ഗൗതം ഗംഭീര് ക്യാപ്റ്റന് സ്ഥാനം രാജിവച്ചു; ശ്രേയസ് അയ്യരാവും ഡല്ഹിയെ സീസണില് ഇനി നയിക്കുക
ഐപിഎല്ലില് ഡല്ഹി ഡെയര്ഡെവിള്സിന്റെ ക്യാപ്റ്റന് സ്ഥാനം ഗൗതം ഗംഭീര് രാജിവച്ചു. ടീമിന്റെ തുടര് തോല്വികളെ തുടര്ന്നാണ് ഗംഭീറിന്റെ രാജി. യുവതാരം ശ്രേയസ് അയ്യരാവും ഡല്ഹിയെ സീസണില് ഇനി നയിക്കുക.
സീസണില് ആറ് മത്സരങ്ങള് കളിച്ച ഡല്ഹി അഞ്ചിലും തോറ്റ് ദയനീയ സ്ഥിതിയിലാണ്. ടീമിന്റെ തോല്വിക്ക് പുറമേ തന്റെ പ്രകടനവും മോശമായത് ഗംഭീറിന് സമ്മര്ദ്ദം സൃഷ്ടിച്ചിരുന്നു. ആദ്യ മത്സരത്തില് അര്ധ സെഞ്ചുറി നേടിയ ഗംഭീറിന് പിന്നീട് ഒരു മത്സരത്തില് പോലും രണ്ടക്കം കടക്കാന് കഴിഞ്ഞതുമില്ല. കഴിഞ്ഞ മത്സരത്തില് പഞ്ചാബിനോട് അവസാനം വരെ പൊരുതിയെങ്കിലും ജയം മാത്രം അകന്നു നിന്നു.
36 വയസുകാരനായ ഗംഭീര് കോല്ക്കത്ത നൈറ്റ് റൈഡേഴ്സില് നിന്നാണ് ഇത്തവണത്തെ ലേലത്തിലൂടെ ഡല്ഹിയില് എത്തിയത്. ക്യാപ്റ്റന് സ്ഥാനം രാജിവച്ചത് തന്റെ സ്വന്തം തീരുമാനപ്രകാരമാണെന്നും ടീമുടമകളില് നിന്ന് ഒരു സമ്മര്ദ്ദവും ഉണ്ടായിട്ടില്ലെന്നും അദ്ദേഹം പറഞ്ഞു. ടീമിന്റെ പ്രകടനത്തിലും തന്റെ പ്രകടനത്തിലും തൃപ്തിയുണ്ടായില്ല. ആദ്യ ആറ് മത്സരങ്ങളില് അഞ്ചിലും തോറ്റതിന്റെ ഉത്തരവാദിത്വം തനിക്കാണെന്നും ഗംഭീര് കൂട്ടിച്ചേര്ത്തു.
https://www.facebook.com/Malayalivartha