ഇന്ത്യന് പ്രീമിയര് ലീഗില് കിംഗ്സ് ഇലവന് പഞ്ചാബിനെ തോല്പ്പിച്ച് മുംബയ് ഇന്ത്യന്സിന് വിജയം
ഇന്ത്യന് പ്രീമിയര് ലീഗില് കിംഗ്സ് ഇലവന് പഞ്ചാബിനെ തറപറ്റിച്ച് മുംബയ് ഇന്ത്യന്സ് വിജയം കരസ്ഥമാക്കി. ടോസ് നഷടപ്പെട്ട് ബാറ്റിംഗിനിറങ്ങിയ പഞ്ചാബ് ആറ് വിക്കറ്റ് നഷ്ടത്തില് 174 റണ്സ് നേടി. മറുപടി ബാറ്റിംഗ് ആരംഭിച്ച മുംബയ് നാല് വിക്കറ്റ് നഷ്ടത്തില് വിജയം നേടുകയായിരുന്നു. സൂര്യകുമാര് യാദവ് (42 പന്തില് 57), രോഹിത് ശര്മ (പുറത്താവാതെ 15 പന്തില് 24), ക്രുനാല് പാണ്ഡ്യ (12 പന്തില് 31) എന്നിവരാണ് മുംബയുടെ വിജയം എളുപ്പമാക്കിയത്. ഇവിന് ലെവിസ് (10), ഇഷാന് കിഷന് (25), ഹാര്ദിക് പാണ്ഡ്യ (23) എന്നിവരാണ് പുറത്തായ മറ്റു ബാറ്റ്സ്&്വംിഷ;മാന്മാര്. പഞ്ചാബിനായി മുജീബ് രണ്ട് വിക്കറ്റ് വീഴ്ത്തി.
ആദ്യം ബാറ്റ് ചെയ്ത ക്രിസ് ഗെയ്ല് (40 പന്തില് 50) കെ.എല്. രാഹുല് (20 പന്തില് 24), കരുണ് നായര് (12 പന്തില് 13), മാര്കസ് സ്റ്റോയ്നിസ് (15 പന്തില് 29) എന്നിവര് പഞ്ചാബിനായി പൊരുതി. 14 പന്തില് 14 റണ്സ് നേടിയ യുവരാജ് സിംഗ് വീണ്ടും നിരാശപ്പെടുത്തി. വിജയത്തോടെ ഒമ്പത് മത്സരങ്ങളില് ആറ് പോയിന്റുമായി അഞ്ചാം സ്ഥാനത്താണ് മുംബയ് ഇപ്പോള്.
https://www.facebook.com/Malayalivartha