ക്രിക്കറ്റിനൊപ്പം രാജ്യ സ്‌നേഹവും സിരകളില്‍ അലയടിക്കുന്നെന്ന് തെളിയിച്ച് എം.എസ്. ധോണി. തത്കാലം ക്രിക്കറ്റിന് ചെറിയ അവധികൊടുത്താണ് ധോണി സൈനിക പരിശീലനത്തിലേര്‍പ്പെടുന്നത്. ആഗ്രയിലെ സൈനിക ക്യാമ്പിലാണ് രണ്ട് ആഴ്ചത്തെ പരിശീലനത്തില്‍ പങ്കെടുക്കാന്‍ ധോണിയെത്തിയത്. 
സൈനികനാവുക എന്നത് കുട്ടിക്കാലം മുതലുള്ള ആഗ്രഹമാണെന്ന് ധോണി പറഞ്ഞു. തന്റെ സ്വപ്നം സഫലമായതിന്റെ സന്തോഷത്തിലാണെന്നും തുടര്‍ന്നും സൈന്യത്തിന്റെ ഭാഗമായി ജോലികള്‍ ചെയ്യാന്‍ താത്പര്യമാണെന്നും അദ്ദേഹം അറിയിച്ചു.
ലഫ്റ്റനന്റ് കേണല്‍ പദവിലഭിച്ചശേഷം ആദ്യമായാണ് ധോണി സൈന്യത്തിനൊപ്പം പരിശീലന ക്യാമ്പില്‍ പങ്കെടുക്കുന്നത്. പരിശീലനത്തില്‍ പങ്കെടുക്കാന്‍ ആഗ്രഹമറിയിച്ച് ധോണി തന്നെയാണ് സൈനിക അധികൃതര്‍ക്ക് കത്തയച്ചത്. 
രണ്ടാഴ്ചത്തെ ട്രെയിനിംഗില്‍ പാരച്യൂട്ടില്‍ നിന്ന് ചാടുന്നതുള്‍പ്പെടെയുള്ള പരിശീലനങ്ങളാണ് ഉള്ളത്. പരിശീലന കാലയളവില്‍ അഞ്ചുതവണയെങ്കിലും ധോണിക്ക് പാരച്യൂട്ടില്‍ നിന്ന് ചാടേണ്ടതായി വരും. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha