ഐപിഎല്‍ പതിനൊന്നാം സീസണിലെ ആദ്യ മത്സരത്തിലെ അപ്രതീക്ഷിത തോൽവിക്ക് പിന്നാലെ മുംബൈയ്ക്ക് കനത്ത തിരിച്ചടി.ഓസീസ് പേസ് ബൗളർ പാറ്റ് കമ്മിണ്‍സിന്റെ സേവനം മുംബൈയ്ക്ക് ഈ സീസണിൽ ലഭിക്കില്ല. പരിക്കേറ്റ താരം ഐപിഎല്ലിൽ നിന്നും പിന്മാറി.

താരലേലത്തില്‍ 5.40 കോടി മുടക്കിയാണ് ഓസീസ് പേസറെ മുംബൈ ഇന്ത്യന്‍സ് സ്വന്തമാക്കിയത്. ദക്ഷിണാഫ്രിക്കയ്ക്കെതിരായ ടെസ്റ്റ് പരമ്പരയില്‍ കമ്മിണ്‍സ് മികച്ച പ്രകടനം പുറത്തെടുത്തിരുന്നു. നേരത്തെ കൊല്‍ക്കത്ത നൈറ്റ് റൈഡേഴ്‌സിന്‍റെ മിച്ചല്‍ സ്റ്റാര്‍ക്ക്, ഡല്‍ഹി ഡെയര്‍ഡവിള്‍സ് താരം കഗിസോ റബാഡ എന്നീ പേസര്‍മാര്‍ പരിക്കേറ്റ് ഐപിഎല്ലില്‍ നിന്ന് പിന്‍മാറിയിരുന്നു.