ലണ്ടിലെ ലോഡ്സിലായിരുന്നു താരപുത്രന് പുതിയ റോളില് അരങ്ങേറ്റം കുറച്ചത്. റേഡിയോ വില്പ്പനക്കാരനായിട്ടാണ് അര്ജുന്റെ പുതിയ രംഗപ്രവേശം. ഇവിടെ ഇന്ത്യ-ഇംഗ്ലണ്ട് രണ്ടാം ടെസ്റ്റ് മത്സരം നടക്കുന്നതിനിടെയാണ് സ്റ്റേഡിയത്തിന് പുറത്ത് അര്ജുന് ടെന്ഡുല്ക്കര് കച്ചവടക്കാരനായി മാറിയിരിക്കുന്നത്.
പെട്ടിയും തൂക്കി നടക്കുന്ന അര്ജുന്റെ ചിത്രം ഹര്ഭജനാണ് ട്വീറ്റ് ചെയ്തത്. ‘ആരാണ് റേഡിയോ വില്ക്കുന്നതെന്ന് നോക്കൂ 50 എണ്ണം വിറ്റു കഴിഞ്ഞു. കുറച്ചു കൂടെ മാത്രമേ ബാക്കിയുള്ളൂ. ഗുഡ്ബോയ് ‘ എന്നായിരുന്നു ഹര്ഭജന്റെ ട്വീറ്റ്.അര്ജുന് ലോര്ഡ്സിലെ മഴ നനഞ്ഞ പിച്ചുണക്കാന് ഗ്രൗണ്ട് സ്റ്റാഫിനെ സഹായിച്ചത് കഴിഞ്ഞ ദിവസം വാര്ത്തയായിരുന്നു. പരശീലനം നടത്തുക മാത്രമല്ല തങ്ങളുടെ ജീവനക്കാരെ സഹായിച്ച ശേഷമാണ് അര്ജുന് മടങ്ങിയതെന്ന് ലോര്ഡ്സ് അധികൃതര് ട്വീറ്റ് ചെയ്തിരുന്നു.
നേരത്തെ നെറ്റ്സില് കോഹ്ലിക്കും മുരളീ വിജയ്ക്കും വേണ്ടി പന്തെറിയാന് അര്ജുന് എത്തിയിരുന്നു. എം.സി.സി യങ് ക്രിക്കറ്റേഴ്സ് പ്രോഗാമിന്റെ ഭാഗമായി ലണ്ടനിലെത്തിയതാണ് അര്ജുന്. ശ്രീലങ്കയ്ക്കെതിരായ അണ്ടര് 19 ഇന്ത്യന് ടെസ്റ്റ് ടീമില് ഇടം നേടിയിരുന്ന അര്ജുന് കളിയിലെ ആദ്യ ഓവറില് തന്നെ വിക്കറ്റെടുത്ത് താരമായിരുന്നു.
https://www.facebook.com/Malayalivartha
