കോപ്പ മത്സരത്തില്‍ ബ്രസീലിനെ കൊളംബിയ ഏകപക്ഷീയമായ ഒരു ഗോളിന് അട്ടിമറിച്ചു. ലോകകപ്പില്‍ സൂപ്പര്‍താരം നെയ്മറെ ഇടിച്ചുവീഴ്ത്തിയതിന്റെ പ്രതികാരമെന്ന് തോന്നുംവിധം ബ്രസീല്‍ പരുക്കന്‍ കളികളിച്ചപ്പോള്‍ കൊളംബിയ സുന്ദരന്‍ കളികളിച്ച് ജയിച്ചു. 

മത്സരത്തിന്റെ മുപ്പത്താറാം മിനിറ്റില്‍ ജെയിസന്‍ മുറീലോയാണ് കൊളംബിയയുടെ വിജയ ഗോള്‍ നേടിയത്. മത്സരം തീരും വരെ ബ്രസീലിയന്‍ താരങ്ങളെ ഗോള്‍ അടിക്കാന്‍ അനുവദിക്കാതെയാണ് കൊളംബിയ ജയം സ്വന്തമാക്കിയത്. നിരവധി അവസരങ്ങള്‍ ലഭിച്ചിട്ടും അതൊന്നും ഗോളാക്കി മാറ്റാനാവാഞ്ഞ മുന്നേറ്റനിരയുടെ പിഴവാണ് ബ്രസീലിന് തോല്‍വി സമ്മാനിച്ചത്. നെയ്മര്‍ പതിവുഫോമിലേക്ക്‌യുയരാതിരുന്നതോടെ ബ്രസീല്‍ മുന്നേറ്റനിര നിറംമങ്ങി.

മത്സരത്തിന്റെ അവസാന ഭാഗം ഇരു ടീമിലെയും താരങ്ങള്‍ തമ്മിലുണ്ടായ വാക്കു തര്‍ക്കവും കയ്യേറ്റ ശ്രമവും സൂപ്പര്‍ താരം നെയ്മര്‍ക്കും കൊളംബിയയുടെ കാര്‍ലോസ് ബക്കയ്ക്കും ചുവപ്പ് കാര്‍ഡ് ലഭിക്കുന്നതിനും വഴിവെച്ചു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha