ഐ.പി.എല്ലില്‍ കൊല്‍ക്കത്ത നൈറ്റ്‌റൈഡേഴ്‌സിന് 71 റണ്‍സിന്റെ തകര്‍പ്പന്‍ ജയം. ഡല്‍ഹി ഡെയര്‍ഡെവിള്‍സിനെതിരെ ആദ്യം ബാറ്റുചെയ്ത കൊല്‍ക്കത്ത ഒമ്പതു വിക്കറ്റ് നഷ്ടത്തില്‍ 200 റണ്‍സെടുത്തു. നിതീഷ് റാണ (59), ആന്ദ്രെ റസല്‍ (41), റോബിന്‍ ഉത്തപ്പ (35) എന്നിവരാണ് കൊല്‍ക്കത്തയുടെ നെടുന്തൂണായത്. മറുപടി ബാറ്റിങ്ങിനിറങ്ങിയ ഡല്‍ഹി 14.2 ഓവറില്‍ 129ന് കൂടാരം കയറി. ഡല്‍ഹി നിരയില്‍ ഋഷഭ് പന്തും (43) ഗ്ലെന്‍ മാക്‌സ്‌വെല്ലും (47) മാത്രമേ രണ്ടക്കം കടന്നുള്ളൂ.

കൊല്‍ക്കത്തക്കായി സുനില്‍ നരെയ്ന്‍, കുല്‍ദീപ് യാദവ് എന്നിവര്‍ മൂന്ന് വിക്കറ്റ് വീഴ്ത്തി. നാലു കളിയില്‍ കൊല്‍ക്കത്തയുടെ രണ്ടാം ജയമാണിത്.