മഴമൂലം ആറോവറായി വെട്ടിച്ചുരുക്കിയ മത്സരത്തില്‍ രാജസ്ഥാന്‍ റോയല്‍സിനെതിരെ 71 റണ്‍സ് വിജയലക്ഷ്യവുമായി ഇറങ്ങിയ ഡല്‍ഹി ഡെയര്‍വിള്‍സിന് 10 റണ്‍സ് തോല്‍വി. രണ്ടുമണിക്കൂറോളം തടസപ്പെട്ട മത്സരത്തില്‍ പുതുക്കിയ ലക്ഷ്യവുമായി ഇറങ്ങിയ ഡല്‍ഹിക്ക് 60/4എന്ന സ്‌കോറിലേ എത്താനായുള്ളൂ. സീസണിലെ രാജസ്ഥാന്റെ ആദ്യ ജയമാണിത്.

ആദ്യ ബാറ്റിംഗിനിറങ്ങിയ രാജസ്ഥാന്‍ 17.5 ഓവറില്‍ 153/5 എന്ന സ്‌കോറിലെത്തിയപ്പോള്‍ മഴ കാരണം കളി തടസപ്പെട്ടു.ടോസ് നഷ്ടപ്പെട്ട് ബാറ്റിംഗിനിറങ്ങിയ രാജസ്ഥാന് ഓപ്പണിംഗിന് ഇറങ്ങിയത് അജിങ്ക്യ രഹാനെയും (45) ഷോര്‍ട്ടും (6) ചേര്‍ന്നാണ്. ഷോര്‍ട്ട് രണ്ടാം ഓവറില്‍ റണ്‍ ഔട്ടായി. തുടര്‍ന്നെത്തിയ ബെന്‍സ്‌റ്റോക്‌സ് 12 പന്തുകളില്‍ ഓരോ സിക്‌സും ഫോറുമടിച്ച് 16 റണ്‍സുമായി അഞ്ചാം ഓവറില്‍ ബൗള്‍ട്ടിന്റെ പന്തില്‍ ഋഷഭ് പന്തിന് പിടികൊടുത്ത് മടങ്ങിയതോടെ രാജസ്ഥാന്‍ 28/2 എന്ന നിലയിലായി.തുടര്‍ന്ന് ക്രീസില്‍ ഒരുമിച്ച സഞ്ജു സാംസണും (37)രഹാനെയും ചേര്‍ന്ന് 62 റണ്‍സാണ് കൂട്ടിച്ചേര്‍ത്തത്.

22 പന്തുകളില്‍ രണ്ട് വീതം സിക്‌സും ഫോറുമടിച്ച സഞ്ജു 11ാം ഓവറില്‍ നദീമിന്റെ പന്തില്‍ ക്‌ളീന്‍ ബൗള്‍ഡാവുകയായിരുന്നു. തുടര്‍ന്നിറങ്ങിയ ബട്ട്&്വംിഷ;ലര്‍ കാലുറപ്പിക്കുന്നതിനിടെ രഹാനെ പുറത്തായി. 40 പന്തുകളില്‍ അഞ്ചു ബൗണ്ടറികള്‍ പറത്തിയ രാജസ്ഥാന്‍ ക്യാപ്ടനെയും നദീമാണ് മടക്കി അയച്ചത്.