പ്‌ളേ ഓഫ് സാധ്യതകള്‍ നിലനിര്‍ത്തി ഐ.പി.എല്ലില്‍ മുംബയ് ഇന്ത്യന്‍സിന് ഉജ്ജ്വല വിജയം. മുംബയ് ഉയര്‍ത്തിയ 187 റണ്‍സ് വിജയലക്ഷ്യം പിന്തുടര്‍ന്ന പഞ്ചാബിന് 183 റണ്‍സെടുക്കാനെ സാധിച്ചുള്ളു. ജസപ്രീത് ബുംമ്രയാണ് കളി മുംബയ്ക്ക് അനുകൂലമാക്കിയത്. കെ.എല്‍. രാഹുലും(94) ആരോണ്‍ ഫിഞ്ചും(46) ചേര്‍ന്ന് രണ്ടാം വിക്കറ്റില്‍ അടിച്ചുകൂട്ടിയ 111 റണ്‍സിന്റെ കൂട്ടുകെട്ട് പൊളിച്ചാണ് ബുംമ്ര കളിയുടെ ഗതി തിരിച്ചത്. 

ക്രീസിലെത്തിയ യുവരാജ് സിംഗിനും കാര്യമായി ഒന്നും ചെയ്യാന്‍ കഴിഞ്ഞില്ല. കെയ്രോണ്‍ പൊള്ളാര്‍ഡിന്റെ (50) അര്‍ദ്ധ സെഞ്ചുറി മികവിലാണ് മുംബയ് 186 റണ്‍സെടുത്തത്. 23 പന്തില്‍ അഞ്ചു ഫോറും മൂന്നു സിക്‌സറുകളുമുള്‍പ്പെടുന്നതായിരുന്നു പൊള്ളാര്‍ഡിന്റെ ഇന്നിംഗ്‌സ്. ഹാര്‍ദിക് പാണ്ഡ്യയും (32), സൂര്യകുമാര്‍ യാദവും (27) മുംബയ് ഇന്നിംഗ്‌സിന് കരുത്തു പകര്‍ന്നു.